Friday, August 4, 2017

784, മാർത്താണ്ഡഭൈരവാരാദ്ധ്യാ

1, ദേവ്യുപാസകനായ മാർത്താണ്ഡഭൈരവനാൽ ആരാധിക്കപ്പെടുന്നവൾ
2, മാർത്താണ്ഡൻ എന്നത് സൂര്യപര്യായമാണ്.  ഉദ്യമോ ഭൈരവഃ എന്നുണ്ട്. സൂര്യൻ്റെ ഉദയംകൊണ്ട് ആരാധിക്കപ്പെടുന്നവളാണ് ഭഗവതി.
3, ലോകതേജസ്വിയായ സൂര്യനാലും ഭീരുക്കളുടെ സമൂഹത്താലും ആരാധിക്കപ്പെടുന്നവൾ. 

783, പ്രാണരൂപിണീ.


1, പ്രാണന് ബ്രഹ്മമെന്ന അർത്ഥം ശ്രുതിയിലുണ്ട്. അതിനാൽ ബ്രഹ്മസ്വരൂപാ
2, പ്രാണൻ  കാലത്തിൻ്റെ ഒരളവാണ്. നാലുനിമിഷത്തിന് പ്രാണൻ എന്നു പറയും. ഫലത്തിൽ കാലസ്വരൂപിണീ
3, ജീവൻ എന്നും അർത്ഥമാകം. എല്ലാവരുടേയും ജീവൻ വാസ്തവത്തിൽ ഭഗവതിതന്നെ ആണ്.

782, പ്രാണദാ

1, പ്രാണനെ ദാനം ചെയ്യുന്നവൾ. പ്രാണന് പഞ്ചപ്രാണങ്ങൾ എന്നും  ഇന്ദ്രിയങ്ങൾ എന്നെല്ലാം അർത്ഥമുണ്ട്. ഇവയെല്ലാം തരുന്നത് ഭഗവതിയാണ്.
2 പ്രാണങ്ങളെ ഇല്ലായ്മ ചെയ്യുന്നവൾ എന്നും അർത്ഥമാക്കാം. മുൻപറഞ്ഞവയെല്ലാം ഇല്ലാതാകുന്നതും മായാരൂപിണിയായ തന്നെ,
3, പ്രാണന് ബ്രഹ്മം എന്നൊരു അർത്ഥമുണ്ട്. ബ്രഹ്മത്തെ തരുന്നവൾ. ബ്രഹ്മപ്രാപ്തി തരുന്നവൾ

Wednesday, July 19, 2017

781, പരാകാശാ

1, പരമമായ ആകാശമായിട്ടുള്ളവൾ. പരമമായ ആകാശം പരംബ്രഹ്മം തന്നെ.
2, പരാകശബ്ദത്തിന് ഒരു തരം കഠിനമായ വ്രതം എന്നൊരു അർത്ഥം. ആശാ എന്നതിന് ദിക്ക് എന്ന് അർത്ഥമുണ്ട്. കഠിനമായ ആവ്രതം ചെയ്യുന്നവർ എത്തിച്ചേരുന്ന ദിക്ക് എന്ന് ഭാവാർത്ഥം.
3, പരമായിരിക്കുന്ന അകത്തെ അശിക്കുന്നവൾ. അകം പാപം. ഏറ്റവും വലിയ പാപത്തേയും ഭഗവതി ഇല്ലാതാക്കും.
4, പരാകം എന്നതിന് ഒരു തരം രോഗം എന്നും അർത്ഥമുണ്ട്. ആ രോഗത്തെ ഇല്ലാതാക്കുന്നവൾ എന്നും ആകാം.

780, പ്രത്യഗ്രൂപാ

1, ഏറ്റവും മുമ്പ് ഉള്ള രൂപം. പ്രപഞ്ചം തുടങ്ങുന്നതിനും മുമ്പുള്ള ഒരേഒരുരൂപം ഭഗവതിയുടേതാണ്.
2, പ്രതികൂലസ്വരൂപാ. പ്രതികൂലമായി വരുന്നതും ഭഗവതിയുടെ രൂപം തന്നെ എന്ന വിശ്വാസം ഉണ്ടെങ്കിൽ ജീവിതം അല്ലലില്ലാത്തതാകും. 

Wednesday, July 12, 2017

779, വിശ്വതോമുഖീ

1, എല്ലായിടത്തും മുഖമുള്ളവൾ. പ്രപഞ്ചത്തിൻ്റെ ഏതു മൂലയിലും മുഖമുള്ളവൾ.
2, സദാചാരത്തിലേയക്കും അനാചരത്തിലേയ്ക്കും ശ്രദ്ധപായിച്ചുകൊണ്ടിരിക്കുന്ന ഭഗവതിയുടെ മുഖം പ്രപഞ്ചം മുഴുവൻ നിറഞ്ഞതാണ്.

778, വിരജാ

1, രജോഗുണം തീരെ ഇല്ലാത്തവൾ
2, ഉത്കലദേശത്തുള്ള വിരജാ പീഠത്തിൽ പൂജിക്കപ്പെടുന്ന വിരജാദേവി.
3, ശ്രീകൃഷ്ണപ്രണയിനിയായ ഒരു ഗോപസ്ത്രീ. യോഗികളിൽ ഉന്നതകളായ ഗോപസ്ത്രീകളെല്ലാം ഭഗവതിതന്നെ.

777, വിരാഡ്രൂപാ

1, ഈപ്രപഞ്ചം മുഴുവൻ നിറഞ്ഞു നിൽക്കുന്ന ഭഗവദ്രൂപത്തെ വിരാട് എന്നു പറയുന്നു. ഭവതിയുടെ ഏറ്റവും സ്ഥൂലമായ രൂപമാണ് വിരാഡ്രൂപം.
2, ക്ഷത്രിയസ്വരൂപാ എന്നും ആകാം.
3, വിരാട് എന്നൊരു ഛന്ദസ്സുണ്ട്. ഛന്ദസ്സുകളെല്ലാം ഭഗവതിതന്നെ ആണല്ലോ.

776, വീരാരാദ്ധ്യാ

1, വീരന്മാരാൽ ആരാധിക്കപ്പെടുന്നവൾ
2, യാഗത്തിൽ നൈ തിളപ്പിച്ച് അത് കത്താൻ തുടങ്ങുമ്പോൾ അതിലേയ്ക്ക് പാൽ ഹോമിക്കുന്ന ഒരു ക്രിയ ഉണ്ട്. അതിനുപയോഗിക്കുന്ന ഉപയോഗിക്കുന്ന മഹാവീരം എന്ന ഒരു പാത്രം വീരമാണ്. ആപാത്രത്തിലൂടെ ആരാധിക്കുന്നത് ഭഗവതിയെതന്നെ.
3,തന്ത്രത്തിൽ പ്രതിപാദിക്കപ്പെടുന്ന ഒരു വീരാവസ്ഥഉണ്ട്. അപ്രകാരം വീരാവസ്ഥ പ്രാപിച്ചവരാൽ ആരാധ്യാ.

Friday, July 7, 2017

775, മന്ദാരകുസുമപ്രിയാ

1, മന്ദാരം എന്നത് കൽപ്പകവൃക്ഷം ആണ്. കൽപ്പകവൃക്ഷത്തിൻ്റെ  കുസുമം ഇഷ്ടപ്പെടുന്നവൾ

774, മേരുനിലയാ

1, മേരുപർവ്വതത്തിൽ വിസിക്കുന്നവൾ
2, ശ്രീചക്രത്തിൻ്റെ ഉള്ളിൽ വസിക്കുന്നവൾ
3, നവാർണ്ണമായ മന്ത്രത്തിന് മേരു എന്നു പറയാറുണ്ട്. ആമന്ത്രം നിലയമായിട്ടുള്ളവൾ
4, ജപമാലയുടെ നെടുനായകമായ കുരുവിന് മേരു എന്നു പറയാം. ജപം തുടങ്ങുന്നതും അവസാനിക്കുന്നതും ഇതിലായതിനാൽ ജപത്തിനിടയിലെല്ലാം ഭഗവതിവസിക്കുന്നു എന്നുംഅർത്ഥമാക്കാം

773, മഹതീ

1, പ്രാധാന്യമുള്ളവൾ. ഭഗവതിയെപ്പോലെ പ്രാധാന്യമുള്ളവളായി ആരുണ്ട്.
2, രൂപംകൊണ്ട് വലിയവൾ. പ്രപഞ്ചസ്വരൂപയായ ഭഗവതി മഹതി തന്നെ.
3, ശ്രീനാരദമഹർഷിയുടെ വീണയ്ക്ക് മഹതി എന്നു പേരുണ്ട്. സദാ നാമസങ്കീർത്തനത്തിന് പശ്ചാത്തലം ഒരുക്കുന്ന ആ വീണ ഭഗവതിയാണ്.
4, മഹതീ എന്നു പേരായി ഒരു നദിയുണ്ട് എന്നു കാണുന്നു. എല്ലാ നദികളും ഭഗവതിയാണ്.

772, പാടലീകുസുമപ്രിയാ

1, ചുവപ്പും വെളുപ്പും ചേർന്ന നിറമായ പാടലനിറത്തിലുള്ള ഒരു പുഷ്പമാണ് പാടലകുസുമം. പാതരിപ്പൂ. അത് ഇഷ്ടപ്പെടുന്നവൾ

771, ദുരാധർഷാ

1, ആധർഷണം ചെയ്യാൻപറ്റാത്തവൾ. ആധർഷണം എന്നാൽ കീഴ്പ്പെടുത്തൽ എന്നർത്ഥം. ഭഗവതിയെ ആർക്കും തന്നെ കീഴ്പ്പെടുത്താൻ പറ്റില്ല.
2, ആധർഷണം എന്നതിന് നിന്ദിക്കൽ എന്നും അർത്ഥമുണ്ട്. ഭഗവതിയെ നിന്ദിക്കാൻ പോലും ആർക്കും കഴിയില്ല. ഭഗവതിയെ മനസ്സിലാക്കാതെ എങ്ങിനെയാണ് നിന്ദിക്കുന്നത്

770, ദുരാരാദ്ധ്യാ

1, മനോബലം ഇല്ലാത്തവർക്ക് ആരാധിക്കാൻ വിഷമമുള്ളവൾ.

769,, പ്രിയവ്രതാ

1, ഏതു ദേവതാപ്രീതിക്കാണെങ്കിലും പ്രായശ്ചിത്തം ഉദ്ദേശിച്ചാണെങ്കിലും ആദർശത്തെ ഉദ്ദേശിച്ചാണെങ്കിലും അനുഷ്ഠിക്കുന്ന വ്രതം ഭഗവതിയുടെ പ്രീതി സമ്പാദിച്ചു തരുന്നതാണ്.
2 മനുവിന് പ്രിയവ്രതൻ എന്നൊരു പുത്രനുണ്ടായി. അദ്ദേഹം സപ്തദ്വീപുകൾ വിഭാവനം ചെയ്ത മഹാനാണ്. ആ പ്രിയവ്രതമഹാരാജാവ് ഭഗവതിയുടെ ചൈതന്യം ഉൾക്കൊള്ളുന്നവൻ തന്നെ. 

768, യജ്ഞരൂപാ

1, വൈദികൻമാരാൽ ചെയ്യപ്പെടുന്ന അഗ്നിഷ്ടോമാദി യജ്ഞങ്ങൾ ഭഗവതിയുടെ രൂപമാണ്. യജ്ഞശാലയുടെ ഓരോ ഭാഗങ്ങൾ യജ്ഞദേവതയുടെ ഓരോരോ അവയവങ്ങളാണ് എന്ന് പുരാണങ്ങളിൽ കാണാവുന്നതാണ്.
2, നമ്മുടെ ഇന്ദ്രിയങ്ങൾ കൊണ്ട് അനുഭവിക്കുന്നതെല്ലാം ഉള്ളിലിരിക്കുന്ന ആത്മാവായ ഭഗവതിക്ക് വേണ്ടിയാണെന്ന ഭവന വലിയ യജ്ഞമാണ്. ആ യജ്ഞം സ്വരൂപമായിട്ടുള്ളവൾ.
3, ഭഗവദ്ഗീതയുലും മറ്റും പലവിധത്തിലുള്ള യജ്ഞങ്ങൾ പറഞ്ഞിട്ടുണ്ട്. അതെല്ലാം ഭഗവതിയുടെ രൂപങ്ങൾ തന്നെ.

767, ദ്യുതിധരാ

1, ദ്യുതിയെ ധരിക്കുന്നവൾ. കാന്തിയുള്ളവൾ

766, ഓജോവതീ

1, എട്ടാമത്തെ ധാതു ഓജസ്സാണെന്നു പറയുന്നു. ത്വക് ചർമ്മാദി ധാതുക്കൾ ഏഴാണ്. ഇതിനെല്ലാം മീതെയുള്ളതാണ് ഓജസ്സ്. അതുള്ളവൾ.
2, ഇന്ദ്രിയസാമർത്ഥ്യം ഓജസ്സാണെന്നും ഉണ്ട്. ഇിന്ദ്രയിസാമർത്ഥ്യം ഉള്ളൾ.
3, ബലം എന്നും ദീപ്തി എന്നും ഓജശബ്ദത്തിന് അർത്ഥം ഉണ്ട്. ഇത് രണ്ടും ഭഗവതിക്കുണ്ട്.

Thursday, July 6, 2017

765,ജപാപുഷ്പനിഭാകൃതിഃ

1, ജപാപുഷ്പത്തിൻ്റെ നിഭയുള്ള ആകൃതിയോടുകൂടിയവൾ. ജപാപുഷ്പം ചുകന്നനിറമുള്ള ഒരു പൂവ്വ്. അതിൻ്റെ ശോഭയുള്ള  ഭഗവതി.
2, അജപാ എന്നു പദം മുറിക്കാം. പ്രസിദ്ധമായ അജപാമന്ത്രം ഭഗവതിയുടെ തന്നെ മന്ത്രമാണ്. ബാക്കി പുഷ്പനിഭാകൃതിഃ പുഷ്പത്തെപോലെ ശോഭയുള്ള ആകൃതിയോടുകൂടിയവൾ

764, ശുദ്ധാ

1, തീരെ കളങ്കമില്ലാത്തവൾ.
2, ഉജ്വലയായിട്ടുള്ളവൾ

763, സ്വർഗ്ഗാപവർഗ്ഗദാ

1, സ്വർഗ്ഗത്തേയും അപവർഗ്ഗത്തേയും തരുന്നവൾ. സ്വർഗ്ഗം എന്നതിന് സുഖം എന്നർത്ഥം. അപവർഗ്ഗം മോക്ഷം.
2, സ്വർഗ്ഗത്തനെ അപവർഗ്ഗമായി തരുന്നവൾ. അപവർഗ്ഗം എന്നതിന് എറിയൽ എന്നർത്ഥമുണ്ട്. സ്വർഗ്ഗത്തെ അത്ര നിസ്സാരമായി എറിഞ്ഞുതരുന്നവൾ എന്നർത്ഥം. മോക്ഷത്തിനെ അപേക്ഷിച്ച് സ്വർഗ്ഗത്തിൻ്റെ വില അത്രയ്ക്കേ ഉള്ളൂ എന്ന് ഈ നാമം ബോധിപ്പിക്കുന്നു.

762, ത്രിഗുണാത്മികാ

1, സത്വരജസ്മോഗുണങ്ങൾ ഉൾക്കൊള്ളുന്നവൾ. ത്രിഗുണാത്മികയായ പ്രകൃതീദേവിതന്നെ ആണ് ഭഗവതി.

761, ത്ര്യംബകാ

1, മൂന്നു കണ്ണുള്ളവൾ, സോമസൂര്യാഗ്നിലോചനായണ് ഭഗവതി.
3, ബ്രഹ്മവിഷ്ണുശിവന്മാർക്ക് അംബികാ. ത്രിമൂർത്തികളുടെ അമ്മയാണ് ഭഗവതി.
4, പരമശിവൻ്റെ പത്നി എന്നും ആകാം

760, സുഭഗാ

1, അഞ്ചു വയസ്സുള്ള കന്യക. അഞ്ചുവയസ്സുള്ള കന്യകളെല്ലാം ഭഗവതിയുടെ സുഭഗഎന്ന അവസ്ഥ  ഉൾക്കൊള്ളുന്നവരാണ്.
2, ശ്രീ തുടങ്ങി ആറുഗുണങ്ങൾ ഭഗ ശബ്ഗത്തിലുൾപ്പെടുന്നു. ഈ ആറുഗുണങ്ങൾ ഉള്ളതുകൊണ്ടാണ് ഈശ്വരന് ഭഗവാൻ എന്നു പറയുന്നത്. ഇവ വേണ്ടതുപോലെ ഭഗവതിയിലുള്ളതിനാൽ സുഭഗാ.
3, സുശോഭനോ ഭഗോ യയാ. സൂര്യനെ പ്രകാശിപ്പിക്കുന്നത് യാതൊരുവളാലോ അവൾ സുഭഗാ
4സുന്ദരീ. ഭഗവതിയേക്കാൾ സൌന്ദര്യം ആർക്കുണ്ട്.

759, ത്രിവർഗ്ഗദാത്രീ

1, ധർമ്മാർത്ഥകാമങ്ങളെ തരുന്നവൾ. ഭഗവതി കനിഞ്ഞു നൽകിയ ധർമ്മവും അർത്ഥവും കാമവും ആധാരമായി ജീവിക്കുന്നവർക്ക് മോക്ഷധികാരം ഉറപ്പാണ്.
2, സത്വരജസ്തമോഗുണങ്ങൾ തരുന്നവൾ. മോക്ഷം ലഭിക്കുന്നതുവരെ ദേഹം നിലനിർത്താനുള്ള ത്രിഗുണങ്ങൾ അനുവദിച്ചു തരുന്നത് ഭഗവതിയാണ്.

758, വിശ്വധാരിണീ

1, വിശ്വത്തെ ധരിക്കുന്നവൾ. ലോകം മുഴുവൻ താങ്ങിനിർത്തുന്നതും ഭരിക്കുന്നതും ഭഗവതിതന്നെ.
2, വിശ്വം ധരിക്കുന്നവൾ. ലോകത്തിലെ ഓരോ അണുവും അകത്തും പുറത്തും ധരിക്കുന്നത് ദേവിയെ തന്നെ.

Wednesday, July 5, 2017

757, സർവ്വലോകേശീ

1, എല്ലാലോകങ്ങൾക്കും ഈശ്വരി. എല്ലാ ലോകങ്ങൾക്കും ഈശ്വരിയായിട്ടുള്ലവൾ.

756, ക്ഷരാക്ഷകാത്മികാ

1, ക്ഷരവും അക്ഷരവും സ്വരൂപമായിട്ടുള്ളവൾ. നശിക്കുന്നവയും നശിക്കാത്തതും ആയ എല്ലാം ഭഗവതിതന്നെ.
2, ക്ഷരം കണക്കാക്കാൻ പറ്റാത്തത്. അക്ഷരം വർണ്ണം ഇത് സ്വരൂപമായിട്ടുള്ളവൾ. കണക്കാക്കാൻ പറ്റാത്ത അക്ഷരം പ്രണവമാണ്. ആ ഏകാക്ഷരം സ്വരൂപമായിട്ടുള്ളവൾ
3, ക്ഷരം എന്നതിന് പരബ്രഹ്മം എന്നൊരു അർത്ഥം. അക്ഷരത്തിന് ജ്ഞാനം എന്നും  അർത്ഥമുണ്ട്. പരബ്രഹ്മജ്ഞാനം സ്വരൂപമായിട്ടുള്ളവൾ എന്നും ആകാം. 

Monday, July 3, 2017

755, ചണ്ഡമുണ്ഡാസുരനിഷൂദിനീ

1, ശുഭനിശുംഭന്മാരുമായുള്ള യുദ്ധത്തിൽ ചണ്ഡാസുരനേയും മുണ്ഡാസുരനേയും നിഷൂദനം ചെയ്തവൾ ചണ്ഡമുണ്ഡന്മാരെ വധിച്ചവൾ.

754, ചണ്ഡികാ

1, കോപശീലാ. അധർമ്മികളിൽ കോപശീലാ.

753, അപർണ്ണാ

1, പാർവ്വതി ശിവനെ തപസ്സുചെയ്യുമ്പോൾ ഇലകൾ പോലും ഭക്ഷിക്കാതെ തപസ്സിൻ്റെ തീവ്രത കൂട്ടി. പർണ്ണം അഥവാ ഇലകൂടി ഉപേക്ഷിച്ചവൾ എന്ന അർത്ഥത്തിൽ അപർണ്ണ എന്ന പേരുവന്നു.
2, ഋണം എന്നതിന് കടം എന്ന ് അർത്ഥമുണ്ട്. ഭക്തരുടെ കടം ഇല്ലാതാക്കുന്നവൾ.
3, പതനം ഇല്ലാത്തവൾ എന്നും ആകാം.

752, മഹാശനാ

1, ഭക്തന്മാർ നിവേദിക്കുന്ന മഹത്തായ നിവേദ്യങ്ങൾകൊണ്ടുള്ള അശനമാണ്  ഭഗവതിയുടെ. അശനം ഭക്ഷിക്കൽ
2, അശനശബ്ദത്തിന് വിശപ്പ് എന്ന് അർത്ഥമുണ്ട്. വലിയവിശപ്പുള്ളവൾ.
3, അശനശബ്ദത്തിന് വ്യാപിക്കൽ എന്നും അർത്ഥമുണ്ട്. എല്ലായിടത്തും വ്യാപിച്ചിട്ടുള്ളവൾ എന്നും അർത്ഥമാകാം. 

751, മഹാഗ്രാസാ

1, ഗ്രാസശബ്ദത്തിന് ഉരുള എന്നാണ് അർത്ഥം. ഈ പ്രപഞ്ചം മുഴുവൻ ഒറ്റയടിക്ക് ഭക്ഷിക്കുന്ന സംഹാരമൂർത്തിയായ ഭഗവതിയുടെ ഉരുള വലുതല്ലാതിരുന്നാലേ അത്ഭുതമുള്ളൂ.
2, അവ്യക്തമായ ഉച്ചാരണത്തിനും ഗ്രാസശബ്ദം ഉപയോഗിക്കാം.  അനേകകോടി ഗ്രഹങ്ങളും നക്ഷത്രങ്ങളും അതിവേഗം തിരിയുമ്പോളുണ്ടാകുന്ന പ്രകൃതിയുടെ ശബ്ദം ഏറ്റവും അവ്യക്തവും മഹത്തും ആയ ഉച്ചാരണം തന്നെ.
3, ഗ്രഹണത്തിനും ഗ്രാസം എന്നു പറയാറുണ്ട്. സൂര്യചന്ദ്രന്മാരെ മാത്രമല്ല സകലതിനെയും ഗ്രസിക്കുന്ന ഗ്രഹണമാണ് ഭഗവതി.

Monday, June 12, 2017

750, മഹാകാളീ

1, ഉജ്ജയനീപീഠാധിപനായ മഹാകാളൻ്റെ പത്നി.
2, കാലനേക്കൂടി കാലനം ചെയ്യുന്നതിനാൽ മഹാകാളി (മഹാകാലീ) കാലനേക്കുടി ഇല്ലാതാക്കുന്നവൾ.
3, അത്യധികം കറുത്തവൾ. 

749, മഹേശ്വരീ

1, മഹതിയായ ഈശ്വരീ. പൂജിക്കപ്പെടേണ്ട ഈശ്വരി.
2, മഹേശ്വരൻ്റെ പത്നി. ശിവപത്നി.

748, മൃത്യുദാരുകുഠാരികാ.

1, മൃത്യുവാകുന്ന ദാരുവിന് കുഠാരികയായിട്ടുള്ളവൾ. മരണമാകുന്ന മരത്തിനെ വെട്ടിക്കീറുന്ന മഴുവാണ് ഭഗവതി.
2, മൃത്യുവാകുന്ന ദാരുവിന് കുഠാരികയായിട്ടുള്ളവൾ. ദാരു എന്നതിന് ശിൽപ്പി എന്ന് അർത്ഥമുണ്ട്. മരണമാകുന്ന ശിൽപ്പിക്ക് മഴുവാണ്. ഭഗവതി. മായാസ്വരൂപിയായ ഭഗവതിയാണ് മൃത്യുവിന് സഹാ.മായിട്ടുള്ളവൾ.
3, മൃത്യു എന്നതിന് ശിവൻ എന്നും അർത്ഥം വരാം. ശിവനാകുന്ന ശിൽപ്പിക്ക് ആയുധമാണ് ശക്തിയായ ഭഗവതി

Friday, May 5, 2017

747, രോഗപർവ്വതദംഭോളിഃ

1, രോഗമാകുന്ന പർവ്വതത്തിന് ദംഭോളിയായിട്ടുള്ളവൾ. ദംഭോളി വജ്രം. പർവ്വതങ്ങൾ പറന്നു നടന്നിരുന്നകാലത്ത് ഇന്ദ്രൻ വജ്രംകൊണ്ട് അവയുടെ ചിറകരിഞ്ഞുകളഞ്ഞ് നിശ്ചലരാക്കി എന്നു പുരാണം. ഭഗവതിയുടെ സാന്നിദ്ധം ഇളകാതിരിക്കാൻ തക്കവണ്ണം  രോഗങ്ങളെവിവശരാക്കിക്കളയും.

746, ഭക്തചിത്തകേകിഘനാഘനാ

1, ഭക്തന്മാരുടെ ;ചിത്തങ്ങളാകുന്ന കേകികൾക്ക് ഘനങ്ങളുടെ ഘനമായിട്ടുള്ളവൾ. ചിത്തം മനസ്സ്. കേകി മയിൽ. ഘനം മേഘം. ഘനം കൂട്ടം. ഭക്തന്മാരുടെ മനസ്സാകുന്ന മയിലുകൾക്ക് ആഹ്ളാദമുണ്ടാക്കുന്ന മഴമേഘങ്ങളുടെ കൂട്ടമാണ് ഭഗവതി. ഭഗവതിയുടെ ഒരു ലാഞ്ഛനപോലും ഭക്തന്മാർക്ക് ആഹ്ളാദമുണ്ടാക്കുന്നതാണ് മയിലുകൾക്ക് കാർമേഘം പോലെ.
2,ഭക്തന്മാരുടടെ ചിത്തങ്ങളാകുന്ന കേകികളുടെ ഘനാഘനത്തോടു കൂടിയവൾ ഭക്തന്മാരുടെ മനസ്സ് മയിലുകളേപ്പോലെയാണ്. ഭഗവതിയുടെ നാമമോ ചരിത്രങ്ങളോ കേട്ടാൽ പീലിവിരിച്ച് ആടും. അങ്ങിനെയുള്ള മനോമയിലുകളുടെ നൈരന്തര്യത്തോടുകൂടിയവൾ. ഘനാഘനശബ്ദത്തിന് നൈരന്തര്യം എന്നൊരു അർത്ഥമുണ്ട്. എല്ലാകാലത്തും എല്ലായിടത്തും ഒരു വിധത്തിലല്ലെങ്കിൽ മറ്റൊരുവിധത്തിൽ ഭഗവതിയുടെ ഭക്തരേക്കൊണ്ട് നിറഞ്ഞതാണ് ഈ ലോകം.

Thursday, April 27, 2017

745, ഭാഗ്യാബ്ധിചന്ദ്രികാ

1, ഭാഗ്യമാകുന്ന അബ്ധിക്ക് ചന്ദ്രികയായിട്ടുള്ളവൾ. ചന്ദ്രനുദിച്ചാൽ കടലിൽ വേലിയേറ്റമുണ്ടാകുന്നതുപോലെ ഭഗവതി ഭാഗ്യത്തിൻ്റെ വേലിയേറ്റമുണ്ടാക്കുന്നു.

744, ജരാധ്വാന്തരവിപ്രഭാ

1 ജരയാകുന്ന ധ്വാന്തത്തിന് രവിപ്രഭയായിട്ടുള്ളവൾ. ജരയാകുന്ന ഇരുട്ടിന് സൂര്യപ്രഭയായിട്ടുള്ളവൾ. പ്രായമായി ജരവന്ന് എല്ലാം ഇരുട്ടിൽ മറയുന്നവർക്ക് സൂര്യവെളിച്ചം പോലെയാണ് ഭഗവതി.

743, ദൌർഭാഗ്യതൂലവാതൂലാ

1, ദൌർഭാഗ്യമാകുന്ന തൂലത്തിന് ആതൂലമായിരിക്കുന്നവൾ. ദൌർഭാഗ്യമായിരിക്കുന്ന പഞ്ഞിക്ക് കൊടുങ്കാറ്റായിരിക്കുന്നവൾ. ഭഗവതിയുള്ളിടത്ത് ദൌർഭ്യമാകന്ന പഞ്ഞിക്ക് നിലനി.പ്പേഇല്ല.

742, പാപാരണ്യദവാനലാ.

1, പാപമാകുന്ന ആരണ്യത്തിന് ദവാനലൻ ആയിരിക്കുന്നുവൾ, പാപമാകുന്ന കാടിന് കാട്ടുതീയ്യായിട്ടുള്ളവൾ

741, ഭവദാവസുധാവൃഷ്ടിഃ

1, ഭവമാകുന്ന ദാവാഗ്നിക്ക് സുധാവൃഷ്ടിയായിട്ടുള്ളവൾ. സംസാരമാകുന്ന കാട്ടുതീയ്യിന് ആയിട്ടുള്ളവ(.
2, ഭവദയും, വസുധയും ആയ വൃഷ്ടിയായിട്ടുള്ളവൾ. ഭവൻ പരശിവൻ അഥവാ മോക്ഷം തരുന്ന. വസുധാ വസുവിനെ ആധാനം ചെയ്യുന്നത്. സമ്പത്ത് തരുന്ന. വൃഷ്ടി മഴ. മോക്ഷവും ഭൌതികസുഖങ്ങളും തരുന്ന മഴതന്നെ ആണ് ഭഗവതി

Wednesday, April 26, 2017

740, രംഭാദിവന്ദിതാ

1, സ്വർല്ലോകസുന്ദരിമാരായ രംഭാ തിലോത്തമാ തുടങ്ങിയവരാൽ വന്ദിക്കപ്പെടുന്നവൾ. അത്രത്തോളമാണ് ഭഗവതിയുടെ സൌന്ദര്യം.
2, രംഭാ എന്നതിന് ശ്രീപാർവ്വതീ എന്നും അർത്ഥമുണ്ടി. ശ്രീപാർവ്വതിയാൽ വന്ദിക്കപ്പെടുന്നൾ.
3, രംഭാ എന്നതിന് പശുക്കളുടെ ശംബ്ദം എന്ന അർത്ഥമുണ്ട്. പശുക്കൾ നിലവിളിക്കുന്നതും പാലുചുരത്തുന്നതും എല്ലാം ഭഗവതിയെ വന്ദിക്കാനായിട്ടാണ്. 

739, ലജ്ജാ

1, ലജ്ജാസ്വരൂപിണീ. സമൂഹത്തിൻ്റെ നിലനിൽപ്പിന് അത്യാവശ്യമായ ലജ്ജ ഭഗവതിതന്നെ.

738, ലയകരീ

1, ലയം ഉണ്ടാക്കിത്തരുന്നവൾ. ലയം കൂടിച്ചേരൽ അഥവാ മോക്ഷം.
2, ധ്യാനത്തിൽ മുഴുകുന്ന അവസ്ഥ ഉണ്ടാക്കിത്തരുന്നവൾ
3, നശിപ്പിക്കുന്നവൾ
4, യോഗത്തിലെ വൃത്തികളിലൊന്നായ ലയം വരുത്തിവെയ്ക്കുന്നവൾ.

737, ലാസ്യപ്രിയാ

1, ലാസ്യം പ്രിയമാണ് യാതൊരുവൾക്ക്. നൃത്തനൃത്യാദികൾ ഭഗവതിക്ക് പ്രിയമാണ്.
2, നാടന്മാരേയും നടിമാരേയും ഇഷ്ടപ്പെടുന്നവൾ
3, നൃത്തക്കാർക്ക് ഇഷ്ടപ്പെട്ടവൾ

736, മുക്തിരൂപിണീ

1, മുക്തി സ്വരൂപമായിട്ടുള്ലവൾ. 
2, മുക്തിയാൽ നിരൂപണം ചെയ്യപ്പെടാവുന്നവൾ മോക്ഷത്തിനുമാത്രമേ ഭഗവതിയുടെ സത്ത പൂർണ്ണമായി നിരൂപണെ ചെയ്യാൻ പറ്റുകയുള്ളൂ.

Friday, April 21, 2017

735, മുക്തിദാ

1, മോക്ഷത്തെ തരുന്നവൾ.
2, മോക്ഷത്താൽ ദാനം ചെയ്യപ്പെടുന്നവൾ. മോക്ഷം കിട്ടുമ്പോഴാണ് ശരിക്ക് ഭഗവതിയെ കിട്ടുന്നത്.

734, മിഥ്യാജഗദധിഷ്ഠാനാ

1, മിഥ്യയായിരിക്കുന്ന ജഗത്തിന് അധിഷ്ഠാനമായിരിക്കുന്നവൾ. ഈജഗത്ത് ഇല്ലാത്തതാണ്. ഇല്ലാത്ത ജഗത്തിന് അധിഷ്ഠാനം ഇരിപ്പിടം ആയിട്ടുള്ളവൾ. മുത്തുച്ചിപ്പി  തിളങ്ങുമ്പോൾ വെള്ളിയാണെന്നു തോന്നും. പക്ഷേ വെള്ളി മിഥ്യയാണ്. അതുപോലെ സത്യത്തിൽ ഭഗവതിമാത്രമേ ഉള്ളൂ. ഈ കാണുന്ന പ്രപഞ്ചം സത്യത്തിൽ ഇല്ലാത്ത ഒരു പ്രകാശം മാത്രമാണ്.

733, നടേശ്വരീ

1, നടേശ്വരനായ ശിവൻ്റെ പത്നീ.
2, നടന്മാരാൽ ഉപാസിക്കപ്പെടുന്നവൾ.
3, ഈ പ്രപഞ്ചനടത്തിൻ്റെ ഈശ്വരീ. നക്ഷത്രങ്ങളും ഗ്രഹങ്ങളും നൃത്തം ചെയ്യുന്ന പ്രപഞ്ചമാകുന്ന നടനത്തിൻ്റെ നടത്തിപ്പുകാരി.

732, നന്ദിവിദ്യാ

1, നന്ദികേശ്വകൻ ഉപാസിക്കുന്ന വിദ്യാ. വിദ്യാ എന്നതിന് മന്ത്രം എന്ന് അർത്ഥം.
2, നന്ദി എന്നതിന് ചൂതുകളി എന്നും അർത്ഥമുണ്ട്. ചൂതുകളിയാകുന്ന അറിവ്. അക്ഷവിദ്യാ എന്നും അർത്ഥമാകാം.

731, നാമപാരായണപ്രീതാ

1, നാമപാരായണംകൊണ്ട് പ്രീതിപ്പെടുന്നവൾ. അകാരദി സ്വരങ്ങളും കകാരാദി വർണ്ണങ്ങളും ചേർന്ന് ഭഗവതിയുടെ അനവധി നാമങ്ങൾ ഉണ്ടാകുന്നു. അത് നിശ്ചിതദിവസക്രമത്തിൽ ചൊല്ലുന്നത് ഭഗവതീപ്രീതിക്ക് നല്ലതാണെന്നു കാണുന്നു.

Thursday, April 20, 2017

730, പ്രിയങ്കരീ

1, ജഗത്പിതാവായ ശിവൻ്റെ പ്രിയങ്കരീ.
2,ലോകത്തിലെ ഓരോ അണുവിനും പ്രിയയായിട്ടുള്ളവൾ

729, പ്രേമരൂപാ

1, പ്രേമം അഥവാ ഭക്തി ഭഗവതിയുടെ സ്വരൂപം. തന്നെ പ്രേമമാണ്.

728, ആനന്ദകലികാ

1, ആനന്ദത്തിൻ്റെ കലികാ. കലികാ മൊട്ട്..ഭഗവതിയുടെ ചിന്ത എവിടെയെല്ലാം  മൊട്ടിടുന്നുവോ അവിടെയെല്ലാം ആനന്ദം പൂത്തുലയും.

727, ചിത്കലാ

1, ചൈതന്യത്തിൻ്റെ ഏകദേശരൂപമുള്ളവൾ. പരബ്രഹ്മത്തിൻ്റെ ഏകദേശരൂപമുള്ളവൾ. പരബ്രഹ്മത്തെ മനസ്സിലാക്കുന്നവർക്ക് ഉള്ള വഴി പരബ്രഹ്മത്തിനോട് ഏറ്റവും അടുത്ത അവസ്ഥയാണ് ഭഗവതിക്കുള്ളത്. അതുകൊണ്ടാണ് ഏകദേശം എന്നു സൂചിപ്പിച്ചത്.
2, എല്ലാ ചരാചരങ്ങളിലും ഭഗവതിയുടെ ചൈതന്യത്തിൻ്റെ അംശമാണുള്ളത്. അതിനാൽ ചിത്കലാ. ഭഗവതിയുടെ കലതന്നെ എല്ലാതിലും ഉള്ളത്.

Wednesday, April 19, 2017

726 ശിവജ്ഞാനപ്രദായിനീ

1, ശിവപദത്തെ കുറിച്ചുള്ള ജ്ഞാനം ഉപദേശിക്കുന്നവൾ. ഭഗവതിയാണ് ശിവനജ്ഞാനം ഉപദേശിക്കാനുള്ള ഏറ്റവും യുക്തയായത്.
2, ശിവന് ജ്ഞാനം ഉപദേശിക്കുന്നവൾ.
3, മംഗലകരമായ ജ്ഞാനം ഉപദേശിക്കുന്നവൾ

Thursday, April 13, 2017

725, സനകാദിസമാരാദ്ധ്യാ

1, സനകാദിമഹർഷിമാരാൽ ആരാധിക്കപ്പെടുന്നവൾ. ശിവപത്നി എന്ന നിലയ്ക്കും ജ്ഞാനസ്വരൂപാ എന്നനിലക്കും അഗവതി ആരാദ്ധ്യയാണ്.
2, സനകാദികളെ സമാരാധിക്കുന്നവൾ. ജ്ഞാനികളായ സനകാദികളെ പൂജിക്കുന്നവൾ

724, ദക്ഷിണാമൂർത്തിരൂപിണീ

1, ദക്ഷിണാമൂർത്തി സ്വരൂപത്തിലുള്ളവളും ഭഗവതിതന്നെ.

723, സർവ്വതന്ത്രേശീ

1,എല്ലാവിധ കർമ്മങ്ങളേയും നിയന്ത്രിക്കുന്നവഞ
2, സ്വയം വികസിപ്പിച്ച ഈ പ്രപഞ്ചത്തിൻ്റെ ഈശ്വരി
3, ശൈവം വൈഷ്ണം മുതലായ എല്ലാ തന്ത്രങ്ങളും സ്വാധീനമായിട്ടുള്ളവൾ.

722, സ്വതന്ത്രാ

1, ഒരുവിധ പാരതന്ത്ര്യങ്ങളും ഇല്ലാത്തവൾ
2, എല്ലാം സ്വയം ചെയ്യുന്നവളായതിനാൽ സ്വതന്ത്രാ.
3, ഭഗവതിയെ ഉപാസിക്കുന്നതിനുമാത്രമായ പദ്ധതിയായ തന്ത്രം ഉള്ളതിനാൽ സ്വതന്ത്രാ.
4, ശൈവം വൈഷ്ണവം എന്നുതുടങ്ങിയുള്ള തന്ത്രങ്ങളിലെല്ലാം ആത്യന്തികമായി ഭഗവതിയെ തന്നെ പ്രതിപാദിക്കുന്നതിനാൽ സ്വതന്ത്രാ.

721, ഗുരുപ്രിയാ

1, ഗുരുവിന് പ്രിയം ആയിട്ടുള്ളവൾ. ഗുരുവിന് പ്രിയമായ കാരണമാണല്ലോ ശിഷ്യന് ഭഗവതിയെ ഉപാസിക്കാൻ ആ വഴി തന്നെ ഉപദേശിക്കുന്നത്.
2, ഗുരുപത്നീ എന്നു അർത്ഥമാകാം.
3, ജഗദ്ഗുരുവിൻ്റ അതായത് ശിവൻ്റെ പ്രിയാ എന്നും അർത്ഥമാകാം.

Wednesday, April 12, 2017

720, കോമളാങ്ഗീ

1, കോമളമായ അംഗങ്ങളോടു കൂടിയവൾ. ഭഗവതിയുടെ അത്ര കോമളങ്ങളായ അംഗങ്ങൾ ഭഗവതിക്കു മാത്രമേ ഉള്ളൂ.

719, ഗുഹ്യകാരാദ്ധ്യാ

1, ഗുഹ്യകന്മാരാൽ ആരാധിക്കപ്പെടുന്നവൾ. ഗുഹ്യകന്മാർ ഒരു ദേവവിഭാഗം ആണ്.

718, ഗണാംബാ

1, സകല ഗണങ്ങളുടേയും അമ്മ.
2, ഗണപതിയുടെ അമ്മ.

717, മഹീ

1, ഭൂമി. എല്ലാം ഉൾക്കൊള്ളാൻ തക്കവണ്ണം വലിപ്പമുള്ള ഭൂമി ഭഗവതിതന്നെ.
2, പശു എന്നും മഹിശബ്ദത്തിന് അർത്ഥമുണ്ട്. ഗോമാതാവ് ഭഗവതിയാണ്.
3, ചീരക്കറി എന്നും മഹിശബ്ദത്തിന് അർത്ഥംവരാം. ശ്രീകൃഷ്ണപരമാത്മാവ് ലോകത്തിനെ മുഴുവൻ തൃപ്തിപ്പെടുത്തിയ ചീരക്കറി ആ മായാഭഗവതിയാണെന്ന് പറയേണ്ടതില്ലല്ലോ.

716, മധുമതീ

1, പൂജാദികളിൽ മധു ഉള്ളവൾ. മധു എന്നതിന് തേൻ, മദ്യം എന്നെല്ലാം അർത്ഥമുണ്ട്. പൂജയ്ക്ക് തേനും ചിലസമ്പ്രദായങ്ങളിൽ മദ്യവും ഉപയോഗിക്കാറുണ്ട്.
2, മധുരരസമുള്ളവൾ. ഭഗവതിയേക്കാൾ മധുരമായി ലോകത്തിലൊന്നും ഇല്ല.
3, മധുമതീ എന്നത് ഒരു നദിയുടെ പേരും ആണെന്നു കാണുന്നു. ഭഗവതിതന്നെ ആണല്ലോ എല്ലാ നദികളും.
4, യോഗികളുടെ സമാധിയിലുള്ള ഒരവസ്ഥയാണ് മധുമതീ. എല്ലാജ്ഞാനവും ഉള്ള ആ അവസ്ഥ ഭഗവതിതന്നെ.
5, ഋഗ്വേദത്തിൽ മധുവാതാ ഋതായതേ എന്നുതുടങ്ങിയുള്ള മൂന്ന് ഋക്കുകൾ മധുമതീ എന്ന പേരിൽ അറിയപ്പെടുന്നു. സകലവേദങ്ങളും ഭഗവതിയുടെ രൂപം തന്നെ.
  

Tuesday, April 11, 2017

715,മായാ

1, യാതൊന്ന് ഇല്ലാത്തത് അതായവൾ. മായ മിഥ്യയണ്. മായകാരണമാണ് ഇല്ലാത്തതായ ഈപ്രപഞ്ചം നമുക്ക് അനുഭവവേദ്യമാണ്.
2, ശ്രീഭഗവതി.
3, ബുദ്ധഭഗവാൻ്റെ അമ്മ മായയാണ്. ഭഗവതിതന്നെ എത്രവലിയ ജ്ഞാനിയുടേയും അമ്മ.

714, ഭഗാരാദ്ധ്യാ

1, ഭഗം എന്നാൽ യോനി എന്നർത്ഥം. യോനിയിൽ പൂജിക്കപ്പെടുന്നവൾ. സൃഷ്ടികർമ്മവും പ്രകൃതീദേവിക്കുള്ള പൂജതന്നെ.
2, ഭഗനാൽ പൂജിക്കപ്പെടുന്നവൾ. ഭഗൻ  ഭാഗ്യദേവതാ.
3, ഭഗത്തിനായി പൂജിക്കപ്പെടുന്നവൾ. ഐശ്വര്യം വീര്യം യശസ്സ് ശ്രീ ജ്ഞാനം വൈരാഗ്യം എന്നീ ആറും ഭഗങ്ങളാണ്. ഭഗവതിയെ പൂജിച്ചാൽ ഭഗങ്ങൾ ലഭിക്കുന്നത്.

713, കുളോത്തീർണ്ണാ

1, കുലം എന്നതിന് ഇന്ദ്രിയസമൂഹം എന്ന് അർത്ഥം. ഇന്ദ്രിയങ്ങളിൽനിന്ന് ഉയർന്നത്. ഭഗവതിയെ ഇന്ദ്രിയങ്ങൾകൊണ്ട് അനുഭവിക്കാള കഴിയില്ല.
2, കുലത്തിൽ ജനിച്ചവൾ എന്നും അർത്ഥമാകാം.
3, കുലം എന്നതിന് സുഷുമ്ന എന്ന് അർത്ഥമുണ്ട്. സുഷുമ്നയിൽകൂടി പൊങ്ങിയവൾ. സുഷുമ്നയിൽകൂടി സഹസ്രാരത്തിൽ എത്തി ശോഭിക്കുന്നവൾ എന്നും അർത്ഥമാകാം.

712, ഗുരുമണ്ഡലരൂപിണീ.

1, പരമശിവാദിയായ എല്ലാഗുരുക്കന്മാരുടേയും രൂപത്തിലുള്ളവൾ. ഭഗവതിതന്നെയാണ് ഗുരുപരമ്പരയുടെ രൂപത്തിൽ ഉള്ളത്.

711, സാധ്വീ

1, ഉചിതമായുള്ളവൾ.
2, ഉചിതമായുള്ളത് ചയ്യുന്നവൾ

Monday, April 10, 2017

710, സമ്പ്രദായേശ്വരീ

1, സമ്പ്രദായത്തിന് ഈശ്വരി. ഗുരുശിഷ്യപരമ്പരയെ ആണ് ഇവിടെ സമ്പ്രദായം എന്നു പറഞ്ഞിരിക്കുന്നത്. ആസമ്പ്രദായത്തിന് ഈശ്വരി ഭഗവതിയാണ്.

709, സദാശിവപതിവ്രതാ

1, എല്ലാകലത്തും ശിവൻ പതിയാണ് എന്ന വ്രതമുള്ളവൾ. ശിവൻ്റെ പത്നിയല്ലാതെ ഒരു നിമിഷവും നിൽക്കാത്തവൾ. ശിവനും ശക്തിയും എല്ലാകാലത്തും ഒരുപോലെ ഉണ്ട്.
2, സദാശിവൻ്റെ പത്നി എന്നും അർത്ഥമാകാം. ഞാനുണ്ട് എന്ന വൃത്തിയുള്ള സദാശിവൻ്റെ വൃത്തിയായ ശുദ്ധവിദ്യാ ഭഗവതിതന്നെ ആണ്.
3, എല്ലായ്പോഴും മങ്ഗളകരമായ പാതിവ്രത്യത്തോട് കൂടിവൾ എന്നും ആകാം.

708, സർവ്വോപാധിവിനിർമ്മുക്താ

1, ഉപാധി എന്നതിന് ധർമ്മവിചാരം എന്നൊരു അർത്ഥം. ഭഗവതിയുടെ ചെയ്തികളിൽ ധർമ്മാധർമ്മവിചാരം ഇല്ല. നിസ്സാരരായ മനുഷ്യരുടെ ധർമ്മാധർമ്മങ്ങൾ ഭഗവതിയുടെ ചെയ്തികളെ ബാധിക്കുന്നതല്ല. മനുഷ്യരെ സംബന്ധിച്ചിടത്തോളം സൂര്യൻ്റെ ഒരു ധർമ്മം കത്തിജ്വലിക്കലാണ്. പ്രപഞ്ചമാതാവ് ഒരുകാലത്ത് സൂര്യൻ കത്തിജ്വലിക്കേണ്ടതില്ല എന്നു തീരുമാനിച്ചാൽ മനുഷ്യനെ സംബന്ധിച്ചിടത്തോളം അധർമ്മമാകുമായിരിക്കും. പ്രപഞ്ചമാതാവിൻ്റെ പാചകം കഴിഞ്ഞ അടുപ്പുപോലെ സൂര്യൻ കെട്ടുപോയാൽ അതിലെന്തധർമ്മം.
2, ഉപാധി എന്നതിന് വ്യാജം എന്നും അർത്ഥമുണ്ട്. എല്ലാ വ്യാജങ്ങളും നീങ്ങിയവൾ. വ്യാജങ്ങളെല്ലാം നീങ്ങിയാൽ ബാക്കിയുള്ള സത്യമാണ് ഭഗവതി
3, അടയാളം എന്നും ഉപാധി എന്നതുകൊണ്ട് അർത്ഥമാക്കാം. ഒരടയാളവും ഇല്ലാത്തവളാണ് ഭഗവതി. 

707, ഗുഹ്യരൂപിണീ

1, പരമരഹസ്യമായ രൂപത്തോടു കൂടിയവൾ.
2, രഹസ്യമായ ജ്ഞാനം സ്വരൂപം ആയിട്ടുള്ളവൾ.
3, പരമാത്മസ്വരൂപിണീ
4, ഗുഹ്യശബ്ദത്തിന് ആമ എന്നും അർത്ഥമുണ്ട്. ഉള്ളിലേയ്ക്കും പുറമേയ്ക്കും അവയവങ്ങൾ എടുക്കാൻ കഴിവുള്ളതുകൊണ്ട് ആമയെ പ്രാണൻ്റെ പ്രതീകമാക്കാറുണ്ട്. അതിനാൽ പ്രാണസ്വരൂപിണീ.
5, വിഷ്ണുവിൻ്റെ അവതാരമായ കൂർമ്മവും ഭഗവതിയുടെ ഒരു രൂപം തന്നെ.

706, ഗുഹാംബാ

1, ഗുഹയിൽ മറഞ്ഞിരിക്കുന്ന അംബാ. എല്ലാതിനും കാരണകാരണമായി ആർക്കും വെളിപ്പെടാതിരിക്കുന്ന ഭഗവതി.
2, ഛായാദേവീ എന്നും അർത്ഥം കാണുന്നു.
3, ഗുഹൻ എന്നാൽ സുബ്രഹ്മണ്യൻ. സുബ്രഹ്മണ്യൻ്റെ അമ്മ.

Thursday, April 6, 2017

705, ശാസ്ത്രമയീ

1, തർക്കം വ്യാകരണം മുതലായ ശാസ്ത്രങ്ങളിലെല്ലാം ഉള്ളത് സരസ്വതീരൂപത്തിലുള്ള ഭഗവതിതന്നെ.
2, ആജ്ഞാരൂപത്തിലുള്ളവൾ. നമ്മെ മാത്രമല്ല പ്രപഞ്ചത്തെ മുഴുവൻ ചലിപ്പിക്കുന്ന തടുക്കാൻ പറ്റാത്ത ആജ്ഞയാണ് ഭഗവതി.

704, സരസ്വതീ

1, വാഗ്ദേവതയായ സരസ്വതി ഭഗവതിയുടെ തന്നെ രൂപമാണ്.
2, രണ്ടു വയസ്സുള്ള കന്യകാ.
4, അന്തർവ്വാഹിനീനദിയായ സരസ്വതി. ആപുണ്യനദിയും ഭഗവതിതന്നെ.

703, സർവ്വമോഹിനീ

1, എല്ലാവരേയും മോഹിപ്പിക്കുന്നവൾ. ഭഗവതിയുടെ മായാസ്വരൂപം ആണല്ലോ എല്ലാവരേയും മോഹിപ്പിച്ചുകൊണ്ടിരിക്കുന്നത്.
2, ശിവനെ മോഹിപ്പിക്കുന്നവൾ.
3, എല്ലാവരിലും വെച്ച് സുന്ദരി.

702, സർവ്വഗാ

1, എല്ലായിടത്തും ഗമിച്ചവൾ. ഭഗവതിയില്ലാത്ത ഒരു തരിപോലും ഇല്ല.
2, എല്ലവരുടേയും അന്തര്യാമിയായി ഇരിക്കുന്നവഞ
3, സർവ്വൻ എന്നതിന് ശിവൻ എന്ന് അർത്ഥം വരാം. അപ്പോൾ ശിവനിൽ ഇരിക്കുന്നവൾ എന്നർത്ഥമാകം. ഭഗവതിയുടെ ഇരിപ്പിടം ശിവനാണ്.

701, ദേശകാലാപരിച്ഛിന്നാ

1, ദേശംകൊണ്ടോ കാലംകൊണ്ടോ പരിച്ഛേദനം ചെയ്യാൻ പറ്റാത്തവൾ. എല്ലായിടത്തും എല്ലാകാലത്തും നിറഞ്ഞ നിൽക്കുന്നവളായതിനാൽ കേലകൊണ്ടോ ദേശംകൊണ്ടോ വേർതിരിക്കാൻപറ്റി. ഇന്ന കാലത്ത് ഇന്നസ്ഥലത്തുണ്ടായിരുന്നു എന്നു വേർതിരിക്കാൻ പറ്റില്ലെന്ന് അർത്ഥം.

Wednesday, April 5, 2017

700, സച്ചിദാനന്ദരൂപിണീ

1, സത്തും ചിത്തും  ആനന്ദവുമായ രൂപം ഉള്ളവൾ. പരമാന്ദസ്വരൂപിണീ. എപ്പോഴും ഉള്ളതും ചൈതന്യവത്തും ആണ് ആനന്ദം. അതുതന്നെയാണ് ഭഗവതിയുടെ രൂപം.

699, സാവിത്രീ

1, പ്രസിദ്ധമായ സവിതൃഗായത്രി ഭഗവതി തന്നെ
2, ഈ ജഗത്തിനെ മുഴുവൻ പ്രസവിക്കുന്നതുകൊണ്ട് ഭഗവതിക്ക് സാവിത്രീ എന്ന പേർ യോജിക്കും.
3,പുഷ്കരതീർത്ഥത്തിലെ ദേവതയാണ് സാവിത്രീ എന്നു കാണുന്നു.
4, സത്യവാൻ സാവിത്രീചരിതത്തിലെ സാവിത്രിയും ഭഗവതി തന്നെ. ഇത്ര അത്ഭുതമായ പാതിവ്രത്യം ഭഗവതിയുടെ സാന്നിദ്ധ്യം കൊണ്ടല്ലാതെ ഉണ്ടാകില്ല.
5, ശ്രീപാർവ്വതീ എന്ന് സാവിത്രീ ശബ്ദത്തിന് അർത്ഥം ഉണ്ട്.
6 സവിതാവ് അതായത് സൂര്യൻ. സവിതാവിൻ്റെ പുത്രി എന്ന അർത്ഥത്തിൽ യമുനയ്ക്കും സാവിത്രി എന്ന് പേർ വരാം

698, സർവ്വാർത്ഥദാത്രീ

1, എല്ലാ പുരുഷാർത്ഥങ്ങളും അനുവദിച്ചു തരുന്നവൾ
2, എല്ലാ സമ്പത്തും തരുന്നവൾ
3, സർവ്വന് അർത്ഥം സാധിച്ചു കൊടുക്കുന്നവൾ. സർവ്വൻ ശിവൻ. ശക്തിയില്ലെങ്കിൽ ശിവന് സ്പന്ദിക്കാനേ കഴിയില്ല. അർത്ഥം എന്നതിന് ആഗ്രഹം എന്ന് അർത്ഥമുണ്ട്.

697, സർവ്വലോകവശങ്കരീ

1, എല്ലാ ലോകത്തേയും വശീകരിക്കുന്നവൾ.
2, എല്ലാ മനുഷ്യരേയും തൻ്റെ വശത്താക്കുന്നവൾ. ഭഗവതിയുടെ ഇഷ്ടം അല്ലാതെ ഒരുത്തനും ചിന്തിക്കാനേ പറ്റാത്തിടത്തോളം വശീകരിക്കുന്നവൾ

Tuesday, April 4, 2017

696, ദൈത്യശമനീ

1, ഭണ്ഡാദി അസുരന്മാരെ ശമിപ്പിച്ചവൾ.
2, വിഷ്ണുസ്വരൂപാ എന്നും അർത്ഥമാക്കാം

695, ദീക്ഷിതാ

1, മന്ത്രോപദേശം ലഭിച്ചവനാണ് ദീക്ഷിതൻ. മന്ത്രോപദേശം ലഭിച്ച ഒരുവനിൽ നിന്ന് വേറെയല്ല ഭഗവതി.
2, നിയമവ്രതാനുഷ്ഠാനങ്ങളോടു കൂടിയവൾ. ഭക്തസംരക്ഷണം വ്രതവും ലോകരക്ഷ നിയമവുമായ ഭഗവതി ദീക്ഷിതതന്നെ ആണ്.
3, സോമയാഗം ചെയ്തവനെ ദീക്ഷിതൻ എന്നു പറയുന്നു. യജ്ഞസ്വരൂപത്തിലുള്ള ഭഗവതിയെ ജീവിതമായി സ്വീകരിച്ചവനാണ് സോമയാജി. ആ സോമയാജിയും ഭഗവതിയും രണ്ടല്ല.

694, സാഗരമേഖലാ

1, സാഗരം മേഖലയാണ് ആണ് യാതൊരുവളുടെ ആ ഭൂമി ഭഗവതിതന്നെ. മേഖല അരഞ്ഞാൺ.
2, സാഗരം എന്നതിന് നൂറ്ലക്ഷംകോടി എന്ന് അർത്ഥമുണ്ട്. മേഖലാ എന്നതിന് അതിർത്തി എന്നും അർത്ഥമുണ്ട്. ഏകമായ ഒന്നിൽ അനേകം പരിധികൾ വെച്ചാണ് ഈപ്രപഞ്ചം കൽപ്പിക്കപ്പെട്ടിട്ടുള്ളത്. അനേകം പരിധികളുള്ള പ്രപഞ്ചം ഭഗവതിതന്നെ.

693, സത്യസന്ധാ

1, സത്യത്തോട് സന്ധിയുള്ളവൾ. സത്യത്തോടു കൂടിച്ചേർന്നവൾ.
2, സത്യസന്ധൻ എന്ന് ശ്രീരാമന് പേരുണ്ട്. ശ്രീരാമരൂപത്തിലുള്ളവളും ഭഗവതിതന്നെ.
3, സത്യസന്ധാ എന്നതിന് പാഞ്ചാലീ എന്നും അർത്ഥമുണ്ട്.
4, പ്രതിജ്ഞയെടുത്തവൾ എന്നും അർത്ഥമാകാം. ഭക്തരെ രക്ഷിച്ചുകൊണ്ടേഇരിക്കും എന്ന് പ്രതിജ്ഞയെടുത്തവൾ ഭഗവതിതന്നെ.

692 സാമ്രാജ്യദായിനീ

1, പലരാജ്യങ്ങളുടെ ആധിപത്യമുള്ള രാജാവാണ് സമ്രാട്ട്. അദ്ദേഹത്തിൻ്റെ കീഴിലുള്ളപ്രദേശങ്ങളെ എല്ലാം കൂടിയാണ് സാമ്രാജ്യം എന്നു പറുന്നത്. ഈങ്ങിനെ ഉള്ള സാമ്രാജ്യം കൊടുക്കുന്നവൾ. ഭഗവതിയുടെ അനുഗ്രഹം ഉണ്ടായാൽ മാത്രം ആണ് സാമ്രാജ്യപദം കിട്ടുന്നത്.

Monday, April 3, 2017

691, ചതുരങ്ഗബലേശ്വരീ

1, ആന, കുതിര, രഥം കാലാൾ എന്നീ നാല് അംഗങ്ങളുള്ള ചതുരംഗസേനയ്ക്ക് ഈശ്വരി അഥവാ നാഥ.
2, ചതുരംഗക്കളിക്ക് ബലമായ ഈശ്വരി. ബുദ്ധികൊണ്ടുള്ളകളിയായ ഇതിനുമാത്രമല്ല എല്ലാവിധ കളിക്കും ബലം ഭഗവതിതന്നെ.

690, കോശനാഥാ

1, കോശം എന്നതിന് ഭണ്ഡാരം എന്ന് അർത്ഥം. രാജകുലത്തിൻ്റെ ഖജനാവിൻ്റെ ചുമതല ഭഗവതിയ്ക്കാണ്.
2, അന്നമയകോശം, പ്രാണമയകോശം, മനോമയകോശം, വിജ്ഞാനമയകോശം ആനന്ദമയകോശം എന്നീ പഞ്ചകോശങ്ങൾക്കും നാഥയായിട്ടുള്ളവൾ.
3, നമ്മുടെ ദേഹത്തിലുള്ള എല്ലാ കോശങ്ങളുടേയും നാഥ

689, രാജ്യലക്ഷ്മീഃ

1, രാജ്യാഭിമാനിയായ ലക്ഷ്മി. രാജ്യത്തിൻ്റെ ഐശ്വര്യം ഭഗവതിയാണ്.
2, രാജ്യത്തിൻ്റെ സൌഭാഗ്യം എന്നും അർത്ഥം വരാം. ഭഗവതിതന്നെ ആണ് രാജ്യത്തിൻ്റെ ഭാഗ്യം.
3, രാജ്യത്തിൻ്റെ വിജയം. ഇതും ഭഗവതിതന്നെ.

688, രാജപീഠനിവേശിതനിജാശ്രിതാ

1, തന്നെ ആശ്രയിച്ചവരെ ശ്രേഷ്ഠസ്ഥാനങ്ങളിൽ പ്രതിഷ്ഠിക്കുന്നതാണ് ഭഗവതിയുടെ സ്വഭാവം.
2, ഭഗവതിയെ ഭജിച്ചതിനാലാണ് സാവർണ്ണി എന്ന മനു ആസ്ഥാനത്തേയ്ക്ക് ആരോഹിക്കപ്പെട്ടതെന്ന് ദേവീമാഹാത്മ്യം
3, ബ്രഹ്മാവ് വിഷ്ണു ശിവൻ ഇന്ദ്രൻ എന്നു വേണ്ട ഈ ലോകത്തുള്ള സകലരാജസ്ഥാനങ്ങളും വഹിക്കുന്നവർ ഭഗവതിയുടെ ഭക്തരായതുകൊണ്ടാണ് ആസ്ഥാനങ്ങൾക്ക് അർഹരായത്.

687, രാജത്കൃപാ

1, പ്രകാശിക്കുന്ന കൃപയോടു കൂടിയവൾ. നിസ്സഹായതയുടെ അന്ധകാരത്തിൽ കിടന്നലയുന്നവർക്ക് വെളിച്ചം കാണുന്ന പോലെ സം എന്നപോലെയാണ്  ഭഗവതിയുടെ കൃപ. 

Friday, March 31, 2017

686, രാജ്യവല്ലഭാ

1, രാജ്യത്തിന് അതായത് രാജ്യത്തിലെ പ്രജകൾക്ക് ഇഷ്ടപ്പെട്ടവഞ.
2, തൻ്റെ കീഴിലുള്ള രാജ്യങ്ങൾക്ക് അഥവാ അതിലെ രാജാക്കന്മാർക്ക് ഇഷ്ടപ്പെട്ടവൾ.
3, രാജ്യം ഇഷ്ടപ്പെടുന്നവൾ. 

685, രാജ്യദായിനീ.

1, രാജ്യം നൽകുന്നവൾ. ഭഗവതിയുടെ പ്രസാദമുണ്ടായാൽ ലഭാക്കാത്തതെന്താണ്.
2, ഇന്ദ്രൻ മുതലായ എല്ലാരാജാക്കന്മാർക്കും രാജ്യവും അധികാരവും കൊടുക്കുന്നത് ഭഗവതിയാണ്.

684, രാജരാജേശ്വരീ

1, രാജക്കന്മാരുടെ രാജാക്കൾക്ക് ചക്രവർത്തിമാർക്ക് ഈശ്വരി ആയിട്ടുള്ളവൾ.
2, ഇന്ദ്രൻ മുതാലയ ലോകാധിപതികൾക്കും ഈശ്വരി.
3, ധനത്തിൻ്റെ അധിപതിയായ വൈശ്രവണനും ഈശ്വരിയായിട്ടുള്ളവൾ.
4, സോമന് അതായത് ചന്ദ്രന് ഈശ്വരി.

683, ശോഭനാ സുലഭാ ഗതിഃ

1, ശോഭനവും സുലഭവും ആയഗതിയായിട്ടുള്ളവൾ. വളരെ യോഗ്യമായതും എന്നാൽ യാതൊരുവിഷമവും ഇല്ലാത മാർഗ്ഗമായിട്ടുള്ളവൾ. മോക്ഷത്തിലേയ്ക്ക് ഏറ്റവും വിഷമം കുറഞ്ഞതും ശോഭനവുമായ മാർഗ്ഗം ഭഗവതിതന്നെ.
2, ജ്ഞാനം എന്നും ഗതിശബ്ദത്തിന് അർത്ഥമുണ്ട്. ശോഭനവും സമ്പാദിക്കാൻ വിഷമമില്ലാത്തതും ആയ ജ്ഞാനം ഭഗവതിതന്നെ. പുറമെ എവിടേയും അലയാതെ അവനവനിൽ തന്നെ കണ്ടുപിടിക്കാവുന്ന ജ്ഞാനം ഭഗവതിതന്നെ.
3, പ്രാപ്തിസ്ഥാനം എന്നും ഗതിക്ക് അർത്ഥമുണ്ട്. പരമപുരുഷാർത്ഥമായ മോക്ഷം ആണ് പ്രാപ്തിസ്ഥാനം. മോക്ഷാവസ്ഥയും ഭഗവതിയും രണ്ടല്ല.

682, ശുഭകരീ

1, ശുഭമായ കാര്യങ്ങൾ ചെയ്യുന്നവൾ.
2, പുണ്യം തരുന്നവൾ
3, ഭാഗ്യം ഉണ്ടാക്കുന്നവൾ
4, ജലം ഉണ്ടാക്കുന്നവൾ. 

Thursday, March 30, 2017

681, സുഖാരദ്ധ്യാ

1, വിഷമമില്ലാതെ ആരാധിക്കപ്പെടാവുന്നവൾ. അമ്മയെ ആരാധിക്കാൻ യാതൊരു വിഷമവും ഇല്ല.
2, സുഖത്താൽ ആരാധിക്കപ്പെടുന്നവൾ. സുഖം എന്നു വിചാരിക്കുന്ന അവസ്ഥ പോലും ഭഗവതിയെ ആരാധിക്കുന്നു. എന്തെന്നാൽ അതിലും എത്രയോ മേലെ ഉള്ള അവസ്ഥയാണ് ഭഗവതി.

680, ഭാവഭാവവിവർജ്ജിതാ

1, ഭാവവും അഭാവവും ഇല്ലാത്തവൾ, ഉണ്മയും ഇല്ലായമയും ഇല്ലാത്തവൾ.

679, ബൃഹത്സേനാ

1, ബൃഹത്തായ സേനയുള്ളവൾ. പ്രപഞ്ചമ മുഴുവൻ ഭഗവതിയുടെ സേനകളാണ്.
2, ബൃഹത്സേനം എന്ന രാജ്യം സ്വരൂപമായിട്ടുള്ളവൾ.

678, ഭാഷാരൂപാ

1, ഭാഷ രൂപമായിട്ടുള്ളവൾ. ലോകത്തുള്ള സകലഭാഷയും ഭഗവതിയുടെ രൂപമാണ്.
2, ഭാഷകൊണ്ട് നിരൂപണം ചെയ്യപ്പെടുന്നവൾ. ഭാഷകൊണ്ട് പലരും പലകാര്യങ്ങളും നിരൂപണം ചെയ്യുന്നു. പക്ഷേ ആത്യന്തികമായി ഭഗവതിയെമാത്രമാണ് നിരൂപണം ചെയ്യുന്നത്. എല്ലാതിലും ഭഗവതി ഒരാൾ മാത്രമാണ് ഉള്ളത്.

677, ബലിപ്രിയാ

1, കായബലം വിദ്യാബലം മുതലായതുകൊണ്ട് ബലികളായവരോട് പ്രിയമുള്ളവൾ
2, കാമക്രോധാദികളെ ജയിക്കുന്ന ബലമുള്ളവരെ പ്രിയപ്പെടുന്നവൾ.
3, മഹാബലിയെ പ്രിയമുള്ള വിഷ്ണുവിൽനിന്ന് അഭിന്നയായതിനാൽ ബലിപ്രിയാ
4, ബലി എന്നതിന് പൂജിക്കുക, സന്തോഷുപ്പിക്കുക എന്നെല്ലാം അർത്ഥമുണ്ട്. പൂജ സ്തുതി എന്നിവയെല്ലാം ഇഷ്ടപ്പെടുന്നവൾ.

Wednesday, March 29, 2017

676, ബ്രഹ്മാനന്ദാ

1, ബ്രഹ്മത്തിൽ ആനന്ദം കൊള്ളുന്നവൾ.
2, ബ്രഹ്മാനന്ദം തന്നെ ആയിട്ടുള്ളവൾ

675, ബ്രാഹ്മീ

1, സപ്തമാതൃക്കളിൽ ആദ്യസ്ഥാനമുള്ള ബ്രാഹ്മീ. ബ്രഹ്മാവിൻ്റെ ശക്തിയോടുകൂടി ഉണ്ടായവൾ.
2, സരസ്വതീ എന്നും അർത്ഥം വരാം.

674, ബ്രാഹ്മണീ

1, ബ്രാഹ്മണസ്ത്രീ. ശിവനെ ബ്രാഹ്മണൻ എന്നു പറയാറുണ്ട്. അതിനാൽ ഭഗവതി ബ്രാഹ്മണി തന്നെ.
2, സംവിത്സ്വരൂപാ. അഥവാ ജ്ഞാനസ്വരൂപാ എന്നും ആകാം.

673, ബൃഹതീ

1, ബൃഹത്തായവൾ. വലിയ സ്വരൂപമുള്ളവൾ. പ്രപഞ്ചം തന്നെ ദേഹമായുള്ളവളുടെ വലിപ്പം പറയാനില്ലല്ലോ. മഹതോമഹീയാൻ
2, ബൃഹതീ എന്ന ഛന്ദസ്സ് സ്വരൂപമായിട്ടുള്ളവൾ.
3, ബൃഹത്ത് എന്നൊരു സാമം ഉണ്ട് അത് സ്വരൂപമായിട്ടുള്ളവൾ എന്നും ആകാം.

672, ബ്രഹ്മാത്മൈക്യസ്വരൂപിണീ

1, ബ്രഹ്മവും ജീവാത്മാവും ഒന്നാണെന്ന ബോധം വരുമ്പോളുള്ള അവസ്ഥ സ്വരൂപമായിട്ടുള്ളവൾ.
2, ഹംസമന്ത്രം സ്വരൂപപായിട്ടുള്ളവൾ.

Tuesday, March 28, 2017

671, വൃദ്ധാ

1, ഏറ്റവും ആദ്യമുള്ളവൾ എന്ന അർത്ഥത്തിൽ വൃദ്ധാ.
2, ജീർണ്ണിച്ചവൾ എന്നും അർത്ഥമാകാം. ജീർണ്ണിച്ചുകൊണ്ടിരിക്കുന്നതാണല്ലോ പ്രകൃതീദേവിയുടെ സ്വഭാവം.

670,വസുദാ

1, വസു എന്നതിന് ധനം എന്ന് അർത്ഥം വരാം. വസുവിനെ ദാനം ചെയ്യുന്നവൾ.
2, പ്രകാശമെന്നും വസുശബ്ദംകൊണ്ട് അർത്ഥമാക്കാം. പ്രകാശിക്കുന്നതെല്ലാം ഭഗവതിതന്നെ.
3, മധുരം എന്നും വസുശബ്ദത്തിന് അർത്ഥമുണ്ട്. മധുരം തരുന്ന അമ്മ.

669, അന്നദാ

1, അന്നം കൊടുക്കുന്നവൾ.
2, അന്നപൂർണ്ണേശ്വരീ
3, അന്നത്തിന് ജലം എന്നും അർത്ഥമുണ്ട്. ജലം തരുന്നവൾ
4, ഭൂമി എന്നും അന്നത്തിന് അർത്ഥമുണ്ട്. ഭൂമിതരുന്നവൾ 

668, ദ്വൈതവർജ്ജിതാ

1, രണ്ട് എന്ന ഭാവം ഉപേക്ഷിച്ചവൾ. ഉപാസനയാൽ രണ്ട് എന്ന ഭാവം ഉപേക്ഷിച്ച ജനങ്ങൾ ഭഗവതിതന്നെ.
2,  ദ്വൈതന്മാരാൽ ഉപേക്ഷിക്കപ്പെട്ടവൾ.  മായകൊണ്ട് അദ്വൈതഭായായ ഭഗവതിയെ അങംഗീകരിക്കാത്തവരും ഭഗവതിതന്നെ.

667, നിർദ്ദവൈതാ

1, ദ്വൈതഭാവം തീണ്ടാത്തവൾ.
2, നിതരാം ദ്വൈതാ. വളരെ അധികം രണ്ടെന്ന ഭാവം ഉള്ളവൾ എന്നും ആകാം. 

666, ഭൂമരൂപാ

1, വിരാട്പുരുഷൻ്റെ രൂപമുള്ളവൾ. ഈ പ്രപഞ്ചം ുമഴുവൻ നിറഞ്ഞു നിൽക്കുന്ന ഭഗവതിതന്നെ ആണ് വിരാട് പുരുഷൻ.
2, വളരെ രൂപങ്ങളുള്ളവൾ. ഈപ്രപഞ്ചത്തിലുള്ള രൂപങ്ങളിലെല്ലാം ഭഗവതിതന്നെ ആണ് ഉള്ളത്. വെള്ളം തന്നെ മൂടൽമഞ്ഞായും നീരാവിയായും വെളുത്ത പഞ്ഞിപോലുള്ള മഞ്ഞായും എല്ലാം തീരുന്നതുപോലെ ഭഗവതിതന്നെ ആണ് പലരൂപത്തിൽ ഉള്ളത്. ഭൂമാ ശബ്ദത്തിന് ബഹുരൂപമെന്ന് അർത്ഥമുണ്ട്.
3, സമ്പത്സ്വരൂപാ എന്നും അർത്ഥമാകാം.

Monday, March 27, 2017

665, ഏകാകിനീ

1, ഭഗവതിയാല്ലാതെ വേറെ ഒന്നും തന്നെ ഇല്ലാത്തതിനാൽ ഏകാകിനീ.
2, തുല്യതഇല്ലാത്തവൾ.

664, ലോകയാത്രാവിധായിനീ

1, ലോകത്തിൻ്റെ ഗതിനിർണ്ണയിക്കുന്നവൾ. സൃഷ്ടി സ്ഥിതി സംഹാരം എന്നിവകൊണ്ട് ലോകത്തിൻ്റെ ഗതി നിയന്ത്രിക്കുന്നത് ഭഗവതിയാണ്.
2, ലോകത്തിൻ്റെ ജീവിതം മുന്നോട്ടു നയിക്കുന്നവൾ. ലോകത്തുള്ള സകലജീവികൾക്കും ഭക്ഷണം മുതലായ എല്ലാം നൽകി രക്ഷിക്കുന്നത് പ്രകൃതീസ്വരൂപയായ ഭഗവതി തന്നെ.

663, ജൈത്രീ

1, ജയിക്കുന്നവൾ. ഭഗവതിയുടെ ശക്തിക്കുമുന്നിൽ ബാക്കി എല്ലാ തോൽക്കുകയേ ഉള്ളൂ.
2, അജ്ഞാനം നശിപ്പിക്കുവളാകയാൽ ജൈത്രീ.

662, അജാ

1, ത്വരജസ്തമോമയിയായ മായാ.
2, ജനിക്കാത്തവൾ.
3, ബ്രഹ്മാവിൻ്റെ പത്നിയായ സരസ്വതി.

661, അഷ്ടമൂർത്തിഃ

1, മത്സ്യ പുരാണത്തിൽ പറയുന്ന ലക്ഷീർമ്മേധാ ധരാ പുഷ്ടിർഗ്ഗൌരീ തുഷ്ടിഃ പ്രഭാ ധൃതിഃ എന്ന എട്ടുരൂപമുള്ളവൾ
2, ജലം അഗ്നി യജമാനൻ സൂര്യൻ ചന്ദ്രൻ ആകാശം ഭൂമി വായു  എന്നീ അഷ്ടമൂർത്തികളോടു കൂടിയവൾ.
3, ഭൂമിരാപോനിലോവായുഃ ഖം മനോബുദ്ധിരേവ ച അഹങ്കാര ഇതീയം മേ എന്ന് ഗീതയിൽ പറയുന്ന എട്ടു പ്രകൃതികൾ രൂപമായിട്ടുള്ലവൾ. ഇതല്ലാതെ എട്ടുകൊണ്ട് പറയാവുന്ന എല്ലാം തന്നെ ഭഗവതിയുടെ രൂപങ്ങളാണ്.

Saturday, March 25, 2017

660, സദസദ്രൂപധാരിണീ

1, അനുഭവവേദ്യമാണെങ്കിലും ആത്യന്തികമായി ഇല്ലാത്ത ഈ പ്രപഞ്ചവും, അനുഭവവേദ്യമല്ലെങ്കിലും ആത്യന്തികമായ ഉണ്മയും ഭഗവതി തന്നെ.
2, നല്ല രൂപങ്ങളും നല്ലതല്ലാത്ത രൂപങ്ങളും ധരിക്കുന്നവളാണ്. ഭഗവതി. 

659, സുപ്രതിഷ്ഠാ

1, ശരിക്കുള്ള നിലനിൽപ്പ്. ഈ പ്രപഞ്ചത്തിൻ്റെ നിലനിൽപ്പു തന്നെ ഭഗവതിയാണ്.
2, സ്വസ്ഥമായ അവസ്ഥ.
3, പ്രതിഷ്ഠയ്ക്ക് വ്രതാവസാനം എന്നും അർത്ഥം വരാം. ഒരു വ്രതം നല്ലതുപോലെ അവസാനിക്കുന്നത് ഭഗവതിയുടെ സാന്നിദ്ധ്യം കാരണമാണ്. വ്രതാവസാനവും ഭഗവതിയുടം രണ്ടല്ല.
4, പ്രതിഷ്ഠയ്ക്ക് ഭൂമി എന്നു അർത്ഥം പരാം. ഭഗവതിതന്നെ ഈ നല്ല ഭമി.
5, നല്ല കീർത്തിയുള്ളവൾ എന്നും ആകാം.

658, സർവ്വാധാരാ

1, എല്ലാതിനും ആധാരമായിട്ടുള്ളവൾ.
2,ആ ധാരാ  ഇടവിടാതെ ഉള്ള ഒഴുക്ക്. എല്ലാതിൻ്റേയും ഇടവിടാതെ ഉള്ള ഒഴുക്കാണ് ഭഗവതി.
3, സർവ്വൻ്റെ ശിവൻ്റെ ആധാരമായിട്ടുള്ളവൾ.
4, ശിവൻ ആധാരമായിട്ടുള്ളവൾ.

657, ഇച്ഛാശക്തിജ്ഞാനശക്തിക്രിയാശക്തിസ്വരൂപിണീ

1, ഇച്ഛാശക്തിയും ജ്ഞാനശക്തിയും ക്രിയാശക്തിയും ഭഗവതിയുടെതന്നെ രൂപങ്ങളാണ്.

656, യുഗന്ധരാ

1, കൃതത്രേതാദ്വാപരകലിയുഗങ്ങൾ ധരിക്കുക്കുന്നവൾ. കാലസ്വരൂപിണിയായ ഭഗവതിതന്നെയാണ് നാലുയുഗങ്ങളും വഹിക്കുന്നവൾ
2, ശിവൻ്റേയും ശക്തിയുടേയും ഭാഗം ധരിക്കുന്നവൾ. യുഗം എന്നതിന് രണ്ട് എന്ന് അർത്ഥം ഉണ്ട്.
3, യുഗത്തിന് തലമുറ എന്നും അർത്ഥമാകാം. തലമുറളെല്ലാം ഭഗവതിയിൽ തന്നെ.
4, യുഗശബ്ദത്തിന് നുകം എന്ന് അർത്ഥമുണ്ട്. ജീവസ്വരൂപത്തിൽ ജീവിതഭാരത്തിൻ്റെ നുകം ധരിക്കുന്നതും ഭഗവതിതന്നെ.

Friday, March 24, 2017

655, യോഗ്യാ

1, ഉത്തമയായുള്ലവൾ.
2, യോഗത്തിന് ലക്ഷമായിട്ടുള്ളവൾ.
3, കഴിഞ്ഞരണ്ടു നാമങ്ങൾക്കും ഈ നാമത്തിനും കൂടി ബന്ധമുണ്ട്. വേദാന്തത്തിൽ ത്രിപുടീ എന്നു പറയുന്നതുപോലെ അനഭവിക്കപ്പെടേണ്ട വസ്തു യോഗ്യ. അനുഭവിക്കൽ യോഗം. അനുഭവിക്കേണ്ട വ്യക്തി യോഗി. 

654, യോഗദാ

1, യോഗം തരുന്നവൾ
2, ജീവാത്മപരമാത്മയോഗം നേടിത്തരുന്നവൾ
3, ജ്യോതിഷത്തിൽ പറയുന്ന യോഗങ്ങൾ തരുന്നവൾ

653, യോഗിനീ

1, ജ്ഞാനം കർമ്മം ഭക്തി ഹഠം ലയം മന്ത്രം മുതലായ യോഗങ്ങൾ ആചരിച്ചുകൊണ്ടിരിക്കുന്നവൾ. എല്ലാ യെഗിമാരും ഭഗവതിയുടെ രൂപങ്ങളാണ്.
2, ഏകാത്മഭാവനയുള്ളവൾ
3, ഏകാത്മഭാവന തരുന്നവൾ
4,ഭഗവതിയുടെ തന്നെ പരിവാരങ്ങളായ യോഗിനികൾ ഉണ്ട് അവരും ഭഗവതിയുടെ അംശങ്ങളാണ്. അതിനാൽ യോഗിനീ.
5, ജ്യോതിശ്ശാസ്ത്രത്തിൽ ഇരുപത്താറ് വർഷംകൊണ്ട് ചുറ്റിവരുന്നു എന്ന്  പറയപ്പെടുന്ന യോഗിനികളും ഭഗവതിതന്നെ.

652, വേദ്യവർജ്ജിതാ

1, അറിയേണ്ടത് ഒന്നും ഇല്ലാത്തവൾ. സർവ്വജ്ഞയായതുകണ്ട് ഭഗവതിയ്ക്ക് അറിയേണ്ടതായി ഒന്നും തന്നെ ഇല്ല.
2, സ്വയം തന്നിൽ തന്നെ ലയിച്ചിരിക്കുന്നതുകൊണ്ട് പുറമെ ഒന്നും അറിയാത്തവൾ

651, വിജ്ഞാത്രീ.

1, വിശേഷജ്ഞാനം ഉള്ളവൾ. ഒരുവസ്തുവിനെ കുറിച്ച് അറിയേണ്ട എല്ലാം അറിയുന്ന ജ്ഞാനത്തെ ആണ് ഇവിടെ സൂചിപ്പിക്കുന്നത്.

Thursday, March 23, 2017

650, ദൃശ്യരഹിതാ

1, കാണപ്പെടേണ്ടതായി ഒന്നും തന്നെ ഇല്ലാത്തവൾ. സർവ്വജ്ഞയായതിനാൽ ഒന്നും തന്നെ കാണേണ്ടതായില്ല,
2, ഭഗവതിയിൽനിന്ന് ഒന്നും അന്യമല്ല എന്നതിനാൽ കാണേണ്ട മറ്റൊന്നും തന്നെ ഇല്ല. അതിനാൽ ദൃശ്യരഹിതാ.

649, അദൃശ്യാ

1, ദർശിക്കാൻ കഴിയാത്തവൾ. കാഴ്ചകൾ അനുഭവിക്കാനുള്ള നമ്മുടെ കണ്ണുകൾ കൊണ്ട് ഭഗവതിയെ കാണാൻ പറ്റുരയില്ല.
2, ഒരു ഇന്ദ്രിയങ്ങളുടേയും വിഷയമായിത്തീരാത്തവൾ എന്നും ഈ നാമം സൂചിപ്പിക്കുന്നു.

648, ലീലാക്ല്പ്തബ്രഹ്മാണ്ഡമണ്ഡലാ

1, ലീലയായി അഥവാ അനായസമായി അനേകകോടി ബ്രഹ്മാണ്ഡങ്ങൾ ഉണ്ടാക്കുന്നവൾ.
2, ലീലാ എന്നതിന് ശോഭാ എന്ന് ഒരു അർത്ഥം ഉണ്ട്. ഭഗവതിയുടെ ശോഭാമാത്രംകൊണ്ടാണ് ബ്രഹ്മാണ്ഡകോടികൾ ഉണ്ടാക്കപ്പെട്ടിട്ടുള്ളത്. ഭഗവതിയല്ല ഭഗവതിയുടെ ശോഭമാത്രമാണ് ഈ പ്രപഞ്ചം.

647, ലോപാമുദ്രാർച്ചിതാ

1, അഗസ്ത്യപത്നിയായ ലോപാമുദ്രയാൽ പൂജിക്കപ്പെട്ടവൾ. 

646, സത്യാന്ദസ്വരൂപിണീ

1, സത്യമായിരുക്കുന്ന ആനന്ദം സ്വരൂപമായിരിക്കുന്നവൾ. പരമമായിരിക്കുന്ന സത്ത ആനന്ദം തന്നെ അത് രൂപമായിട്ടുള്ളവൾ
2, സത്യത്തിന് നന്മ എന്ന അർത്ഥമുണ്ട്. നന്മയിൽ ഉള്ള ആനന്ദം രൂപമായിട്ടുള്ളവൾ. നന്മചെയ്താൽ നമുക്കുണ്ടാകുന്ന ആനന്ദം ഭഗവതിതന്നെ ആണ്.
3, സത്യാ എന്നും ആനന്ദസ്വരൂപിണീ എന്നും മുറിക്കുകയാണെങ്കിൽ സത്യാ എന്ന ശബ്ദത്തിന് സത്യമുള്ളവൾ എന്ന അർത്ഥം വരാം. സീതാ പാഞ്ചാലീ സത്യഭാമാ വിഷ്ണുവിൻ്റെ മാതാവ് എന്നെല്ലാം സത്യാ എന്ന പദത്തിന് അർത്ഥമുണ്ട്. ആനന്ദസ്വരൂപിണീ എന്നതിന്  ആനന്ദം സ്വരൂപമായിട്ടുള്ളവൾ എന്ന് അർത്ഥം. 

Wednesday, March 22, 2017

645, സർവ്വവേദാന്തസംവേദ്യാ.

1, എല്ലാ വേദാന്തങ്ങളാലും അറിയപ്പെടുന്നവൾ. അദ്വൈതമായാലും വിശിഷ്ടാദ്വൈതമായാലും ദ്വൈതമായാലും എത്തിച്ചേരുന്ന ലക്ഷ്യം ഒന്നു തന്നെ. ജ്ഞാനം. അത് ഭഗവതിതന്നെ.
2, ഗുരുവായൂർ വരെ പോയിവരാം എന്ന് പറഞ്ഞാൽ ഗുരുവായൂരിൻ്റെ തുടക്കം വരെ എന്നും ഗുരുവായൂരിലേയക്ക് എന്നും ഗുരുവായൂരിൻ്റെ അവസാനം വരെ എന്നും അർത്ഥമാക്കമല്ലോ. അതുപോലെ എല്ലാ വേദങ്ങളുടേയും ഒടുക്കം കൊണ്ടും ആദ്യം കൊണ്ടും ഇടഭാഗം കൊണ്ടും അറിയേണ്ടത് ഭഗവതിയെതന്നെ ആണ്. അന്തശബ്ദം ഈ "വരെ" എന്ന അർത്ഥത്തിൽ പ്രയോഗിക്കാറുണ്ട്.

644, ജ്ഞാനവിഗ്രഹാ

1, ജ്ഞാനം സ്വരൂപമായിട്ടുള്ളവൾ.
2, ജ്ഞാനത്തിൻ്റെ വിസ്താരം ആയിട്ടുള്ളവൾ. വിഗ്രഹശബ്ദത്തിന് വിസ്താരം എന്ന് അർത്ഥമുണ്ട്. ജ്ഞാനമൂർത്തിയായ ഭഗവതിയുടെ വിസ്താരമാണ് ഈ പ്രപഞ്ചം.
3, ജ്ഞാനത്തോട് യുദ്ധം ചെയ്യുന്നവൾ. പരമമായ ജ്ഞാനത്തോട് നാമെല്ലാം ഇടഞ്ഞു  നിൽക്കുന്നത് മായാദേവിയായ ഭഗവതിയുടെ സ്വാധീനം കൊണ്ടാണല്ലോ.


643, ജ്ഞാനദാ

1. ജ്ഞാനം തരുന്നവൾ. ബ്രഹ്മജ്ഞാനം തരുന്നവൾ.
2, ജ്ഞാനത്തെ മുറിച്ചു കളയുന്നവൾ. മനുഷ്യന് സ്വതസ്സിദ്ധമായ ജ്ഞാനത്തെ മായാദേവിയാണല്ലോ ഇല്ലാതാക്കുന്നത്.
3, പരിമിതമായ വസ്തുക്കളിലുള്ള ജ്ഞാനത്തെ മുറിച്ചുകളഞ്ഞ് പരമമായ ജ്ഞാനം ഉണ്ടാക്കുന്നവൾ.

642, അപരിച്ഛേദ്യാ

1, വേർതിരിക്കാൻ പറ്റാത്തവൾ. കാലദേശങ്ങൾക്ക് അതീതയായതുകൊണ്ട് ഇന്ന ദേശത്തുള്ളവൾ എന്നോ ഇന്ന കാലത്തുണ്ടായിരുന്നവളെന്നോ വേർതിരിക്കാൻ സാധിക്കാത്തവൾ.
2, കൃത്യമായി കണക്കാക്കാൻ പറ്റാത്തവൾ.

641, ധ്യാനഗമ്യാ

1, ധ്യാനം കൊണ്ട് ഗമിയ്ക്കാവുന്നവൾ. ഭഗവതിയിലെത്താൻ ധ്യാനം ഒരു വഴിയാണ്.

Tuesday, March 21, 2017

640, വാഗധീശ്വരീ

1, വാക്കിന് അധീശ്വരി. എല്ലാവിധ വാക്കുകൾക്കും നാഥയായിട്ടുള്ളവൾ.
2, വാക്കാകുന്ന അധീശ്വരീ. സരസ്വതീദേവീസ്വരൂപത്തിലുള്ളതും സഡതിന്ും അധീശ്വരിയായ ഭഗവതിതന്നെ.

640, അവരദാ

1, അവരന്മാരെ അധമന്മാരെ മുറിച്ചു കളയുന്നവൾ.
2, കാന്തിയുള്ള പല്ലുകളുള്ളവൾ എന്നും അർത്ഥമാകാം.
2, അവരന്മാർക്ക് ദാനം ചെയ്യുന്നവൾ. വളരെ താഴ്നനിലയിലുള്ളവർക്കുകൂടി വേണ്ടതെല്ലാം കൊടുക്കുന്നവൾ

639, സ്വർണ്ണഗർഭാ

1, സ്വർണ്ണം ഗർഭത്തിലുള്ളവൾ. സ്വർണ്ണത്തെ ഗർഭത്തിൽ ധരിച്ചവൾ പ്രകൃതീഭഗവതിതന്നെ.
2, സ്വർണ്ണത്തിൻ്റെ ഗർഭത്തിലുള്ളവൾ. സ്വർണ്ണത്തിൻ്റെ മൂല്യം ഭഗവതിതന്നെ.
3, സു  അർണ്ണഗർഭാ. നല്ല അർണ്ണങ്ങളുടെ അഥവാ അക്ഷരങ്ങളുടെ ഉൾഭാഗത്തുള്ളത് ഭഗവതിതന്നെ.
4, മന്ത്രങ്ങൾക്ക് അർണ്ണശബ്ദം ഉപയോഗിക്കാറുണ്ട്. നല്ല മന്ത്രങ്ങളുടെ ഉൾഭാഗത്തുള്ളവളും ഭഗവതിതന്നെ.

638, വിശ്വഗർഭാ

1, വിശ്വത്തെ അഥവാ പ്രപഞ്ചത്തെ ഗർഭത്തിൽ ധരിച്ചവൾ.

637, ഗന്ധർവ്വസേവിതാ

1, ഗന്ധർവ്വന്മാരാൽ സേവിക്കപ്പെടുന്നവൾ. വിശ്വാവസു മുതലായ ഗന്ധർവ്വന്മാർ ഭഗവതിയെ സേവിച്ചുകൊണ്ടിരുക്കുന്നു.
2, ഗന്ധർവ്വം എന്നതിന് ദിവ്യഗാനം എന്നും അർത്ഥമാകാം. ദിവ്യഗാനങ്ങളാൽ സേവിക്കപ്പെടുന്നവൾ. അനേകായിരം ഭക്തർ പ്രതിനിമിഷം ഭഗവതിയെ കീർത്തിച്ചുകൊണ്ട് പാടിക്കൊണ്ടേ ഇരിക്കുന്നു.
3, ഗന്ധർവ്വശബ്ദത്തിന് കുതിര എന്നും അർത്ഥം ഉണ്ട്. അതിനാർകുതിരയാൽ സേവിക്കപ്പെടുന്നവൾ എന്ന അർത്ഥത്തിൽ അശ്വാരൂഢാ.

Monday, March 20, 2017

636, ഗൌരീ

1, ഗൌരവർണ്ണമുള്ലവൾ. വെളുത്തനിറമുള്ളവൾ.
2, ഗൌരീ എന്നൌരു നദിയുണ്ടെന്നു കാണുന്നു. ആനദിയും ഭഗവതിതന്നെ.
3, പത്തുവയസ്സായ കുമാരിക്ക് ഗൌരീ എന്നു പേരുകാണുന്നു.
4, കന്യാകുബ്ജം എന്ന പീഠത്തിൽ വസിക്കുന്ന ദേവി ഗൌരിയാണ്. ഉത്തർപ്രദേശിലാണ് ഈ പ്രസിദ്ധക്ഷേത്രം. 

635, ശൈലേന്ദ്രതനയാ

1, പർവ്വതരാജനായ ഹിമവാൻ്റെ തനയാ

634, ഉമാ

1 ഉ എന്നതിന് ശിവൻ എന്നും മാഎന്നതിന് അറിയാൻ ഉപകാരപ്പെടുന്നത് എന്നും അർത്ഥം വരാം. ശിവനെ അറിയാൻ ഭഗവതിവഴിക്കാണ് എളുപ്പം.
2, ഉമാ എന്നതിന് അതസീ എന്ന പൂവ്വ് എന്ന് അർത്ഥമുണ്ട്. അതസീകുസുമംപോലെ ഉള്ളവൾ.
3, ഉമാ എന്നതിന് മഞ്ഞൾ എന്നും അർത്ഥമാകാം. മഞ്ഞളിൻ്റെ നിറമുള്ലവൾ.
4, കാന്തി എന്നും അർത്ഥം വരാം.
5, കീർത്തി എന്നും ആകാം.
6, ഉ എന്നത് സംബോധനചെയ്യാനും, മാ എന്നത് നിഷേധിക്കാനും ഉപയോഗിക്കാം. പാർവ്വതി ശിവനെ തപസ്സു ചെയ്യാൻ പുറപ്പെട്ടപ്പോൾ അമ്മയായ മേന "ഉ മാ" എന്നു പറഞ്ഞുവത്രേ. അത് പിന്നീട് പേരായിത്തീർന്നു.
7, ഉമാ എന്ന നാമം വളരെ ഉന്നതമായതുകൊണ്ട് അതിനെ ഉമാപ്രണവം എന്നു വ്യവഹരിക്കാറുണ്ട്.
8 ശിവൻ്റെ ഉത്തമയായ ചിത്തവൃത്തി എന്നും ഉമാ ശബ്ദത്തിന് അർത്ഥം പറയുന്നു. ശിവൻ്റെ ചിത്തവൃത്തിതന്നെയാണല്ലോ പ്രപഞ്ചരൂപത്തിലുള്ള പ്രകൃതി.
9, യോഗികളുടെ ഇച്ഛയേയും ഉമാ എന്നു പറയാം.
10, ആറുവയസ്സായ കുമാരി എന്നും അർത്ഥമാകാം,

633, സിന്ദൂരതിലകാഞ്ചിതാ

1, സിന്ദൂരതിലകംകൊണ്ട് ശോഭിതാ.
2, സിന്ദൂരതിലകം എന്നതിന് ആന എന്നർത്ഥമുണ്ട്. ആനകളാൽ പൂജിക്കപ്പെടുന്നവൾ. ഈ അർത്ഥം ഗജലക്ഷ്മിയുടെ ചിത്രം ഓർമ്മപ്പെടുത്തുന്നു.
3, സിന്ദൂരതിലകശബ്ദത്തിന് സ്ത്രീ എന്ന് അർത്ഥമുണ്ട്. സ്ത്രീകളാൽ പൂജിക്കപ്പെടുന്നൾ.  

632, ദിവ്യഗന്ധാഢ്യാ

1, അഭൌമമായ സുഗന്ധമുള്ളവൾ.
2, ഗന്ധശബ്ദത്തിന് ബന്ധം എന്ന് എന്നർത്ഥമുണ്ട്. പ്രപഞ്ചത്തിനേ കാരണമായ ബന്ധമാണ് ശിവശക്തി ബന്ധം. അതാണ് ഏറ്റവും ദിവ്യമായിട്ടുള്ളത്.

631, ത്ര്യക്ഷരീ

1, വാക്ബീജം, കാമബീജം, ശക്തിബീജം എന്നീ ബീജമന്ത്രങ്ങൾ ചേർന്ന സ്വരൂപമുള്ളവൾ

Sunday, March 19, 2017

630, ത്രിദശേശ്വരീ

1, ത്രിദശന്മാർക്ക് ഈശ്വരീ. ബാല്യം കൌമാരം യൌവ്വനം എന്നീ മൂന്നു ദശകൾ ഉള്ളവരാണ് ദേവന്മാർ. അവർക്ക് ഈശ്വരിയായിട്ടുള്ളവൾ.

629, ത്രിമൂർത്തിഃ

1, മൂന്നു വയസ്സായ കന്യകാ.
2,വെള്ള ചുകപ്പ് കറുപ്പ് എന്നീ വർണ്ണങ്ങളോട് കൂടിയവൾ.
3,ബ്രഹ്മാവിഷ്ണുമഹേശ്വരന്മാർ ദേവിയുടെ തന്നെ രൂപങ്ങളായതിനാൽ ത്രിമൂർത്തി.
4,സത്വരജസ്തമോരൂപയായതിനാൽ ത്രിപുരാ.


628, ത്രിജഗദ്വന്ദ്യാ

1, മൂന്നു ലോകങ്ങളാലും വന്ദിക്കപ്പെടുന്നവൾ.
2, മൂന്നു ജഗത്തുകളും വന്ദ്യങ്ങളാണ് യാതൊരുവൾക്ക് അവൾ. കാണമാകുന്ന ചരാചരജീവിയെ നാണം കൈവിട്ടു കൂപ്പി സ്തുതിക്കണം എന്ന നിലവന്നുള്ള ഭക്തോത്തമയും ഭഗവതിതന്നെ.
3, ജഗത്ത് എന്നതിന് ഗമിക്കുന്നത് എന്നൊരർത്ഥം. മൂന്നു ഗമനങ്ങളുള്ളവയാലും വന്ദിക്കപ്പെടുന്നവൾ. കരയിലും ജലത്തിലും ആകാശത്തിലും ഗമിക്കുന്നവയാൽ വന്ദിക്കപ്പെടുന്നവൾ.

627, ത്രിപുരാ

1, ത്രിമൂർത്തികളേക്കാൾ പുരാതനയായിട്ടുള്ളവൾ.
2, സത്വരജസ്തമോഗുണങ്ങളായ ത്രിഗുണങ്ങളുടെ പുരം ആയിട്ടുള്ളവൾ. ഈ മൂന്നു ഗുണങ്ങളും പ്രകൃതീസ്വരൂപിണിയായ ഭഗവതിയിലാണ് കുടികൊള്ളുന്നത്.
3, ത്രിമൂർത്തികളുടേയും വാസസ്ഥാനം ഭഗവതിതന്നെ. ഭഗവതിയുടെ രൂപമായ അനന്തപ്രപഞ്ചത്തിൻ്റെ ഏതോ ഒരു കോണിലുള്ള ബ്രഹ്മാണ്ഡത്തിലാണ് ത്രിമൂർത്തികൾ പ്രതാപത്തോടെ വാഴുന്നത്.
4, ഭൂർല്ലോകം ഭുവർല്ലോകം സ്വർല്ലോകം , ഭൂതം ഭാവി വർത്തമാനം എന്നിങ്ങിനെ മൂന്നുകൊണ്ടു പറയാവുന്നതെല്ലാം തന്നെ ഭഗവതിയിലാണ് നിലനിൽക്കുന്നത്. അതിനാൽ ത്രിപുരാ
5, സുഷുമ്നാ ഇഡ പിംഗലാ , മനസ്സ് ബുദ്ധി ചിത്തം തുടങ്ങി മൂന്നുകൊണ്ട് പറയാവുന്നയെല്ലാം ഭഗവതിയുടെ വാസസ്ഥാനങ്ങളാണ് എന്നതുകൊണ്ടും ത്രിപുരാ.

Saturday, March 18, 2017

626, കൈവല്യപദദായിനീ

1, ഒന്നുമാത്രം എന്ന ഉയർന്ന ഭാവവും അതുമൂലമുണ്ടാകുന്ന മുക്തിയും തരുന്നവൾ.
2, ചെയ്യാനുള്ള ധർമ്മം ഇല്ലാതാക്കി ചെയ്യാനുള്ള വ്യക്തിയായ ധർമ്മി മാത്രം ഉള്ള അവസ്ഥ നേടിത്തരുന്നവൾ.

625, ഗുഹ്യാ

1, ഗൂഢതയുള്ളവൾ.
2, ഭഗവതിയുടെ പല നാമങ്ങളും മന്ത്രങ്ങളും പോലും അതിരഹസ്യങ്ങളാണ്. അതിനാഞ ഭഗവതിയുടെ നിഗൂഢത ചിന്തിക്കാൻ പോലും പറ്റാത്തത്രയാണ്.
3, പുരുഷൻ്റേയും സ്ത്രീയുടേയും ലിംഗസ്വരൂപത്തിലുള്ളവൾ.
4, പരമസത്യം ഗുഹയുൽ ഒളിച്ചിരിക്കുകയാണ് എന്ന വേദം. പരമസത്യം ഭഗവതി തന്നെ ആകയാൽ ഗുഹയിലേയ്ക്ക് യോജിച്ചവൾ എന്ന അർത്ഥത്തിൽ ഗുഹ്യാ

624, കേവലാ

1, ഉള്ള ഒരേ ഒരുവൾ.
2, എല്ലാമായിട്ടുള്ളവൾ.
3, ബ്രഹ്മജ്ഞാനസ്വരൂപാ.
4, ഒരു ധർമ്മവും ഇല്ലാത്തവൾ.
5, ക്ലീംകാരീ എന്ന നാമത്തിൻ്റെ അനുബന്ധമായി കാണുകയാണെങ്കിൽ കാമബീജം മാത്രം ആയിട്ടുള്ളവൾ. സോകാമയത ബഹുസ്യാം എന്ന ശ്രുതിപ്രകാരം ആനുഭവവേദ്യമായ ഈ പ്രപഞ്ചം അവൻ്റെ കാമം പടർന്നു പന്തലിച്ചതാണ്. അവൻ്റെ കാമം തന്നെ ആണ് പ്രപഞ്ചസ്വരൂപത്തിലുള്ള ഭഗവതി.

623, ക്ലീംകാരീ

1, ക്ലീം എന്നത് കാമബീജമാണ്. കാമബീജം ഉണ്ടാക്കിത്തീർക്കുന്നവൾ
2 കാമബീജസ്വരൂപാ.
3, ക്ലീംകാരൻ കാമരൂപനായ ശിവനാണ്. ആ കാമരൂപൻ്റെ സ്ത്രീ.

622, ദിവ്യവിഗ്രഹാ

1, ദിവ്യമായ ദേഹത്തോടു കൂടിയവൾ.
2, ദിവി ഭവഃ ദിവ്യഃ ആകാശത്തിലുള്ളത് എന്ന് ദിവ്യശബ്ദത്തിന് അർത്ഥം വരാം. വിഗ്രഹം യുദ്ധം. അകാശത്തെ യുദ്ധത്തോടുകൂടിയവൾ. ചണ്ഡിക ആകാശത്ത് നിരാധാരയായി നിന്ന് യുദ്ധം ചെയ്തു എന്ന് പുരാണം.
3, ഭഗവതിയുടെ യുദ്ധം ദിവ്യമായതുകൊണ്ട് ദിവ്യവിഗ്കഹാ
4, ആകാശത്ത് ദേഹമുള്ളവൾ എന്നും ആകാം. പാദോസ്യ വിശ്വാഭൂതാനി ത്രപാദസ്യാമൃതം ദിവി എന്ന് പുരുഷസ്സൂക്തം. ഭഗവതിയുടെ രൂപത്തിൻ്റെ കാൽഭാഗമേ ആ പ്രപഞ്ചം മുഴുവനും ചേർന്നാലും ആകുകയുള്ളൂ. ബാക്കി ഭാഗം അനുഭവവേദ്യമല്ലാത്ത ആകാശത്താണ്.

Friday, March 17, 2017

621, അനേകകോടിബ്രഹ്മാണ്ഡജനനീ.

1, അനേകകോടി ബ്രഹ്മാണ്ഡങ്ങൾക്കും ജനനിയായിട്ടുള്ളവൾ.
2, അനേകകടി ബ്രഹ്മാണ്ഡാഭിമാനികൾക്ക് ജനനീ. ബ്രഹ്മാണ്ഡത്തിലെ സകല ജീവാത്മക്കളുടേയും ആകത്തുകയായ വിരാട് പുരുഷനെ ബ്രഹ്മാണ്ഡം എന്നതുകൊണ്ട് സൂചിപ്പിക്കുന്നു. അനേകകോടി വിരാട് പുരുഷന്മാർക്ക് ജനനീ.
3, അനേകകോടിബ്രഹ്മാണ്ഡസ്വരൂപയായ ജനനീ എന്നും അർത്ഥമാകാം.

620, പാവനാകൃതിഃ

1, പവിത്രീകരിക്കുന്ന ആകൃതിയോടുകൂടിയവൾഭഗവതിയുടെ രൂപം ധ്യാനിക്കുമ്പോൾ ദോഷങ്ങൾ അകന്നു പോകുകയും പവിത്രത അനുഭവപ്പെടുകയും ചെയ്യുന്നു.
2, പവിത്രീകരിക്കുന്ന കൃതികളോടു കൂടിയവൾ. ഭഗവതിയെകുറിച്ചുള്ള കൃതികൾ കേട്ടാൽ പരിശുദ്ധി ഉണ്ടാകുന്നു.
3, ഭഗവതിയുടെ ചരിത്രം എല്ലാവർക്കും പരിശുദ്ധി ഉണ്ടാക്കുന്നു.

619, പരമാ

1, ഏറ്റവും ഉത്തമാ.
2, പരശിവൻ്റെ മാ അഥവാ ഐശ്വര്യം
3, പരം മാതി യാ സാ. പരമമായ സത്യത്തെ അളക്കുന്നവൾ അഥവാ വ്യക്തമാക്കിത്തരുന്നവൾ എന്നും അർത്ഥമാകാം.

618, അമേയാത്മാ

1, അളവില്ലാത്ത സ്വരൂപോത്തോടു കൂടിയവൾ.
2, ഭഗവതിയേക്കാൾ വലുതായി ഒരു അളവില്ലാത്തതിനാലും അമേയാത്മാ.
3, മഹാമനസ്കാ എന്നും അമേയാ എന്നതിന് അർത്ഥമുണ്ട്. ഭഗവതിയേക്കാൾ മഹാമനസ്കായായി ആരുണ്ട്
4, അമേയാത്മാ എന്നതിന് വിഷ്ണു എന്നും അർത്ഥമുണ്ട്. വിഷ്ണുസ്വരൂപത്തിലുള്ളതും ഭഗവതി തന്നെ.
5, അമേയാ എന്നും  ആത്മാ എന്നും വേർതിരിച്ച് കാണുകയാണെങ്കിൽ അമേയാ എന്നതിന് മുമ്പ് പറഞ്ഞപോലെ അളവില്ലാത്ത എന്നർത്ഥം. ആത്മശബ്ദത്തിനുള്ള നിരവധി അർത്ഥങ്ങൾ വെച്ചു നോക്കുമ്പോൾ അളവില്ലാത്ത ജീവാത്മക്കളോടു കൂടിയവൾ, അനവധി സ്വരൂപമുള്ളവൾ, അനന്തമായ പരബ്രഹ്മം, അളവില്ലാത്ത ബുദ്ധി ഉള്ളവൾ, വിശാലമായ മനസ്സുള്ലവൾ, പലേ സ്വഭാവങ്ങളുള്ളവൾ എന്നെല്ലാം അർത്ഥമാകാം.

617, ആദിശക്തിഃ

1, എല്ലാ ജഗത്തിനും കാരണമായ ശക്തിയാണ് ഭഗവതി. ഭഗവതിയുടെ ശക്തിക്കു മുന്നെ വേറെ ഒരു ശക്തി ഉണ്ടായിട്ടേ ഇല്ല.

Thursday, March 16, 2017

616, സചാമരരമാവാണീസവ്യദക്ഷിണസേവിതാ

1, ചാമരം വീശുന്ന  രമ അഥവാ ലക്ഷമീദേവിയാലും,സരസ്വതിയാലും ഇടതുഭാഗത്തും വലതുഭാഗത്തും നിന്നു സേവിക്കപ്പെടുന്നവൾ

615, കാവ്യാലാപവിനോദിനീ

1, വാത്മീകി മുതലായ കവികൾ രചിച്ച കാവ്യങ്ങൾ ആലപിക്കുന്നതിൽ വിനോദം കൊള്ളുന്നവൾ.
2, കാവ്യാ എന്നതിന് പൂതനാ എന്ന് അർത്ഥം ഉണ്ട്. ലാപശബ്ദത്തിന് നിലവിളി എന്നും അർത്ഥം ഉണ്ട്. അതിനാൽ പൂതനയുടെ നിലവിളിയിൽ വിനോദം കൊള്ളുന്നവൾ എന്ന് അർത്ഥം വരാം. ശ്രീകൃഷ്ണനും ഭഗവതിതന്നെ ആണ്.
3, കാവ്യ ശബ്ദത്തിന് ജ്ഞാനം എന്നും ലാപശബ്ദത്തിന് വർത്തമാനം പറയൽ എന്നും അർത്ഥമാകാം. അപ്പോൾ ജ്ഞാനസംബന്ധമായ വർത്തമാനത്തിൽ വിനോദംകൊള്ളുന്നവൾ എന്നും ആകാം.

614, കലാനാഥാ

1, കഴിഞ്ഞനാമത്തിൽ പറഞ്ഞ വഹ്ന്യാദികലകൾക്ക് നാഥാ
2,സമഗീതനത്തശിൽപ്പാദികലകൾക്ക് നാഥാ
3, കാലാംശങ്ങളായ കലകൾക്ക് നാഥാ
4, വിഭവസമൃദ്ധിക്ക് അധിപാ
5, ചന്ദ്രക്കല ചൂടിയിരിക്കുന്നതിനാൽ കലാനാഥാ

613, കലാത്മികാ

1,വഹ്നികലാ സൂര്യകലാ സോമകലാ അകാരാദി അറുപത്തിനാലു കലകൾ എല്ലാം ഭഗവതിയിൽ തന്നെ ആണ് നിലനിൽക്കുന്നത് എന്നതുകൊണ്ട് കലാത്മികാ.
2, സംഗീതാദികലകളും ശിൽപ്പാദികലകളും ഭഗവതിതന്നെ ആണ്.
3,സമയത്തിൻ്റെ ഒരു ഭാഗത്തെ കല എന്നു പറയുന്നു. ഭഗവതുകാലാത്മികയായതുകൊണ്ട് കലയും ഭഗവതിതന്നെ.
കലയ്ക്ക് വിഭവസമൃദ്ധി ന്നൊരു അർത്ഥം ഉണ്ട്. വിഭവസമൃദ്ധിയുള്ളത് ഭഗവതിയവിടെ ഉള്ളതികൊണ്ടാണ്.

Wednesday, February 1, 2012

612, പ്രതിപന്മുഖ്യരാകാന്തതിഥിമണ്ഡലപൂജിതാ (പ്രതിപന്മുഖ്യരാകാന്തതിഥിമണ്ഡലപൂജിതായൈ നമഃ)

1, പ്രതിപന്മുഖ്യവും രാകാന്തവും ആയ തിഥികളില്‍ പൂജിതാ. പ്രതിപന്മുഖ്യം- പ്രതിപദം മുഖ്യമായിട്ടുള്ളത്. മുഖ്യം - ആദ്യം. രാകാന്തം. രാകാ അന്തത്തിലുള്ളത്. രാകാ - പൗര്‍ണ്ണമി. പ്രതിപദം തുടങ്ങി വെളുത്തവാവുവരെ ഉള്ള തിഥികളില്‍ പൂജിയ്ക്കപ്പെടുന്നവള്‍.
2, തിഥികള്‍ക്കെല്ലാം ഓരോ ദേവതകളുണ്ട് അവരാല്‍ പൂജിയ്ക്കപ്പെടുന്നവള്‍ എന്നും ആകാം.

Monday, January 30, 2012

611, ദഹരാകാശരൂപിണീ (ദഹരാകാശരൂപിണ്യൈ നമഃ)

1, ദഹരാകാശം രൂപമായിട്ടുള്ളവള്‍. ദഹരം - ഹൃദയം. ആകാശം - സ്ഥാനം ഹൃദയത്തിലെ ചെറിയ ആസ്ഥാനം സ്വരൂപമായിട്ടുള്ളവള്‍.
2, ദഹരം എന്നതിന് സൂക്ഷ്മം എന്നര്‍ത്ഥമുണ്ട്. സൂക്ഷാമാകാശസ്വരൂപിണീ. ആകാശം പോലെ സൂക്ഷമമായ രൂപത്തോടുകൂടിയവള്‍. ആകാശം ഏറ്റവും സൂക്ഷമമാണല്ലോ.

Friday, January 27, 2012

610, ദണ്ഡനീതിസ്ഥാ. (ദണ്ഡനീതിസ്ഥായൈ നമഃ)

1, ദണ്ഡനീതിയ്ക്ക് അര്‍ത്ഥശാസ്ത്രം എന്നര്‍ത്ഥം. അര്‍ത്ഥശാസ്ത്രത്തിന്‍റെ സത്തയായി നില്‍ക്കുന്നവള്‍.
2, ദണ്ഡത്തിന്‍റെ നീതിയില്‍ സ്ഥിതിചെയ്യുന്നവള്‍. ദണ്ഡം - ശിക്ഷ. ശിക്ഷയുടെ നീതിയില്‍ ഭഗവതിതതന്നെ ആണ് ഉള്ളത്.
3, ദണ്ഡന്‍ എന്നിത് യമന്‍ എന്നൊരു അര്‍ത്ഥം ഉണ്ട്. നയനാല്‍ നീതിരുച്യതേ എന്നുണ്ട്. യമന്‍റെ നയനത്തില്‍ സ്ഥിതിചെയ്യുന്നവള്‍. മരണത്തിലും സ്ഥിതിചെയ്യുന്നവള്‍.

Wednesday, January 25, 2012

609, ദേവേശീ (ദേവേശ്യൈ നമഃ)

1, ദേവന്മാരുടേയും ഈശ്വരി. ബ്രഹ്മാദിദേവന്മാര്‍ കൂടി ഈശ്വരി എന്നു വിചാരിയ്ക്കുന്നവള്‍.
2, ദേവന്മാരോടുകൂടി കല്‍പ്പിയ്ക്കുന്നവള്‍.
3, ദേവശബ്ദത്തിന് ദാതാവ് എന്നും അര്‍ത്ഥമുണ്ട്. ഈശീ ശബ്ദത്തിന് നാഥഎന്നും അര്‍ത്ഥം ആകാം. അപ്പോള്‍ ദാനം ചെയ്യുന്നവരുടെ നാഥ എന്നും അര്‍ത്ഥമാകാം

Saturday, December 10, 2011

608,ഗുഹജന്മഭൂഃ (ഗുഹജന്മഭുവേ നമഃ)

1, ഗുഹന്‍റെ ജന്മഭൂവ്. ഗുഹന്‍ - സുബ്രഹ്മണ്യന്‍. ജന്മഭൂവ് ഉല്‍പ്പത്തിസ്ഥാനം. സുബ്രഹ്മണ്യന്‍റെ അമ്മ.

Friday, December 9, 2011

607, ഗോമാതാ (ഗോമാത്രേ നമഃ)

1, ഗോമാതാവ്. പശുവിനെ മാതാവായിട്ടാണല്ലോ കണക്കാക്കുന്നത്. സാക്ഷാല്‍ ഭഗവതിതന്നെ ആണ് പശു.
2, ഭൂമി എന്ന് ഗൗശബ്ദത്തിന് അര്‍ത്ഥമുണ്ട്. ഭൂമീദേവി എന്ന് അര്‍ത്ഥമമകാം.
3, ഗൗ ശബ്ദത്തിന് അമ്മ എന്നും അര്‍ത്ഥമുണ്ട്. അമ്മമാരുടെ അമ്മ എന്ന് അര്‍ത്ഥം. എല്ലാ അമ്മമാരുടേയും അമ്മ ഭഗവതിയാണല്ലോ.
4, വാക്ക് എന്നും അര്‍ത്ഥമുണ്ട്. അപ്പോള്‍ വാഗ്ദേവി എന്നര്‍ത്ഥമാകും.
5, മാതാ എന്നതിന് അളക്കുന്നവന്‍ എന്ന അര്‍ത്ഥമുണ്ട്. ഈ അര്‍ത്ഥം ഗൗശബ്ദത്തിന് ഉള്ള ഇന്ദ്രിയം, സ്വര്‍ഗ്ഗം, ഗൃഹം, ആകാശം എന്നീ അര്‍ങ്ങളോട് ചേര്‍ത്താല്‍ വരുന്ന അര്‍ത്ഥമെല്ലാംതെല്ലാം ഭഗവതിയ്ക്കു ചേരുന്നതാണ്. ഇന്ദ്രിയങ്ങള്‍ക്ക് പരിധിനിശ്ചയിക്കുന്നവള്‍., സ്വര്‍ഗ്ഗവാസത്തിനും പരിധിനിശ്ചയിക്കുന്നത് ഭഗവതി തന്നെ, ഗൃഹത്തിന്‍റെ പരിധി നിശചയിക്കുന്നത് ഗൃഹനായികയാണ്. ഗൃഹപ്രവേശം നടത്തുന്നതു തന്നെ സ്ത്രീകളാണല്ലോ. പരിധിയില്ലാത്ത ആകാശത്തിന് ഭഗവതിയുടെ അടുത്തെത്തുംപോള്‍ പരിധിവരുന്നു. ആകാശത്തേക്കാള്‍ വലുതാണല്ലോ ഭഗവതി.
6, സൂര്യന്‍ , ചന്ദ്രന്‍ , അഗ്നി എന്നീ അര്‍ത്ഥവും ഉണ്ട് ഗൗ ശബ്ദത്തിന്. അവരുടെ മാതാവാണ് എന്ന അര്‍ത്ഥവും ആകാം. മൂന്നുജ്യോതിസ്സുകളേയും സംവിധാനം ചെയ്യുന്നത് പ്രകൃതിയാണല്ലോ.

Thursday, December 8, 2011

606, ഗുണനിധിഃ (ഗുണനിധയേ നമഃ)

1, ഗുണങ്ങളുടെ നിധി. ഭഗവതി നല്ലഗുണങ്ങളുടെ ഭണ്ഡാരം തന്നെ ആണല്ലോ.
2, ഗുണം എന്നതിന് സത്വരജസ്തമോഗുണങ്ങള്‍ എന്ന് അര്‍ത്ഥം ഉണ്ട്. പ്രകൃതിയുടെ അസ്തിത്വം തന്നെ ഈ ത്രിഗുണങ്ങള്‍ ആണല്ലോ.
3, ഗുണം എന്നതിന് കയര്‍ എന്നൊരു അര്‍ത്ഥം. അനവധി പാശങ്ങളാല്‍ വരിയപ്പെട്ടവരാണല്ലോ നാം. ഈ പാശങ്ങശുടെ എല്ലാം അറ്റം ഭഗവതിയുടെ കയ്യിലാണല്ലോ. ലോകത്തുള്ള എല്ലാ പാശന്മാരുടേയും പാശം ഭഗവതിയുടെ കയ്യിലാണെന്നുള്ളതുകൊണ്ട് ഗുണനിധി.

Wednesday, December 7, 2011

605, ഗുരുമൂര്‍ത്തിഃ (ഗുരുമൂര്‍ത്യൈ നമഃ)

1, ഗുരുവിന്‍റെ രൂപമുള്ളവള്‍.
2, ഗുരുതന്നെ ആയിട്ടുള്ളവള്‍.
3, കനമുള്ള രൂപമുള്ളവള്‍

Friday, December 2, 2011

604, ദരഹാസോജ്വലന്മുഖീ (ദരഹാസോജ്വലന്മുഖ്യൈ നമഃ)

1, ദരം പോലുള്ള ഹാസം കൊണ്ട് ഉജ്വലമായ മുഖത്തോടു കൂടിയവള്‍. ദരം - ശംഖ്. ശംഖുപോലെ വെളുത്ത ചിരികൊണ്ട് ഉജ്വലമായ മുഖത്തോടു കൂടിയവള്‍.
2, ദരശബ്ദത്തിന് കുറച്ച് എന്നൊരു അര്‍ത്ഥം. മന്ദസ്മിതങ്കൊണ്ട് ഉജ്വലമായ മുഖത്തോടു കൂടിയവള്‍

Wednesday, November 30, 2011

603, ദരാന്ദോളിതദീര്‍ഘാക്ഷീ (ദരാന്ദോളിതദീര്‍ഘാക്ഷ്യൈ നമഃ)

1, ദരം ആന്ദോളനം ചെയ്യുന്ന ദീര്‍ഘങ്ങളായ അക്ഷികളുള്ളവള്‍. ദരം ഭയം. ആന്ദോളനം ചെയ്യുക ഇളകിക്കൊണ്ടിരിയ്ക്കുക. കാതരനയനാ എന്നര്‍ത്ഥം.
2, ഭയം ആന്ദോളനം ചെയ്യും ഭഗവതിയുടെ നയനങ്ങള്‍ക്കുമുന്നില്‍ എന്നും വ്യാഖ്യാനിയ്ക്കാം. പേടി പേടിച്ച് വിറയ്ക്കും എന്നര്‍ത്ഥം.

Tuesday, November 29, 2011

602, ദക്ഷയജ്ഞവിനാശിനീ (ദക്ഷയജ്ഞവിനാശിന്യൈ നമഃ)

1, ദക്ഷപ്രജാപതിയുടെ യജ്ഞത്തെ ഹനിച്ചവള്‍. ദക്ഷയജ്ഞം മുടങ്ങിയത് സതീദേവി കാരണമാണല്ലോ.
2, പ്രചേതസ്സുകളുടെ മകനായി വീണ്ടും ദക്ഷന്‍ ജനിച്ചു എന്നുണ്ട്. ദക്ഷന്‍റെ പ്രയത്നങ്ങളെ ശ്രീനാരദമുനി മുടക്കുകയുണ്ടായിട്ടുണ്ട്. ആ കഥയും ഇവിടെ ദ്തയോിപ്പിയ്ക്കുന്നു.
3, ദക്ഷന്‍ എന്നാല്‍ സമര്‍ത്ഥന്‍ എന്നര്‍ത്ഥം ഉണ്ട്. തന്‍റെ സാമര്‍ത്ഥ്യം കൊണ്ട് ചെയ്യുന്ന യജ്ഞങ്ങള്‍ ദേവി നശിപ്പിയ്ക്കും എന്നു സൂചിപ്പിയ്ക്കുന്നു. അഹങ്കാരം നശിപ്പിയ്ക്കുന്നത് ദേവിയുടെ പതിവാണല്ലോ.

Saturday, November 26, 2011

601, ദൈത്യഹന്ത്രീ (ദൈത്യഹന്ത്ര്യൈ നമഃ)

1, ദൈത്യന്മാരെ ഹനിയ്ക്കുന്നവള്‍. ഭണ്ഡാസുരന്‍ തുടങ്ങി അനവധി ദൈത്യന്മാരെ ഹനിച്ചവള്‍.

Friday, November 25, 2011

600, ദാക്ഷായണീ (ദാക്ഷായണ്യൈ നമഃ)

1, ദക്ഷന്‍റെ പുത്രീ. സതീദേവിയായ ദക്ഷപുത്രി ഭഗവതി തന്നെ ആണല്ലോ.
2, ദര്‍ശപൂര്‍ണ്ണമാസങ്ങളുടെ ആവര്‍ത്തി ദാക്ഷായണയജ്ഞം ആണ്. ആ രൂപത്തിലുള്ളവള്‍. ദര്‍ശം എന്നത് അമാവാസിയ്ക്കും പൂര്‍ണ്ണമാസം എന്നത് വെളുത്തവാവിനും ചെയ്യുന്ന യാഗങ്ങളാണ്.

Thursday, November 24, 2011

599, ത്രികോണാന്തരദീപികാ (ത്രികോണാന്തരദീപികായൈ നമഃ)

1, മൂലാധാരത്തില്‍ ഒരു ത്രികോണമുണ്ട്. അതില്‍ ദീപനം ചെയ്യുന്നവള്‍. കത്തുന്നവള്‍. അതായത് അഗ്നി. മൂലാധാരത്തില്‍ അഗ്നിസ്വരൂപയായിട്ടുള്ളവള്‍.
2, മേരുപര്‍വതം ആറുകോണുള്ളാണത്രേ. രവിപ്രഖ്യാ എന്ന് മുംപ് പറഞ്ഞ നാമവുമായി ചേര്‍ത്തുനോക്കംപോള്‍ മേരപര്‍വ്വതത്തിനെ പ്രദക്ഷിണം വെയ്ക്കുന്ന സൂര്യന്‍ മൂന്നു കോണുകളെ ഒരേസമയത്ത് പ്രകാശിപ്പിയ്ക്കുമല്ലോ. അതിനെ സൂചിപ്പിയക്കുന്നതും ആകാം.

Wednesday, November 23, 2011

598, രവിപ്രഖ്യാ (രവിപ്രഖ്യായൈ നമഃ)

1, രവിയേപ്പോലെയുള്ളവള്‍.
2, (ഹൃദയസ്ഥാ - ഹൃദയത്തില്‍) സൂര്യതേജസ്സുപോലുള്ളവള്‍.

Tuesday, November 22, 2011

597, ഹൃദയസ്ഥാ (ഹൃദയസ്ഥായൈ നമഃ)

1, ഹൃദയത്തില്‍ സ്ഥിതിചെയ്യുന്നവള്‍. ഭഗവതിയെ ഭക്തര്‍ ധ്യാനിയ്ക്കുന്നത് ഹൃദയത്തിലാണല്ലോ.
2, പരേശ്വരന്‍റെ ഹൃദയം ഉപനിഷത്താണെന്നുണ്ട്. ഉപനിഷത്തില്‍ പറയപ്പെടുന്നവള്‍ എന്നും അര്‍ത്ഥമാകാം.
3, ഹൃദയം ബുദ്ധിഗമ്യത്വാല്‍ എന്നുണ്ട്. ഹൃദയത്തെ ബോധത്തിന് മാത്രമേ അറിയാന്‍ കഴിയൂ. അല്ലെങ്കില്‍ നമ്മുടെ നിശ്ചയാത്മികയായ ബുദ്ധിയില്‍ ആണ് ഭഗവതിയുടെ സ്ഥിതിയുണ്ടാവേണ്ടത് എന്നര്‍ത്ഥം.

Friday, November 18, 2011

596, ഇന്ദ്രധനുഷ്പ്രഭാ (ഇന്ദ്രധനുഷ്പ്രഭായൈ നമഃ)

1, ഇന്ദ്രധനുസ്സിന്‍റെ പ്രഭയോടു കൂടിയവള്‍. ഇന്ദ്രധനുസ്സ് മഴവില്ല്.

Wednesday, November 16, 2011

595, ഭാലസ്ഥാ (ഭാലസ്ഥായൈ നമഃ)

1, ഭാലത്തില്‍ (ഫാലത്തില്‍) സ്ഥിതിചെയ്യുന്നവള്‍. മുംപ് ശിരസ്സില്‍ സ്ഥിതിചെയ്യുന്നവള്‍ എന്നു പറഞ്ഞതിനുശേഷം ചന്ദ്രനിഭാ എന്നു പ്രയോഗിച്ചല്ലോ. ശിരസ്സില്‍ എത്തിനില്‍ക്കുന്ന ശക്തിയ്ക്ക് ചന്ദ്രവര്‍ണ്ണമാണ്. നെറ്റിത്തടത്തില്‍ ഉള്ള നിറം ഇനി പറയുവാന്‍ പോകുന്നു.

Tuesday, November 15, 2011

594, ചന്ദ്രനിഭാ (ചന്ദ്രനിഭായൈ നമഃ)

1, ചന്ദ്രന്‍റെ നിറമുള്ളവള്‍.
2, ചന്ദ്രതുല്യമായിട്ടുള്ളവള്‍. ചന്ദ്രന്‍ അമൃതമയനാണെന്നാണല്ലോ ശ്രുതി. ഭഗവതിയും അമൃതാത്മകയാണല്ലോ.

Saturday, November 12, 2011

593, ശിരസ്ഥിതാ (ശിരസ്ഥിതായൈ നമഃ)

1, ശിരസ്സില്‍ ബ്രഹ്മരന്ധ്രസ്ഥാനത്താണല്ലോ ഗുരുവിന്‍റെ സ്ഥാനം. ഗുരുസ്വരൂപത്തില്‍ സ്ഥിതിചെയ്യുന്നവളും ഭഗവതി തന്നെ ആണല്ലോ.

Friday, November 11, 2011

592, കടാക്ഷകിങ്കരീഭൂതകമലാകോടിസേവിതാ (കടാക്ഷകിങ്കരീഭൂതകമലാകോടിസേവിതായൈ നമ)

1, കടാക്ഷംകൊണ്ട് കിങ്കരികളായിത്തീന്‍ന്ന കോടി കമലകളാല്‍ സേവിയ്ക്കപ്പെടുന്നവള്‍. ഭഗവതിയുടെ കടാക്ഷം കൊണ്ടാണല്ലോ അനേകകോടിബ്രഹ്മാണ്ഡങ്ങളിലെ ലക്ഷ്മീഭഗവതിമാരുണ്ടാകുന്നത്.
2, കടാക്ഷകിങ്കരീഭൂതകമലാകോടിസേവിതന്മാരോടു കൂടിയവള്‍. ഭഗവതിയുടെ കടാക്ഷം ഉണ്ടെങ്കില്‍ കോടിലക്ഷീഭഗവതിമാര്‍ സേവിയ്ക്കുന്നതുപോലെ ഐശ്വര്യം ഉള്ളവരായിത്തീരും ഭക്തന്മാര്‍

Thursday, November 10, 2011

591, കാമകോടികാ (കാമകോടികായൈ നമഃ)

1, കാമേശ്വരനായ പരമശിവന്‍‍ കോടീരദേശത്തുള്ളവള്‍. കോടീരം കിരീടം. പ്രകൃതിയുടെ കിരീടഭാഗത്ത് ശിവനാണല്ലോ.

Wednesday, November 9, 2011

590, ത്രികൂടാ (ത്രികൂടായൈ നമഃ)

1, ശക്തികൂടം മുതലായി മൂന്നു കൂടങ്ങളാണ് ശ്രീവിദ്യാമന്ത്രത്തിന്. ശക്തികൂടൈകതാപന്നകട്യധോഭാഗധാരിണീ എന്നെല്ലാം ഉണ്ടല്ലോ. ആവിധത്തിലുള്ള മന്ത്രസ്വരൂപയായ ഭഗവതി
2, ത്രിമൂര്‍ത്തികള്‍, ത്രിഭവനങ്ങള്‍ എന്നു തുടങ്ങി മൂന്നുകൊണ്ട് പറയപ്പെടുന്ന എല്ലാതിന്‍റേയും കൂടം. കൂടത്തിന് വിട് എന്നൊരു അര്‍ത്ഥം ഉണ്ട്.

Tuesday, November 8, 2011

589, ശ്രീഷോഡശാക്ഷരീവിദ്യാ (ശ്രീഷോഡശാക്ഷരീവിദ്യായൈ നമഃ)

1, ഷോഡശ അക്ഷരങ്ങളുള്ളവിദ്യാ. പതിനാറ് അക്ഷരങ്ങളുള്ള മന്ത്രം. ശ്രീവിദ്യാമന്ത്രം പതിനാറ് അക്ഷരമായിട്ടും നടപ്പുണ്ട്.ആമന്ത്രസ്വരൂപതന്നെ ആണല്ലോ ഭഗവതി.

Monday, November 7, 2011

588, കാമസേവിതാ (കാമസേവിതായൈ നമഃ)

1, കാമനാല്‍ സേവിയ്ക്കപ്പെടുന്നവള്‍.
2, കാമന്‍ എന്നതിന് ശിവന്‍ എന്നര്‍ത്ഥമുണ്ട്. ശിവനാല്‍ സേവിയ്ക്കപ്പടുന്നവള്‍
3, കാമനെ ജീവിപ്പിച്ചവള്‍ എന്നും അര്‍ത്ഥമാകാം.

Sunday, November 6, 2011

587, ശ്രീവിദ്യാ (ശ്രീവിദ്യായൈ നമഃ)

1, പഞ്ചദശീ എന്ന മന്ത്രരൂപയായ ശ്രീവിദ്യാ.
2, ശ്രീമത്തായിരിയ്ക്കുന്ന വിദ്യകള്‍.. ആന്വിക്ഷികീ ത്രയീ വിദ്യാ തുടങ്ങിപ്പറയുന്ന എല്ലാ വിദ്യകളും

Saturday, November 5, 2011

586, മഹാവിദ്യാ (മഹാവിദ്യായൈ നമഃ)

1, മഹത്തായിരിയ്ക്കുന്ന വിദ്യ. ഏറ്റവും ഉന്നതയായ വിദ്യ ഭഗവതി തന്നെ ആണല്ലോ.
2, വിദ്യാ എന്നാല്‍ മന്ത്രം എന്നര്‍ത്ഥം വരാം. ബാക്കിയുള്ള മന്ത്രങ്ങളിവെച്ച് ശ്രഷ്ഠമായത് എന്നും അര്‍ത്ഥമാകാം. ഭഗവതിയുടെ മന്ത്രം തന്നെ ആണ് ഭഗവതി.

Friday, November 4, 2011

585, ആത്മവിദ്യാ (ആത്മവിദ്യായൈ നമഃ)

1, ആത്മജാഞാനം ഉണ്ടാക്കുന്നതിനാല്‍ ആത്മവിദ്യാ.
2, ആത്മാഷ്ടാക്ഷരം എന്ന മന്ത്രത്തിന്‍റെ സ്വരൂപമായതിനാല്‍ ആത്മവിദ്യാ.

Thursday, November 3, 2011

584, മഹാസാമ്രാജ്യശാലിനീ (മഹാസാമ്രാജ്യശാലിന്യൈ നമഃ)

1, മഹസമ്രാജ്യം ഉള്ളവള്‍. ഭഗവതിയുടെ സാമ്രാജ്യമാണല്ലോ ഈ പ്രപഞ്ചം മുഴുവന്‍.
2, മഹാസാമ്രാജ്യം കൈലാസമാണെന്നു കാണുന്നു. അതിന്‍റെ നാഥയും ഭഗവതിതന്നെ ആണല്ലോ

Wednesday, November 2, 2011

583, ദയാമൂര്‍ത്തിഃ (ദയാമൂര്‍ത്ത്യൈ നമഃ)

1, ദയാ മൂര്‍ത്തിയായിട്ടുള്ളവള്‍. മൂര്‍ത്തി - രൂപം. ദയ ഭഗവതിയുടെ രൂപം തന്നെ ആണല്ലോ.

Tuesday, November 1, 2011

582,മഹനീയാ (മഹനീയായൈ നമഃ)

1 പൂജനീയാ. മഹ് ധതുവിന് പൂജ എന്നര്‍ത്ഥം ഉണ്ട്. ഭഗവതിയാണല്ലോ ഏറ്റവും പൂജനീയയായിട്ടുള്ളത്.

Friday, October 28, 2011

581, മൃണാളമൃദുദോര്‍ല്ലതാ (മൃണാളമൃദുദോര്‍ല്ലതായൈ നമഃ)

1, മൃണാളം പോലെ മൃദുവായിരിയ്ക്കുന്ന ദോര്‍ല്ലതയോടു കൂടിയവള്‍. മൃണാളം - താമരനൂല്‍. ദോര്‍ല്ലതാ - ദോസ്സുകളാകുന്ന ലതാ. ദോസ്സുകള്‍ കൈകള്‍ ലതാ - വള്ളീ. താമരനൂല്‍ പോലെ മൃദുവായി വള്ളികള്‍പോലെ ഉള്ള കൈകളാണ് ഭഗവതിയ്ക്ക്

Thursday, October 27, 2011

580, മഹാകൈലാസനിലയാ (മഹാകൈലാസനിലയായൈ നമഃ)

1, കൈലാസത്തിനും പരമായി പരശിവവാസ്ഥാനമായ മഹാകൈലാസത്തില്‍ നിലയനം ചെയ്യുന്നവള്‍. നിലയനംചെയ്യുക - വസിയ്ക്കുക.
2, കുബേരന്‍റെ വാസസ്ഥാനം കൈലാസമാണെന്നുണ്ട്. ധനാധിപായ വൈശ്രവണന്‍റെ ഗൃഗത്തില്‍ ഉള്ളത് ഐശ്വര്യദേവതയായ ഭഗവതിതന്നെ ആണല്ലോ.

Wednesday, October 26, 2011

579, മാതൃകാവര്‍ണ്ണരൂപിണീ (മാതൃകാവര്‍ണ്ണരൂപിണ്യൈ നമഃ)

1, മാതൃകയുടെ വര്‍ണ്ണം രൂപമായിട്ടുള്ളവള്‍. മാതൃകാ - അക്ഷരമാലാ. വര്‍ണ്ണം - നിറം. അക്ഷരങ്ങള്‍ക്ക് ഇന്ന നിറം എന്ന് ശാസ്ത്രങ്ങളില്‍ പ്രസ്താവനയുണ്ട്. ആ നിറം തന്നെ ആണ് ഭഗവതിയുടെ രൂപം എന്നു പറയുന്നു.
2, മാതൃകകള്‍ക്ക് വര്‍ണം രൂപണം ചെയ്യുന്നവള്‍ എന്നും അര്‍ത്ഥമാകാം. ലിപികള്‍ക്ക് ഇന്ന നിറം എന്ന് നിരൂപണം ചെയ്തത് ഭഗവതിതന്നെ ആണ്. അതു കൊണ്ടാണല്ലോ ദേവീസൃഷ്ടമായ ശബ്ദത്തില്‍ നിന്നുണ്ടായ പ്രപഞ്ചത്തിന് നിറഭേദം ഉണ്ടായിത്തീര്‍ന്നത്.
3, മാതൃകാ എന്നും വര്‍ണ്ണരൂപിണീ എന്നും രണ്ടു ശബ്ദമായിട്ടും കാണുന്നു. ഗണപതിമുതലായവരുടെ അമ്മയായതുകൊണ്ട് മാതൃകാ. നിറമുള്ളവറ്‍ എന്നോ, ചാതുര്‍വര്‍ണ്ണ്യം രൂപണം ചെയ്തവള്‍ എന്നോ എല്ലാം വര്‍ണ്ണരൂപിണീ എന്നോ വര്‍ണ്ണരൂപിണീ എന്നതിന് അര്‍ത്ഥം വരാം.

Tuesday, October 25, 2011

578, മത്താ (മത്തായൈ നമഃ)

1, മാധ്വീപനം കൊണ്ട് മത്തു പിടിച്ചവള്‍. പ്രകൃതി എപ്പോഴും മദോന്മത്തയേപ്പോലെ ആണല്ലോ.
2, താനുണ്ടെന്ന ഭാവം . പരശിവന് താനുണ്ടെന്ന് തോന്നുന്നത് തന്നെ ശക്തിയുടെ ഉണ്മയുണ്ടാവുംപോഴാണല്ലോ

Sunday, October 23, 2011

577, മാധ്വീപാനാലസാ (മാധ്വീപാനാലസായൈ നമഃ)

1, മാധ്വീപാനം കൊണ്ട് ആലസാ. മദ്യസേവകൊണ്ട് ആലസ്യം വന്നവള്‍. അമൃതവും മദ്യവും ഉണ്ട്. അമൃതം കഴിച്ചവര്‍ക്ക് സദാ ഉല്ലാസവും. മദ്യംകഴിച്ചവര്‍ക്ക് താല്‍ക്കാലികമായി ഉല്ലാസവും, പിന്നെ അലസതയും വരും. അതായത് മദ്യത്തിന്‍റെ ലഹരി നിലനില്‍ക്കില്ല. എന്നര്‍ത്ഥം. വന്നു പോകുന്നതാണ്. ഫലത്തില്‍ വന്നു പോകുന്ന അനുഭവങ്ങള്‍ എല്ലാം മദ്യത്തിന്‍റെ ഫലമായുണ്ടാവുന്നവയാണ്. ആഗമാപായിനോfനിത്യാഃ എന്ന ഭഗവാന്‍ പറഞ്ഞ ആഗമാപായികളെല്ലാം മദ്യങ്ങളാണ്. ജീവസ്വരൂപത്തിലുള്ള ഭഗവതി ഈമദ്യംകൊണ്ട് ആലസ്യം വന്നവളാണ്.

Saturday, October 22, 2011

576, പ്രജ്ഞാനഘനരൂപിണീ (പ്രജ്ഞാനഘനരൂപിണ്യൈ നമഃ)

1, പ്രകര്‍ഷേണ ഉള്ള ജ്ഞാനം ഘനരൂപത്തിലാകുംപോള്‍ ഉള്ളരൂപം ഉള്ളവള്‍. അശേഷം അവിദ്യാസംബന്ധമില്ലാത്തവള്‍ ആണല്ലോ ഭഗവതി. ജ്ഞാനത്തിന് ഏവിടേയെങ്കിലും വിള്ളല്‍ പോലും ഇല്ല. പിന്നെ എങ്ങിനെ അവിദ്യവരാനാണ്.
2, പ്രജ്ഞാനം ബ്രഹ്മ എന്നുണ്ട്. ബ്രഹ്മാവസ്ഥയില്‍ നിന്ന് അശേഷം വ്യതിചലിയ്ക്കാത്ത രൂപമുള്ളവള്‍ എന്നും ആകാം.

Friday, October 21, 2011

575, പരാനിഷ്ഠാ. (പരായൈ നിഷ്ഠായൈ നമഃ)


1, ഏറ്റവും അവസാനം ആയിട്ടുള്ളവള്‍. എല്ലാ വസ്തുക്കളുടേയും അവസാനം ഭഗവതിയാണല്ലോ
2, വളരെ അധികം താല്‍പ്പര്യമുള്ളവള്‍. ങക്തന്മാരോട് വളരെ അധികം താല്‍പ്പര്യമുള്ളവളാണല്ലോ ഭഗവതി
3, വളരെ അധികം ഉറപ്പുള്ളവള്‍.

Thursday, October 20, 2011

574, പരാശക്തിഃ (പരായൈ ശക്ത്യൈ നമഃ)

1, പ്രധാനയായ ശക്തി. ജഗദ്കാരണമായ ശക്തി തന്നെ ആണല്ലോ പ്രധാനശക്തി. അത് ഭഗവതിയല്ലാതെ ആരാണ്?
2, ദേഹത്തില്‍ ഒംപതുധാതുക്കള്‍ ഉണ്ടെന്നു കാണുന്നു. ത്വക്ക്, അസൃക്ക്, മാംസം, മേദസ്സ്, അസ്ഥി, മജ്ജ, ശുക്ലം, പ്രാണന്‍ , ബീജം എന്നിവയാണവ. പത്താമത്തെ ധാതു പരാശക്തിതന്നെ ആണത്രി.

Tuesday, October 18, 2011

573, മഹാപ്രളയസാക്ഷിണീ (മഹാപ്രളയസാക്ഷിണ്യൈ നമഃ)

1, മഹാപ്രളയത്തിന് സാക്ഷിണിയായിട്ടുള്ളവള്‍. എല്ലാം ഇല്ലാതാകുന്ന മഹാപ്രളയകാലത്തുപോലും അതിനുസാക്ഷിണി ആണല്ലോ ഭഗവതി.
2, മഹാപ്രളയകാലത്ത് പരശിവന്‍റെ താണ്ഡവത്തിന് സാക്ഷിണിയായി കണ്ടുനില്‍ക്കുന്നവള്‍

Monday, October 17, 2011

572, മൈത്ര്യാദിവാസനാലഭ്യാ (മൈത്ര്യാദിവാസനാലഭ്യായൈ നമഃ)

1, മൈത്ര്യാദികളായിരിയ്ക്കുന്ന വാസനകളാല്‍ ലഭിയ്ക്കപ്പെടാവുന്നവള്‍. സുഖികളില്‍ മൈത്രിയും, ദുഃഖികളില്‍ കരുണയും, പുണ്യവാന്മാരില്‍ സന്തോഷവും, പാപികളില്‍ ഉപേക്ഷയും മനശ്ശുദ്ധിയ്ക്കു നല്ലതാണെന്നു കാണുന്നു. യോഗം അഭ്യസിയ്ക്കുന്നവര്‍ ഈ വാസനകള്‍ പരിശീലിയ്ക്കുന്നത് ഭഗവതിയുടെ സന്തോഷത്തിനു പാത്രരാകുകയും ഭഗവതിയുടെ അനുഭവം വേഗം ഉണ്ടാവുകയും ചെയ്യും

Sunday, October 16, 2011

571, നിഖിലേശ്വരീ (നിഖിലേശ്വര്യൈ നമഃ)

1, നിഖിലന്മാരുടേയും ഈശ്വരി. എല്ലാവരുടേയും ഈശ്വരി.
2, നിഖിലത്തിന്‍റേയും ഈശ്വരി. സര്‍വ്വപ്രപഞ്ചത്തിന്‍റേയും ഈശ്വരി.

Saturday, October 15, 2011

570, നിയന്ത്രീ (നിയന്ത്ര്യൈ നമഃ)

1, നിയന്ത്രണം ചെയ്യുന്നവള്‍. പ്രപഞ്ചത്തെമുഴുവന്‍ നിയന്ത്രിയ്ക്കുന്നത് ഭഗവതിയാണല്ലോ.
2, മാര്‍ദര്‍ശനം ചെയ്യുന്നവള്‍. ഭഗവതിയാണല്ലോ ഏറ്റവും നല്ല മാര്‍ഗ്ഗദര്‍ശി

Friday, October 14, 2011

569, ഭക്തനിധിഃ (ഭക്തനിധയേ നമഃ)

1, ഭക്തന്മാരുടെ നിധി. ഭക്തന്മാര്‍ക്ക് എല്ലാകാര്യങ്ങളും സാധിച്ചുകൊടുക്കാനുള്ള സന്പത്തുള്ള നിധിതന്നെ ആണല്ലോ ഭഗവതി.
2, അനവധിഭക്തന്മാര്‍ ആശ്രയിച്ചിരിയ്ക്കുന്ന സ്ഥലമായതിനാല്‍ ഭക്തനിധി

Thursday, October 13, 2011

568, നിത്യതൃപ്താ (നിത്യതൃപ്തായൈ നമഃ)

1, നിത്യം - സര്‍വ്വകാലം, തൃപ്താ - സന്തുഷ്ടാ. ഭഗവതി എല്ലാകാലത്തും സന്തുഷ്ടയാണല്ലോ.

Wednesday, October 12, 2011

567, മിത്രരൂപിണീ (മിത്രരൂപിണ്യൈ നമഃ)

1, സൂര്യരൂപത്തിലുള്ളവള്‍ . ഭഗവതിതന്നെ ആണല്ലോ ലോകസാക്ഷിയായ സൂര്യന്‍റെ രൂപത്തിലുള്ളതും
2, മിത്രശശബ്ദത്തിന് സുഹൃത്ത് എന്നൊരു അര്‍ത്ഥം. സുഹൃദ്രൂപത്തിള്ളവള്‍. ഭഗവതിയേക്കാള്‍ നല്ല സുഹൃത്ത് ആരുണ്ട്.

Sunday, October 9, 2011

566, മൃഡാനീ (മൃഡാന്യൈ നമഃ)

1, മൃഡ് ധാതുവിന് സന്തോഷിപ്പിയ്ക്കുക എന്നാണര്‍ത്ഥം. ഭക്തന്മാരെ വരദാനംകൊണ്ട് സന്തോഷിപ്പിയ്ക്കുന്നവനാണല്ലോ ശിവന്‍ . ശിവന്‍റെ പത്നി എന്ന അര്‍ത്ഥത്തില്‍ മൃഡാനീ

Saturday, October 8, 2011

565, മുഖ്യാ (മുഖ്യായൈ നമഃ)

1, പ്രധാനപ്പെട്ടവള്‍.
2, എല്ലാ വസ്തുക്കളുടേയും മുഖഭാഗത്തുള്ലവള്‍
3, ആദ്യമുണ്ടായവള്‍.

Friday, October 7, 2011

564, മോഹിനീ (മോഹിന്യൈ നമഃ)

1, മോഹിപ്പിയ്ക്കുന്നവള്‍., ബോധം കെടുത്തുന്നവള്‍. യാഥാര്‍ത്ഥ്യബോധം ഇല്ലാതെ ആകുന്നതുകൊണ്ടാണല്ലോ സംസാരത്തില്‍ പോടുന്നത്.
2, അമൃതമഥനകാലത്ത് അസുരന്മാരെ മോഹിപ്പിയ്ക്കാന്‍ വിഷ്ണുഭഗവാന്‍ മോഹിനീ അവതാരം എടുത്തു എന്ന് പ്രസിദ്ധമാണല്ലോ. ഭഗവതിയുടെ തന്നെ അംശമാണല്ലോ ത്രിമൂര്‍ത്തികളില്‍ പെട്ട വിഷ്ണുവും
.

Monday, October 3, 2011

563, മൃഗാക്ഷീ (മൃഗാക്ഷ്യൈ നമഃ)

1, മൃഗത്തിനേപ്പോലുള്ള അക്ഷികളുള്ളവള്‍. മൃഗം മാന്‍.
2, മൃഗത്തില്‍ അക്ഷിയുള്ളവള്‍. മൃഗം - മൃഗപ്രായനായ മനുഷ്യന്‍ . മൃപ്രയരായവരെക്കൂടെ ഭഗവതിയ്ക്ക് ശ്രദ്ധിയ്ക്കാതിരിയ്ക്കാന്‍ കഴിയില്ല്ലോ.
3, മൃഗ് ധാതുവിന് അന്വേഷണം എന്നൊരു അര്‍ത്ഥം. എപ്പോഴും അന്വേഷിച്ചുകൊണ്ടിരിയ്ക്കുന്ന കണ്ണുകളാണ് ഭഗവതിയ്ക്ക്. എന്താണ് മക്കള്‍ അടുത്തേയ്ക്ക് വരാത്തത് എന്ന ആകാംക്ഷയാല്‍ എപ്പോഴും തിരഞ്ഞുകൊണ്ടിരിയ്ക്കുന്ന കണ്ണുകളാണല്ലോ അമ്മയുടേത്

Sunday, October 2, 2011

562, ദാഡിമീകുസുമപ്രഭാ (ദാഡിമീകുസുമപ്രഭായൈ നമഃ)

1, ദാഡിമീകുസുമത്തിന്‍റെ പ്രഭപോലുള്ള പ്രഭയോടുകൂടിയവള്‍. ദാഡിമീകുസുമം കായയുണ്ടാവത്താ ഒരു തരം വൃക്ഷത്തിന്‍റെ പൂവ്വ്. (ചുവന്നതാണെന്നു തോന്നുന്നു. ചെമ്മരം എന്നു കാണുന്നു.)

Saturday, October 1, 2011

561, താംബൂലപൂരിതമുഖീ (താംബൂലപൂരിതമുഖ്യൈ നമഃ)

1, താംബൂലം കൊണ്ട് പൂരിതമായിരിയ്ക്കുന്ന മുഖത്തോടുകൂടിയവള്‍. മുഖം എന്നതിന് വായ എന്ന് അര്‍ത്ഥം ധരിയ്ക്കണം. താംബൂലം വെറ്റില.

Thursday, September 29, 2011

560, കമലാക്ഷനിഷേവിതാ (കമലാക്ഷനിഷേവിതായൈ നമഃ)

1, കമലാക്ഷനാല്‍ നിഷേവിതാ. കമലാക്ഷന്‍ - വിഷ്ണു. നിഷേവിതാ - നിതരാം സേവിതാ. വിഷ്ണുഭഗവാന്‍ ഭഗവതിയെ സേവിയ്ക്കുന്നവനാണല്ലോ.

559, കാലഹന്ത്രീ (കാലഹന്ത്ര്യൈ നമഃ)

1, കാലനെ ഹനിയ്ക്കുന്നവള്‍ . മോക്ഷതരുന്നത് ഭഗവതിയാണല്ലോ.
2, കാലനെ ഹനിച്ചവന്‍റെ ഭാര്യ. പരമശിവന്‍ കലഹന്താവാണല്ലോ
3, കാലത്തെ ഇല്ലാതാക്കുന്നവള്‍. ആത്യന്തകപ്രളയത്തില്‍ കാലപോലും ഇല്ലാതാവുമത്രേ

Wednesday, September 28, 2011

558, കാത്യായനീ (കാത്യായന്യൈ നമഃ)

1, കതന്‍ എന്ന ഋഷിയുടെ പുത്രി എന്ന അര്‍ത്ഥത്തില്‍ കാത്യാനീ
2, എല്ലാദേവതകളുടേയും ചൈതന്യം സ്വീകരിച്ച ഭഗവതിയെ പുരാണങ്ങള്‍ കാത്യായനീ എന്നു പറയുന്നു.

Tuesday, September 27, 2011

557, കലികന്മഷനാശിനീ (കലികന്മഷനാശിന്യൈ നമഃ)

1, കലിയുടെ കന്മഷത്തെ നശിപ്പിയ്ക്കുന്നവള്‍.. കലിയുദത്തില്‍ പാപങ്ങള്‍ അധികമുണ്ടാവും. അതിനെ ഇല്ലാതാക്കാന്‍കഴിയില്ല. അങ്ങിനെ ഉള്ളപ്പോഴും സര്‍വ്വശക്തയായ ഭഗവതി കലിയുഗത്തിലെ ദോഷങ്ങള്‍ തീര്‍ക്കുന്നു.

Monday, September 26, 2011

556, അചിന്ത്യരൂപാ (അചിന്ത്യരൂപായൈ നമഃ)

1, അചിന്ത്യമായ രൂപമുള്ളവള്‍. ഭഗവതിയുടെ രൂപത്തെ കുറിച്ച് ചിന്തിയ്ക്കാന്‍ പറ്റുന്നവരാരുണ്ട്.
2, അചിന്ത്യന്‍ എന്നതിന് ശിവന്‍ എന്നര്‍ത്ഥം വരാം. ശിവന്‍റെ രൂപമുള്ളവള്‍.
3, അചിന്ത്യത്തിന് ബ്രഹ്മം എന്നും അര്‍ത്ഥമുണ്ട്. ബ്രഹ്മസ്വരൂപാ
4, രൂപത്തിന് സ്വഭാവം എന്നൊരു അര്‍ത്ഥം. ഭഗവതിയുടെ സ്വഭാവം ആര്‍ക്കാണ് അറിയുന്നത്

Sunday, September 25, 2011

555, അഗ്രഗണ്യാ (അഗ്രഗണ്യായൈ നമഃ)

1, എല്ലാകാര്യത്തിലും അഗ്രഗണ്യാ. അഗ്രഗണ്യാ - ആദ്യപരിഗണിയ്ക്കപ്പെടേണ്ടവള്‍.
2, അഗ്രത്തില്‍ ഗണിയ്ക്കപ്പെടേണ്ടവള്‍. മുന്നില്‍ നില്‍ക്കേണ്ടവള്‍. വഴികാട്ടി
3, ആദ്യ കണസംബന്ധിയായവള്‍. ഗണം എന്നതിന് കണം എന്നര്‍ത്ഥം. കാണുന്നു. പ്രപഞ്ചത്തിന്‍റെ ആദ്യകണം തന്നെ ഭഗവതിയുമായി ബന്ധപ്പെട്ടതാണല്ലോ.

Saturday, September 24, 2011

554, സര്‍വ്വമൃത്യുനിവാരിണീ (സര്‍വ്വമൃത്യുനിവാരിണ്യൈ നമഃ)

1, എല്ലാവിധത്തിലുള്ള മരണങ്ങളും നിവാരണം ചെയ്യുന്നവള്‍. അമ‍ൃതസ്വരൂപയായ ഭഗവതിയുടെ മുന്നില്‍ മരണത്തിന് നില്‍ക്കാന്‍ പറ്റുമോ?
2, സര്‍വ്വരുടേയും മൃത്യുവിനെ ഇല്ലാതാക്കുന്നവള്‍. പ്രളകാലത്ത് എല്ലാം തന്നിലൊതുക്കുന്നസമയത്ത് എല്ലാവരുടേയും മൃത്യു ഭഗവതി ഇല്ലാതാക്കുകയാണല്ലോ.

Friday, September 23, 2011

553, സര്‍വ്വവ്യാധിപ്രശമനീ (സര്‍വ്വവ്യാധിപ്രശമന്യൈ നമഃ)

1, എല്ലാ വ്യാധികളും പ്രശമിപ്പിയ്ക്കുന്നവള്‍. ഭിഷക്തമനാണല്ലോ ശ്രീപരമേശ്വരന്‍. അതിന്‍റെ സ്വാധീനം ഭഗവതിയ്ക്കില്ലാതിരിയ്ക്കില്ലല്ലോ
2, സര്‍വ്വരുടേയും വ്യാധികള്‍ ശമിപ്പിയ്ക്കുന്നവള്‍. പ്രപഞ്ചത്തിലുള്ളവര്‍ക്കെല്ലാം സംസാരവ്യാധികള്‍ തീര്‍ത്തുകൊടുക്കുന്നത് ഭഗവതി തന്നെ ആണല്ലോ

Thursday, September 22, 2011

552, വിയദാദിജഗത്പ്രസൂഃ (വിയദാദിജഗത്പ്രസ്വേ നമഃ)

1, വിയത് ആദിയായുള്ള ജഗത്തിനെ പ്രസവിയ്ക്കുന്നവള്‍. ആകാശം തുടങ്ങി പ്രപഞ്ചത്തെ മുഴുവന്‍ സൃഷ്ടിയ്ക്കുന്നവള്‍. ലോകമാതാ.

Wednesday, September 21, 2011

551, വിദ്യാ (വിദ്യായൈ നമഃ)

1, ബ്രഹ്മജ്ഞാനം ഉണ്ടാക്കിത്തരുന്ന വിദ്യാസ്വരൂപിണിയായതുകൊണ്ട് വിദ്യാ
2, മായയുടെ പ്രതിദ്വന്ദമായ വിദ്യാ. മായയും വിദ്യും പ്രകൃതിയുടെ സൃഷ്ടികള്‍ തന്നെ ആണല്ലോ
3, വേദം മുതലായ എല്ലാതരത്തിലുള്ളവിദ്യകളും ഭഗവതിതന്നെ ആണല്ലോ

Tuesday, September 20, 2011

550, വിമര്‍ശരൂപിണീ (വിമര്‍ശരൂപിണ്യൈ നമഃ)

1, വിമര്‍ശം രൂപമായിട്ടുള്ളവള്‍. വിമര്‍ശം - പ്രകാശസ്വരൂപമായിരിയ്ക്കുന്ന ബ്രഹ്മത്തിന്‍റെ ബഹിസ്ഫുരണത്തെ വിമര്‍ശം എന്നു പറയുന്നു. അതായത് ശക്തന്‍റെ ശക്തിയാണ് വിമര്‍ശം എന്നര്‍ത്ഥം. ഈ വിമര്‍ശമാണ് അഥവാ ശക്തിയാണ് പ്രപഞ്ചം സൃഷ്ചി.്ക്കുന്നത്.
2, വിമര്‍ശത്തിന് ആലോചന എന്നൊരര്‍ത്ഥം. ആലോചനതന്നെ ആണല്ലോ സങ്കല്‍പം. പരമേശ്വരന്‍റെ സങ്കല്‍പ്പമാണ് ഈ പ്രപഞ്ചസ്വരൂപയായിരിയ്ക്കുന്ന ഭഗവതി.

Monday, September 19, 2011

549, ബര്‍ബ്ബരാളകാ. (ബര്‍ബ്ബരാളകായൈ നമഃ)

1, തലയക്കുവണ്ണം കുറഞ്ഞ ചെറിയ അളകങ്ങളുള്ളവള്‍
2, ബന്ധുരാളകാ എന്നും പാഠഭേദം ഉണ്ട്. ബന്ധുരത്തിന് മനോഹരം എന്നര്‍ത്ഥം

Sunday, September 18, 2011

548, ബന്ധമോചിനീ (ബന്ധമോചിന്യൈ നമഃ)


1, സംസാരബന്ധത്തെ മോചിപ്പിയ്ക്കുന്നവള്‍
2, അനിരുദ്ധനെ ബാണബന്ധനത്തില്‍ നിന്ന് രക്ഷിയ്ക്കാനും ഭഗവതിയുടെ പ്രസാദം കാരണമായിട്ടുണ്ട്.
3, കാലകേതു എന്നൊരസുരനാല്‍ തടവിലാക്കപ്പെട്ട് ഏകാവലീ എന്ന കന്യകയെ അവളുടെ സഖിയായ യശോവലീ ഭഗവതിയുടെ പ്രസാദത്താല്‍ മോചിപ്പിച്ച കഥയും ഉണ്ട്. അതിനാലും ബന്ധമോചിനീ

Saturday, September 17, 2011

547, പുലോമജാര്‍ച്ചിതാ (പുലോമജാര്‍ച്ചിതായൈ നമഃ)

1, പുലോമപുത്രിയായ ഇന്ദ്രാണിയാല്‍ അര്‍ച്ചിയ്ക്കപ്പെടുന്നവള്‍.

Friday, September 16, 2011

546, പുണ്യശ്രവണകീര്‍ത്തനാ (പുണ്യശ്രവണകീര്‍ത്തനായൈ നമഃ)

1, പുണ്യമാണ് ശ്രവണകീര്‍ത്തനങ്ങള്‍ യാതൊരുവളുടെ. അവള്‍. ഭഗവതിയുടെ ശ്രവണകീര്‍ത്തനങ്ങള്‍ പുണ്യമാണല്ലോ.
2, ശ്രവണകീര്‍ത്തനത്തിന്‍റെ പുണ്യത്തോടുകൂടിയവള്‍. ശ്രവണം - വേദം. വേദംചൊല്ലുന്നതിന്‍റെ പുണ്യം ഭഗവതീപ്രസാദം തന്നെ ആണല്ലോ.

Thursday, September 15, 2011

545, പുണ്യലഭ്യാ (പുണ്യലഭ്യായൈ നമഃ)


1, പുണ്യം ഉണ്ടായാല്‍ മാത്രം ലഭിയ്ക്കുന്നവള്‍. ഭഗവതിയുടെ നാമം ജപിയ്ക്കാനോ, അനുഗ്രഹം ലഭിയ്ക്കാനോ മറ്റോ ഉള്ള ഭാഗ്യം പുണ്യം ഉണ്ടായാലേ ലഭിയ്ക്കുകയുള്ളൂ.

2, പുണ്യത്തിന് പരിശുദ്ധം എന്നൊരര്‍ത്ഥം, ലഭ്യത്തിന് ന്യായം എന്നും അര്‍ത്ഥം. പരിശുദ്ധമായ ന്യായം. ഭഗവതിതന്നെ അല്ലേ ന്യായങ്ങളില്‍ പരിശുദ്ധമായിട്ടുള്ളത്

Wednesday, September 14, 2011

544, പുണ്യകീര്‍ത്തിഃ (പുണ്യകീര്‍ത്യൈ നമഃ)

1, പുണ്യമായ കീര്‍ത്തിയുള്ളവള്‍. ഭഗവതിയുടെ കീര്‍ത്തി കേള്‍ക്കുന്നതുതന്നെ പുണ്യം ഉണ്ടാക്കുന്നതാണല്ലോ.

Monday, September 12, 2011

543, അനുത്തമാ. (അനുത്തമായൈ നമഃ)

1, ഉത്തമയായിട്ട് മറ്റൊരാളില്ലാത്തതിനാല്‍ അനുത്തമാ.
2,
ഉത്തമമല്ലാത്തത് അതായത് നീചം എന്നും അര്‍ത്ഥമുണ്ട്. അത്യന്തവിപരീതഗുണങ്ങള്‍ ഉള്‍ക്കൊള്ളാന്‍ ഭഗവതിയ്ക്കല്ലേ കഴിയൂ?