ലളിതാസഹസ്രനാമം

610, ദഹരാകാശരൂപിണീ (ദഹരാകാശരൂപിണ്യൈ നമഃ)

2012-01-30T19:29:00.000-08:00

1, ദഹരാകാശം രൂപമായിട്ടുള്ളവള്‍. ദഹരം - ഹൃദയം. ആകാശം - സ്ഥാനം ഹൃദയത്തിലെ ചെറിയ ആസ്ഥാനം സ്വരൂപമായിട്ടുള്ളവള്‍.
2, ദഹരം എന്നതിന് സൂക്ഷ്മം എന്നര്‍ത്ഥമുണ്ട്. സൂക്ഷാമാകാശസ്വരൂപിണീ. ആകാശം പോലെ സൂക്ഷമമായ രൂപത്തോടുകൂടിയവള്‍. ആകാശം ഏറ്റവും സൂക്ഷമമാണല്ലോ.

609, ദണ്ഡനീതിസ്ഥാ. (ദണ്ഡനീതിസ്ഥായൈ നമഃ)

2012-01-27T19:20:00.000-08:00

1, ദണ്ഡനീതിയ്ക്ക് അര്‍ത്ഥശാസ്ത്രം എന്നര്‍ത്ഥം. അര്‍ത്ഥശാസ്ത്രത്തിന്‍റെ സത്തയായി നില്‍ക്കുന്നവള്‍.
2, ദണ്ഡത്തിന്‍റെ നീതിയില്‍ സ്ഥിതിചെയ്യുന്നവള്‍. ദണ്ഡം - ശിക്ഷ. ശിക്ഷയുടെ നീതിയില്‍ ഭഗവതിതതന്നെ ആണ് ഉള്ളത്.
3, ദണ്ഡന്‍ എന്നിത് യമന്‍ എന്നൊരു അര്‍ത്ഥം ഉണ്ട്. നയനാല്‍ നീതിരുച്യതേ എന്നുണ്ട്. യമന്‍റെ നയനത്തില്‍ സ്ഥിതിചെയ്യുന്നവള്‍. മരണത്തിലും സ്ഥിതിചെയ്യുന്നവള്‍.

608, ദേവേശീ (ദേവേശ്യൈ നമഃ)

2012-01-25T19:31:00.000-08:00

1, ദേവന്മാരുടേയും ഈശ്വരി. ബ്രഹ്മാദിദേവന്മാര്‍ കൂടി ഈശ്വരി എന്നു വിചാരിയ്ക്കുന്നവള്‍.
2, ദേവന്മാരോടുകൂടി കല്‍പ്പിയ്ക്കുന്നവള്‍.
3, ദേവശബ്ദത്തിന് ദാതാവ് എന്നും അര്‍ത്ഥമുണ്ട്. ഈശീ ശബ്ദത്തിന് നാഥഎന്നും അര്‍ത്ഥം ആകാം. അപ്പോള്‍ ദാനം ചെയ്യുന്നവരുടെ നാഥ എന്നും അര്‍ത്ഥമാകാം

608,ഗുഹജന്മഭൂഃ (ഗുഹജന്മഭുവേ നമഃ)

2011-12-10T08:00:00.000-08:00

1, ഗുഹന്‍റെ ജന്മഭൂവ്. ഗുഹന്‍ - സുബ്രഹ്മണ്യന്‍. ജന്മഭൂവ് ഉല്‍പ്പത്തിസ്ഥാനം. സുബ്രഹ്മണ്യന്‍റെ അമ്മ.

607, ഗോമാതാ (ഗോമാത്രേ നമഃ)

2011-12-09T08:00:00.000-08:00

1, ഗോമാതാവ്. പശുവിനെ മാതാവായിട്ടാണല്ലോ കണക്കാക്കുന്നത്. സാക്ഷാല്‍ ഭഗവതിതന്നെ ആണ് പശു.
2, ഭൂമി എന്ന് ഗൗശബ്ദത്തിന് അര്‍ത്ഥമുണ്ട്. ഭൂമീദേവി എന്ന് അര്‍ത്ഥമമകാം.
3, ഗൗ ശബ്ദത്തിന് അമ്മ എന്നും അര്‍ത്ഥമുണ്ട്. അമ്മമാരുടെ അമ്മ എന്ന് അര്‍ത്ഥം. എല്ലാ അമ്മമാരുടേയും അമ്മ ഭഗവതിയാണല്ലോ.
4, വാക്ക് എന്നും അര്‍ത്ഥമുണ്ട്. അപ്പോള്‍ വാഗ്ദേവി എന്നര്‍ത്ഥമാകും.
5, മാതാ എന്നതിന് അളക്കുന്നവന്‍ എന്ന അര്‍ത്ഥമുണ്ട്. ഈ അര്‍ത്ഥം ഗൗശബ്ദത്തിന് ഉള്ള ഇന്ദ്രിയം, സ്വര്‍ഗ്ഗം, ഗൃഹം, ആകാശം എന്നീ അര്‍ങ്ങളോട് ചേര്‍ത്താല്‍ വരുന്ന അര്‍ത്ഥമെല്ലാംതെല്ലാം ഭഗവതിയ്ക്കു ചേരുന്നതാണ്. ഇന്ദ്രിയങ്ങള്‍ക്ക് പരിധിനിശ്ചയിക്കുന്നവള്‍., സ്വര്‍ഗ്ഗവാസത്തിനും പരിധിനിശ്ചയിക്കുന്നത് ഭഗവതി തന്നെ, ഗൃഹത്തിന്‍റെ പരിധി നിശചയിക്കുന്നത് ഗൃഹനായികയാണ്. ഗൃഹപ്രവേശം നടത്തുന്നതു തന്നെ സ്ത്രീകളാണല്ലോ. പരിധിയില്ലാത്ത ആകാശത്തിന് ഭഗവതിയുടെ അടുത്തെത്തുംപോള്‍ പരിധിവരുന്നു. ആകാശത്തേക്കാള്‍ വലുതാണല്ലോ ഭഗവതി.
6, സൂര്യന്‍ , ചന്ദ്രന്‍ , അഗ്നി എന്നീ അര്‍ത്ഥവും ഉണ്ട് ഗൗ ശബ്ദത്തിന്. അവരുടെ മാതാവാണ് എന്ന അര്‍ത്ഥവും ആകാം. മൂന്നുജ്യോതിസ്സുകളേയും സംവിധാനം ചെയ്യുന്നത് പ്രകൃതിയാണല്ലോ.

606, ഗുണനിധിഃ (ഗുണനിധയേ നമഃ)

2011-12-08T08:00:00.000-08:00

1, ഗുണങ്ങളുടെ നിധി. ഭഗവതി നല്ലഗുണങ്ങളുടെ ഭണ്ഡാരം തന്നെ ആണല്ലോ.
2, ഗുണം എന്നതിന് സത്വരജസ്തമോഗുണങ്ങള്‍ എന്ന് അര്‍ത്ഥം ഉണ്ട്. പ്രകൃതിയുടെ അസ്തിത്വം തന്നെ ഈ ത്രിഗുണങ്ങള്‍ ആണല്ലോ.
3, ഗുണം എന്നതിന് കയര്‍ എന്നൊരു അര്‍ത്ഥം. അനവധി പാശങ്ങളാല്‍ വരിയപ്പെട്ടവരാണല്ലോ നാം. ഈ പാശങ്ങശുടെ എല്ലാം അറ്റം ഭഗവതിയുടെ കയ്യിലാണല്ലോ. ലോകത്തുള്ള എല്ലാ പാശന്മാരുടേയും പാശം ഭഗവതിയുടെ കയ്യിലാണെന്നുള്ളതുകൊണ്ട് ഗുണനിധി.

605, ഗുരുമൂര്‍ത്തിഃ (ഗുരുമൂര്‍ത്യൈ നമഃ)

2011-12-07T08:00:00.000-08:00

1, ഗുരുവിന്‍റെ രൂപമുള്ളവള്‍.
2, ഗുരുതന്നെ ആയിട്ടുള്ളവള്‍.
3, കനമുള്ള രൂപമുള്ളവള്‍

604, ദരഹാസോജ്വലന്മുഖീ (ദരഹാസോജ്വലന്മുഖ്യൈ നമഃ)

2011-12-02T08:00:00.000-08:00

1, ദരം പോലുള്ള ഹാസം കൊണ്ട് ഉജ്വലമായ മുഖത്തോടു കൂടിയവള്‍. ദരം - ശംഖ്. ശംഖുപോലെ വെളുത്ത ചിരികൊണ്ട് ഉജ്വലമായ മുഖത്തോടു കൂടിയവള്‍.
2, ദരശബ്ദത്തിന് കുറച്ച് എന്നൊരു അര്‍ത്ഥം. മന്ദസ്മിതങ്കൊണ്ട് ഉജ്വലമായ മുഖത്തോടു കൂടിയവള്‍

603, ദരാന്ദോളിതദീര്‍ഘാക്ഷീ (ദരാന്ദോളിതദീര്‍ഘാക്ഷ്യൈ നമഃ)

2011-11-30T08:00:00.000-08:00

1, ദരം ആന്ദോളനം ചെയ്യുന്ന ദീര്‍ഘങ്ങളായ അക്ഷികളുള്ളവള്‍. ദരം ഭയം. ആന്ദോളനം ചെയ്യുക ഇളകിക്കൊണ്ടിരിയ്ക്കുക. കാതരനയനാ എന്നര്‍ത്ഥം.
2, ഭയം ആന്ദോളനം ചെയ്യും ഭഗവതിയുടെ നയനങ്ങള്‍ക്കുമുന്നില്‍ എന്നും വ്യാഖ്യാനിയ്ക്കാം. പേടി പേടിച്ച് വിറയ്ക്കും എന്നര്‍ത്ഥം.

602, ദക്ഷയജ്ഞവിനാശിനീ (ദക്ഷയജ്ഞവിനാശിന്യൈ നമഃ)

2011-11-29T08:00:00.000-08:00

1, ദക്ഷപ്രജാപതിയുടെ യജ്ഞത്തെ ഹനിച്ചവള്‍. ദക്ഷയജ്ഞം മുടങ്ങിയത് സതീദേവി കാരണമാണല്ലോ.
2, പ്രചേതസ്സുകളുടെ മകനായി വീണ്ടും ദക്ഷന്‍ ജനിച്ചു എന്നുണ്ട്. ദക്ഷന്‍റെ പ്രയത്നങ്ങളെ ശ്രീനാരദമുനി മുടക്കുകയുണ്ടായിട്ടുണ്ട്. ആ കഥയും ഇവിടെ ദ്തയോിപ്പിയ്ക്കുന്നു.
3, ദക്ഷന്‍ എന്നാല്‍ സമര്‍ത്ഥന്‍ എന്നര്‍ത്ഥം ഉണ്ട്. തന്‍റെ സാമര്‍ത്ഥ്യം കൊണ്ട് ചെയ്യുന്ന യജ്ഞങ്ങള്‍ ദേവി നശിപ്പിയ്ക്കും എന്നു സൂചിപ്പിയ്ക്കുന്നു. അഹങ്കാരം നശിപ്പിയ്ക്കുന്നത് ദേവിയുടെ പതിവാണല്ലോ.

601, ദൈത്യഹന്ത്രീ (ദൈത്യഹന്ത്ര്യൈ നമഃ)

2011-11-26T08:00:00.000-08:00

1, ദൈത്യന്മാരെ ഹനിയ്ക്കുന്നവള്‍. ഭണ്ഡാസുരന്‍ തുടങ്ങി അനവധി ദൈത്യന്മാരെ ഹനിച്ചവള്‍.

600, ദാക്ഷായണീ (ദാക്ഷായണ്യൈ നമഃ)

2011-11-25T08:00:00.000-08:00

1, ദക്ഷന്‍റെ പുത്രീ. സതീദേവിയായ ദക്ഷപുത്രി ഭഗവതി തന്നെ ആണല്ലോ.
2, ദര്‍ശപൂര്‍ണ്ണമാസങ്ങളുടെ ആവര്‍ത്തി ദാക്ഷായണയജ്ഞം ആണ്. ആ രൂപത്തിലുള്ളവള്‍. ദര്‍ശം എന്നത് അമാവാസിയ്ക്കും പൂര്‍ണ്ണമാസം എന്നത് വെളുത്തവാവിനും ചെയ്യുന്ന യാഗങ്ങളാണ്.

599, ത്രികോണാന്തരദീപികാ (ത്രികോണാന്തരദീപികായൈ നമഃ)

2011-11-24T08:00:00.000-08:00

1, മൂലാധാരത്തില്‍ ഒരു ത്രികോണമുണ്ട്. അതില്‍ ദീപനം ചെയ്യുന്നവള്‍. കത്തുന്നവള്‍. അതായത് അഗ്നി. മൂലാധാരത്തില്‍ അഗ്നിസ്വരൂപയായിട്ടുള്ളവള്‍.
2, മേരുപര്‍വതം ആറുകോണുള്ളാണത്രേ. രവിപ്രഖ്യാ എന്ന് മുംപ് പറഞ്ഞ നാമവുമായി ചേര്‍ത്തുനോക്കംപോള്‍ മേരപര്‍വ്വതത്തിനെ പ്രദക്ഷിണം വെയ്ക്കുന്ന സൂര്യന്‍ മൂന്നു കോണുകളെ ഒരേസമയത്ത് പ്രകാശിപ്പിയ്ക്കുമല്ലോ. അതിനെ സൂചിപ്പിയക്കുന്നതും ആകാം.

598, രവിപ്രഖ്യാ (രവിപ്രഖ്യായൈ നമഃ)

2011-11-23T08:00:00.000-08:00

1, രവിയേപ്പോലെയുള്ളവള്‍.
2, (ഹൃദയസ്ഥാ - ഹൃദയത്തില്‍) സൂര്യതേജസ്സുപോലുള്ളവള്‍.

597, ഹൃദയസ്ഥാ (ഹൃദയസ്ഥായൈ നമഃ)

2011-11-22T08:00:00.000-08:00

1, ഹൃദയത്തില്‍ സ്ഥിതിചെയ്യുന്നവള്‍. ഭഗവതിയെ ഭക്തര്‍ ധ്യാനിയ്ക്കുന്നത് ഹൃദയത്തിലാണല്ലോ.
2, പരേശ്വരന്‍റെ ഹൃദയം ഉപനിഷത്താണെന്നുണ്ട്. ഉപനിഷത്തില്‍ പറയപ്പെടുന്നവള്‍ എന്നും അര്‍ത്ഥമാകാം.
3, ഹൃദയം ബുദ്ധിഗമ്യത്വാല്‍ എന്നുണ്ട്. ഹൃദയത്തെ ബോധത്തിന് മാത്രമേ അറിയാന്‍ കഴിയൂ. അല്ലെങ്കില്‍ നമ്മുടെ നിശ്ചയാത്മികയായ ബുദ്ധിയില്‍ ആണ് ഭഗവതിയുടെ സ്ഥിതിയുണ്ടാവേണ്ടത് എന്നര്‍ത്ഥം.

596, ഇന്ദ്രധനുഷ്പ്രഭാ (ഇന്ദ്രധനുഷ്പ്രഭായൈ നമഃ)

2011-11-18T08:00:00.000-08:00

1, ഇന്ദ്രധനുസ്സിന്‍റെ പ്രഭയോടു കൂടിയവള്‍. ഇന്ദ്രധനുസ്സ് മഴവില്ല്.

595, ഭാലസ്ഥാ (ഭാലസ്ഥായൈ നമഃ)

2011-11-16T08:00:00.000-08:00

1, ഭാലത്തില്‍ (ഫാലത്തില്‍) സ്ഥിതിചെയ്യുന്നവള്‍. മുംപ് ശിരസ്സില്‍ സ്ഥിതിചെയ്യുന്നവള്‍ എന്നു പറഞ്ഞതിനുശേഷം ചന്ദ്രനിഭാ എന്നു പ്രയോഗിച്ചല്ലോ. ശിരസ്സില്‍ എത്തിനില്‍ക്കുന്ന ശക്തിയ്ക്ക് ചന്ദ്രവര്‍ണ്ണമാണ്. നെറ്റിത്തടത്തില്‍ ഉള്ള നിറം ഇനി പറയുവാന്‍ പോകുന്നു.

594, ചന്ദ്രനിഭാ (ചന്ദ്രനിഭായൈ നമഃ)

2011-11-15T08:00:00.000-08:00

1, ചന്ദ്രന്‍റെ നിറമുള്ളവള്‍.
2, ചന്ദ്രതുല്യമായിട്ടുള്ളവള്‍. ചന്ദ്രന്‍ അമൃതമയനാണെന്നാണല്ലോ ശ്രുതി. ഭഗവതിയും അമൃതാത്മകയാണല്ലോ.

593, ശിരസ്ഥിതാ (ശിരസ്ഥിതായൈ നമഃ)

2011-11-12T08:00:00.000-08:00

1, ശിരസ്സില്‍ ബ്രഹ്മരന്ധ്രസ്ഥാനത്താണല്ലോ ഗുരുവിന്‍റെ സ്ഥാനം. ഗുരുസ്വരൂപത്തില്‍ സ്ഥിതിചെയ്യുന്നവളും ഭഗവതി തന്നെ ആണല്ലോ.

592, കടാക്ഷകിങ്കരീഭൂതകമലാകോടിസേവിതാ (കടാക്ഷകിങ്കരീഭൂതകമലാകോടിസേവിതായൈ നമ)

2011-11-11T08:00:00.000-08:00

1, കടാക്ഷംകൊണ്ട് കിങ്കരികളായിത്തീന്‍ന്ന കോടി കമലകളാല്‍ സേവിയ്ക്കപ്പെടുന്നവള്‍. ഭഗവതിയുടെ കടാക്ഷം കൊണ്ടാണല്ലോ അനേകകോടിബ്രഹ്മാണ്ഡങ്ങളിലെ ലക്ഷ്മീഭഗവതിമാരുണ്ടാകുന്നത്.
2, കടാക്ഷകിങ്കരീഭൂതകമലാകോടിസേവിതന്മാരോടു കൂടിയവള്‍. ഭഗവതിയുടെ കടാക്ഷം ഉണ്ടെങ്കില്‍ കോടിലക്ഷീഭഗവതിമാര്‍ സേവിയ്ക്കുന്നതുപോലെ ഐശ്വര്യം ഉള്ളവരായിത്തീരും ഭക്തന്മാര്‍

591, കാമകോടികാ (കാമകോടികായൈ നമഃ)

2011-11-10T08:00:00.000-08:00

1, കാമേശ്വരനായ പരമശിവന്‍‍ കോടീരദേശത്തുള്ളവള്‍. കോടീരം കിരീടം. പ്രകൃതിയുടെ കിരീടഭാഗത്ത് ശിവനാണല്ലോ.

590, ത്രികൂടാ (ത്രികൂടായൈ നമഃ)

2011-11-09T08:00:00.000-08:00

1, ശക്തികൂടം മുതലായി മൂന്നു കൂടങ്ങളാണ് ശ്രീവിദ്യാമന്ത്രത്തിന്. ശക്തികൂടൈകതാപന്നകട്യധോഭാഗധാരിണീ എന്നെല്ലാം ഉണ്ടല്ലോ. ആവിധത്തിലുള്ള മന്ത്രസ്വരൂപയായ ഭഗവതി
2, ത്രിമൂര്‍ത്തികള്‍, ത്രിഭവനങ്ങള്‍ എന്നു തുടങ്ങി മൂന്നുകൊണ്ട് പറയപ്പെടുന്ന എല്ലാതിന്‍റേയും കൂടം. കൂടത്തിന് വിട് എന്നൊരു അര്‍ത്ഥം ഉണ്ട്.

589, ശ്രീഷോഡശാക്ഷരീവിദ്യാ (ശ്രീഷോഡശാക്ഷരീവിദ്യായൈ നമഃ)

2011-11-08T08:00:00.000-08:00

1, ഷോഡശ അക്ഷരങ്ങളുള്ളവിദ്യാ. പതിനാറ് അക്ഷരങ്ങളുള്ള മന്ത്രം. ശ്രീവിദ്യാമന്ത്രം പതിനാറ് അക്ഷരമായിട്ടും നടപ്പുണ്ട്.ആമന്ത്രസ്വരൂപതന്നെ ആണല്ലോ ഭഗവതി.

588, കാമസേവിതാ (കാമസേവിതായൈ നമഃ)

2011-11-07T08:00:00.000-08:00

1, കാമനാല്‍ സേവിയ്ക്കപ്പെടുന്നവള്‍.
2, കാമന്‍ എന്നതിന് ശിവന്‍ എന്നര്‍ത്ഥമുണ്ട്. ശിവനാല്‍ സേവിയ്ക്കപ്പടുന്നവള്‍
3, കാമനെ ജീവിപ്പിച്ചവള്‍ എന്നും അര്‍ത്ഥമാകാം.

587, ശ്രീവിദ്യാ (ശ്രീവിദ്യായൈ നമഃ)

2011-11-06T08:00:00.000-08:00

1, പഞ്ചദശീ എന്ന മന്ത്രരൂപയായ ശ്രീവിദ്യാ.
2, ശ്രീമത്തായിരിയ്ക്കുന്ന വിദ്യകള്‍.. ആന്വിക്ഷികീ ത്രയീ വിദ്യാ തുടങ്ങിപ്പറയുന്ന എല്ലാ വിദ്യകളും

586, മഹാവിദ്യാ (മഹാവിദ്യായൈ നമഃ)

2011-11-05T08:00:00.000-07:00

1, മഹത്തായിരിയ്ക്കുന്ന വിദ്യ. ഏറ്റവും ഉന്നതയായ വിദ്യ ഭഗവതി തന്നെ ആണല്ലോ.
2, വിദ്യാ എന്നാല്‍ മന്ത്രം എന്നര്‍ത്ഥം വരാം. ബാക്കിയുള്ള മന്ത്രങ്ങളിവെച്ച് ശ്രഷ്ഠമായത് എന്നും അര്‍ത്ഥമാകാം. ഭഗവതിയുടെ മന്ത്രം തന്നെ ആണ് ഭഗവതി.

585, ആത്മവിദ്യാ (ആത്മവിദ്യായൈ നമഃ)

2011-11-04T08:00:00.000-07:00

1, ആത്മജാഞാനം ഉണ്ടാക്കുന്നതിനാല്‍ ആത്മവിദ്യാ.
2, ആത്മാഷ്ടാക്ഷരം എന്ന മന്ത്രത്തിന്‍റെ സ്വരൂപമായതിനാല്‍ ആത്മവിദ്യാ.

584, മഹാസാമ്രാജ്യശാലിനീ (മഹാസാമ്രാജ്യശാലിന്യൈ നമഃ)

2011-11-03T08:00:00.000-07:00

1, മഹസമ്രാജ്യം ഉള്ളവള്‍. ഭഗവതിയുടെ സാമ്രാജ്യമാണല്ലോ ഈ പ്രപഞ്ചം മുഴുവന്‍.
2, മഹാസാമ്രാജ്യം കൈലാസമാണെന്നു കാണുന്നു. അതിന്‍റെ നാഥയും ഭഗവതിതന്നെ ആണല്ലോ

583, ദയാമൂര്‍ത്തിഃ (ദയാമൂര്‍ത്ത്യൈ നമഃ)

2011-11-02T08:00:00.000-07:00

1, ദയാ മൂര്‍ത്തിയായിട്ടുള്ളവള്‍. മൂര്‍ത്തി - രൂപം. ദയ ഭഗവതിയുടെ രൂപം തന്നെ ആണല്ലോ.

582,മഹനീയാ (മഹനീയായൈ നമഃ)

2011-11-01T08:00:00.000-07:00

1 പൂജനീയാ. മഹ് ധതുവിന് പൂജ എന്നര്‍ത്ഥം ഉണ്ട്. ഭഗവതിയാണല്ലോ ഏറ്റവും പൂജനീയയായിട്ടുള്ളത്.

581, മൃണാളമൃദുദോര്‍ല്ലതാ (മൃണാളമൃദുദോര്‍ല്ലതായൈ നമഃ)

2011-10-28T08:00:00.000-07:00

1, മൃണാളം പോലെ മൃദുവായിരിയ്ക്കുന്ന ദോര്‍ല്ലതയോടു കൂടിയവള്‍. മൃണാളം - താമരനൂല്‍. ദോര്‍ല്ലതാ - ദോസ്സുകളാകുന്ന ലതാ. ദോസ്സുകള്‍ കൈകള്‍ ലതാ - വള്ളീ. താമരനൂല്‍ പോലെ മൃദുവായി വള്ളികള്‍പോലെ ഉള്ള കൈകളാണ് ഭഗവതിയ്ക്ക്

580, മഹാകൈലാസനിലയാ (മഹാകൈലാസനിലയായൈ നമഃ)

2011-10-27T08:00:00.000-07:00

1, കൈലാസത്തിനും പരമായി പരശിവവാസ്ഥാനമായ മഹാകൈലാസത്തില്‍ നിലയനം ചെയ്യുന്നവള്‍. നിലയനംചെയ്യുക - വസിയ്ക്കുക.
2, കുബേരന്‍റെ വാസസ്ഥാനം കൈലാസമാണെന്നുണ്ട്. ധനാധിപായ വൈശ്രവണന്‍റെ ഗൃഗത്തില്‍ ഉള്ളത് ഐശ്വര്യദേവതയായ ഭഗവതിതന്നെ ആണല്ലോ.

579, മാതൃകാവര്‍ണ്ണരൂപിണീ (മാതൃകാവര്‍ണ്ണരൂപിണ്യൈ നമഃ)

2011-10-26T08:00:00.000-07:00

1, മാതൃകയുടെ വര്‍ണ്ണം രൂപമായിട്ടുള്ളവള്‍. മാതൃകാ - അക്ഷരമാലാ. വര്‍ണ്ണം - നിറം. അക്ഷരങ്ങള്‍ക്ക് ഇന്ന നിറം എന്ന് ശാസ്ത്രങ്ങളില്‍ പ്രസ്താവനയുണ്ട്. ആ നിറം തന്നെ ആണ് ഭഗവതിയുടെ രൂപം എന്നു പറയുന്നു.
2, മാതൃകകള്‍ക്ക് വര്‍ണം രൂപണം ചെയ്യുന്നവള്‍ എന്നും അര്‍ത്ഥമാകാം. ലിപികള്‍ക്ക് ഇന്ന നിറം എന്ന് നിരൂപണം ചെയ്തത് ഭഗവതിതന്നെ ആണ്. അതു കൊണ്ടാണല്ലോ ദേവീസൃഷ്ടമായ ശബ്ദത്തില്‍ നിന്നുണ്ടായ പ്രപഞ്ചത്തിന് നിറഭേദം ഉണ്ടായിത്തീര്‍ന്നത്.
3, മാതൃകാ എന്നും വര്‍ണ്ണരൂപിണീ എന്നും രണ്ടു ശബ്ദമായിട്ടും കാണുന്നു. ഗണപതിമുതലായവരുടെ അമ്മയായതുകൊണ്ട് മാതൃകാ. നിറമുള്ളവറ്‍ എന്നോ, ചാതുര്‍വര്‍ണ്ണ്യം രൂപണം ചെയ്തവള്‍ എന്നോ എല്ലാം വര്‍ണ്ണരൂപിണീ എന്നോ വര്‍ണ്ണരൂപിണീ എന്നതിന് അര്‍ത്ഥം വരാം.

578, മത്താ (മത്തായൈ നമഃ)

2011-10-25T08:00:00.000-07:00

1, മാധ്വീപനം കൊണ്ട് മത്തു പിടിച്ചവള്‍. പ്രകൃതി എപ്പോഴും മദോന്മത്തയേപ്പോലെ ആണല്ലോ.
2, താനുണ്ടെന്ന ഭാവം . പരശിവന് താനുണ്ടെന്ന് തോന്നുന്നത് തന്നെ ശക്തിയുടെ ഉണ്മയുണ്ടാവുംപോഴാണല്ലോ

577, മാധ്വീപാനാലസാ (മാധ്വീപാനാലസായൈ നമഃ)

2011-10-23T18:55:00.000-07:00

1, മാധ്വീപാനം കൊണ്ട് ആലസാ. മദ്യസേവകൊണ്ട് ആലസ്യം വന്നവള്‍. അമൃതവും മദ്യവും ഉണ്ട്. അമൃതം കഴിച്ചവര്‍ക്ക് സദാ ഉല്ലാസവും. മദ്യംകഴിച്ചവര്‍ക്ക് താല്‍ക്കാലികമായി ഉല്ലാസവും, പിന്നെ അലസതയും വരും. അതായത് മദ്യത്തിന്‍റെ ലഹരി നിലനില്‍ക്കില്ല. എന്നര്‍ത്ഥം. വന്നു പോകുന്നതാണ്. ഫലത്തില്‍ വന്നു പോകുന്ന അനുഭവങ്ങള്‍ എല്ലാം മദ്യത്തിന്‍റെ ഫലമായുണ്ടാവുന്നവയാണ്. ആഗമാപായിനോfനിത്യാഃ എന്ന ഭഗവാന്‍ പറഞ്ഞ ആഗമാപായികളെല്ലാം മദ്യങ്ങളാണ്. ജീവസ്വരൂപത്തിലുള്ള ഭഗവതി ഈമദ്യംകൊണ്ട് ആലസ്യം വന്നവളാണ്.

576, പ്രജ്ഞാനഘനരൂപിണീ (പ്രജ്ഞാനഘനരൂപിണ്യൈ നമഃ)

2011-10-22T08:00:00.000-07:00

1, പ്രകര്‍ഷേണ ഉള്ള ജ്ഞാനം ഘനരൂപത്തിലാകുംപോള്‍ ഉള്ളരൂപം ഉള്ളവള്‍. അശേഷം അവിദ്യാസംബന്ധമില്ലാത്തവള്‍ ആണല്ലോ ഭഗവതി. ജ്ഞാനത്തിന് ഏവിടേയെങ്കിലും വിള്ളല്‍ പോലും ഇല്ല. പിന്നെ എങ്ങിനെ അവിദ്യവരാനാണ്.
2, പ്രജ്ഞാനം ബ്രഹ്മ എന്നുണ്ട്. ബ്രഹ്മാവസ്ഥയില്‍ നിന്ന് അശേഷം വ്യതിചലിയ്ക്കാത്ത രൂപമുള്ളവള്‍ എന്നും ആകാം.

575, പരാനിഷ്ഠാ. (പരായൈ നിഷ്ഠായൈ നമഃ)

2011-10-21T08:00:00.000-07:00

1, ഏറ്റവും അവസാനം ആയിട്ടുള്ളവള്‍. എല്ലാ വസ്തുക്കളുടേയും അവസാനം ഭഗവതിയാണല്ലോ
2, വളരെ അധികം താല്‍പ്പര്യമുള്ളവള്‍. ങക്തന്മാരോട് വളരെ അധികം താല്‍പ്പര്യമുള്ളവളാണല്ലോ ഭഗവതി
3, വളരെ അധികം ഉറപ്പുള്ളവള്‍.

574, പരാശക്തിഃ (പരായൈ ശക്ത്യൈ നമഃ)

2011-10-20T08:00:00.000-07:00

1, പ്രധാനയായ ശക്തി. ജഗദ്കാരണമായ ശക്തി തന്നെ ആണല്ലോ പ്രധാനശക്തി. അത് ഭഗവതിയല്ലാതെ ആരാണ്?
2, ദേഹത്തില്‍ ഒംപതുധാതുക്കള്‍ ഉണ്ടെന്നു കാണുന്നു. ത്വക്ക്, അസൃക്ക്, മാംസം, മേദസ്സ്, അസ്ഥി, മജ്ജ, ശുക്ലം, പ്രാണന്‍ , ബീജം എന്നിവയാണവ. പത്താമത്തെ ധാതു പരാശക്തിതന്നെ ആണത്രി.

573, മഹാപ്രളയസാക്ഷിണീ (മഹാപ്രളയസാക്ഷിണ്യൈ നമഃ)

2011-10-18T08:00:00.000-07:00

1, മഹാപ്രളയത്തിന് സാക്ഷിണിയായിട്ടുള്ളവള്‍. എല്ലാം ഇല്ലാതാകുന്ന മഹാപ്രളയകാലത്തുപോലും അതിനുസാക്ഷിണി ആണല്ലോ ഭഗവതി.
2, മഹാപ്രളയകാലത്ത് പരശിവന്‍റെ താണ്ഡവത്തിന് സാക്ഷിണിയായി കണ്ടുനില്‍ക്കുന്നവള്‍

572, മൈത്ര്യാദിവാസനാലഭ്യാ (മൈത്ര്യാദിവാസനാലഭ്യായൈ നമഃ)

2011-10-17T09:29:00.000-07:00

1, മൈത്ര്യാദികളായിരിയ്ക്കുന്ന വാസനകളാല്‍ ലഭിയ്ക്കപ്പെടാവുന്നവള്‍. സുഖികളില്‍ മൈത്രിയും, ദുഃഖികളില്‍ കരുണയും, പുണ്യവാന്മാരില്‍ സന്തോഷവും, പാപികളില്‍ ഉപേക്ഷയും മനശ്ശുദ്ധിയ്ക്കു നല്ലതാണെന്നു കാണുന്നു. യോഗം അഭ്യസിയ്ക്കുന്നവര്‍ ഈ വാസനകള്‍ പരിശീലിയ്ക്കുന്നത് ഭഗവതിയുടെ സന്തോഷത്തിനു പാത്രരാകുകയും ഭഗവതിയുടെ അനുഭവം വേഗം ഉണ്ടാവുകയും ചെയ്യും

571, നിഖിലേശ്വരീ (നിഖിലേശ്വര്യൈ നമഃ)

2011-10-16T08:00:00.000-07:00

1, നിഖിലന്മാരുടേയും ഈശ്വരി. എല്ലാവരുടേയും ഈശ്വരി.
2, നിഖിലത്തിന്‍റേയും ഈശ്വരി. സര്‍വ്വപ്രപഞ്ചത്തിന്‍റേയും ഈശ്വരി.

570, നിയന്ത്രീ (നിയന്ത്ര്യൈ നമഃ)

2011-10-15T08:00:00.000-07:00

1, നിയന്ത്രണം ചെയ്യുന്നവള്‍. പ്രപഞ്ചത്തെമുഴുവന്‍ നിയന്ത്രിയ്ക്കുന്നത് ഭഗവതിയാണല്ലോ.
2, മാര്‍ദര്‍ശനം ചെയ്യുന്നവള്‍. ഭഗവതിയാണല്ലോ ഏറ്റവും നല്ല മാര്‍ഗ്ഗദര്‍ശി

569, ഭക്തനിധിഃ (ഭക്തനിധയേ നമഃ)

2011-10-14T08:00:00.000-07:00

1, ഭക്തന്മാരുടെ നിധി. ഭക്തന്മാര്‍ക്ക് എല്ലാകാര്യങ്ങളും സാധിച്ചുകൊടുക്കാനുള്ള സന്പത്തുള്ള നിധിതന്നെ ആണല്ലോ ഭഗവതി.
2, അനവധിഭക്തന്മാര്‍ ആശ്രയിച്ചിരിയ്ക്കുന്ന സ്ഥലമായതിനാല്‍ ഭക്തനിധി

568, നിത്യതൃപ്താ (നിത്യതൃപ്തായൈ നമഃ)

2011-10-13T08:36:00.000-07:00

1, നിത്യം - സര്‍വ്വകാലം, തൃപ്താ - സന്തുഷ്ടാ. ഭഗവതി എല്ലാകാലത്തും സന്തുഷ്ടയാണല്ലോ.

567, മിത്രരൂപിണീ (മിത്രരൂപിണ്യൈ നമഃ)

2011-10-12T08:00:00.000-07:00

1, സൂര്യരൂപത്തിലുള്ളവള്‍ . ഭഗവതിതന്നെ ആണല്ലോ ലോകസാക്ഷിയായ സൂര്യന്‍റെ രൂപത്തിലുള്ളതും
2, മിത്രശശബ്ദത്തിന് സുഹൃത്ത് എന്നൊരു അര്‍ത്ഥം. സുഹൃദ്രൂപത്തിള്ളവള്‍. ഭഗവതിയേക്കാള്‍ നല്ല സുഹൃത്ത് ആരുണ്ട്.

566, മൃഡാനീ (മൃഡാന്യൈ നമഃ)

2011-10-09T08:00:00.000-07:00

1, മൃഡ് ധാതുവിന് സന്തോഷിപ്പിയ്ക്കുക എന്നാണര്‍ത്ഥം. ഭക്തന്മാരെ വരദാനംകൊണ്ട് സന്തോഷിപ്പിയ്ക്കുന്നവനാണല്ലോ ശിവന്‍ . ശിവന്‍റെ പത്നി എന്ന അര്‍ത്ഥത്തില്‍ മൃഡാനീ

565, മുഖ്യാ (മുഖ്യായൈ നമഃ)

2011-10-08T08:00:00.000-07:00

1, പ്രധാനപ്പെട്ടവള്‍.
2, എല്ലാ വസ്തുക്കളുടേയും മുഖഭാഗത്തുള്ലവള്‍
3, ആദ്യമുണ്ടായവള്‍.

564, മോഹിനീ (മോഹിന്യൈ നമഃ)

2011-10-07T08:00:00.000-07:00

1, മോഹിപ്പിയ്ക്കുന്നവള്‍., ബോധം കെടുത്തുന്നവള്‍. യാഥാര്‍ത്ഥ്യബോധം ഇല്ലാതെ ആകുന്നതുകൊണ്ടാണല്ലോ സംസാരത്തില്‍ പോടുന്നത്.
2, അമൃതമഥനകാലത്ത് അസുരന്മാരെ മോഹിപ്പിയ്ക്കാന്‍ വിഷ്ണുഭഗവാന്‍ മോഹിനീ അവതാരം എടുത്തു എന്ന് പ്രസിദ്ധമാണല്ലോ. ഭഗവതിയുടെ തന്നെ അംശമാണല്ലോ ത്രിമൂര്‍ത്തികളില്‍ പെട്ട വിഷ്ണുവും
.

563, മൃഗാക്ഷീ (മൃഗാക്ഷ്യൈ നമഃ)

2011-10-03T08:00:00.000-07:00

1, മൃഗത്തിനേപ്പോലുള്ള അക്ഷികളുള്ളവള്‍. മൃഗം മാന്‍.
2, മൃഗത്തില്‍ അക്ഷിയുള്ളവള്‍. മൃഗം - മൃഗപ്രായനായ മനുഷ്യന്‍ . മൃപ്രയരായവരെക്കൂടെ ഭഗവതിയ്ക്ക് ശ്രദ്ധിയ്ക്കാതിരിയ്ക്കാന്‍ കഴിയില്ല്ലോ.
3, മൃഗ് ധാതുവിന് അന്വേഷണം എന്നൊരു അര്‍ത്ഥം. എപ്പോഴും അന്വേഷിച്ചുകൊണ്ടിരിയ്ക്കുന്ന കണ്ണുകളാണ് ഭഗവതിയ്ക്ക്. എന്താണ് മക്കള്‍ അടുത്തേയ്ക്ക് വരാത്തത് എന്ന ആകാംക്ഷയാല്‍ എപ്പോഴും തിരഞ്ഞുകൊണ്ടിരിയ്ക്കുന്ന കണ്ണുകളാണല്ലോ അമ്മയുടേത്

562, ദാഡിമീകുസുമപ്രഭാ (ദാഡിമീകുസുമപ്രഭായൈ നമഃ)

2011-10-02T08:00:00.000-07:00

1, ദാഡിമീകുസുമത്തിന്‍റെ പ്രഭപോലുള്ള പ്രഭയോടുകൂടിയവള്‍. ദാഡിമീകുസുമം കായയുണ്ടാവത്താ ഒരു തരം വൃക്ഷത്തിന്‍റെ പൂവ്വ്. (ചുവന്നതാണെന്നു തോന്നുന്നു. ചെമ്മരം എന്നു കാണുന്നു.)

561, താംബൂലപൂരിതമുഖീ (താംബൂലപൂരിതമുഖ്യൈ നമഃ)

2011-10-01T08:00:00.000-07:00

1, താംബൂലം കൊണ്ട് പൂരിതമായിരിയ്ക്കുന്ന മുഖത്തോടുകൂടിയവള്‍. മുഖം എന്നതിന് വായ എന്ന് അര്‍ത്ഥം ധരിയ്ക്കണം. താംബൂലം വെറ്റില.

560, കമലാക്ഷനിഷേവിതാ (കമലാക്ഷനിഷേവിതായൈ നമഃ)

2011-09-29T20:01:00.000-07:00

1, കമലാക്ഷനാല്‍ നിഷേവിതാ. കമലാക്ഷന്‍ - വിഷ്ണു. നിഷേവിതാ - നിതരാം സേവിതാ. വിഷ്ണുഭഗവാന്‍ ഭഗവതിയെ സേവിയ്ക്കുന്നവനാണല്ലോ.

559, കാലഹന്ത്രീ (കാലഹന്ത്ര്യൈ നമഃ)

2011-09-29T08:00:00.000-07:00

1, കാലനെ ഹനിയ്ക്കുന്നവള്‍ . മോക്ഷതരുന്നത് ഭഗവതിയാണല്ലോ.
2, കാലനെ ഹനിച്ചവന്‍റെ ഭാര്യ. പരമശിവന്‍ കലഹന്താവാണല്ലോ
3, കാലത്തെ ഇല്ലാതാക്കുന്നവള്‍. ആത്യന്തകപ്രളയത്തില്‍ കാലപോലും ഇല്ലാതാവുമത്രേ

558, കാത്യായനീ (കാത്യായന്യൈ നമഃ)

2011-09-28T08:00:00.000-07:00

1, കതന്‍ എന്ന ഋഷിയുടെ പുത്രി എന്ന അര്‍ത്ഥത്തില്‍ കാത്യാനീ
2, എല്ലാദേവതകളുടേയും ചൈതന്യം സ്വീകരിച്ച ഭഗവതിയെ പുരാണങ്ങള്‍ കാത്യായനീ എന്നു പറയുന്നു.

557, കലികന്മഷനാശിനീ (കലികന്മഷനാശിന്യൈ നമഃ)

2011-09-27T08:00:00.000-07:00

1, കലിയുടെ കന്മഷത്തെ നശിപ്പിയ്ക്കുന്നവള്‍.. കലിയുദത്തില്‍ പാപങ്ങള്‍ അധികമുണ്ടാവും. അതിനെ ഇല്ലാതാക്കാന്‍കഴിയില്ല. അങ്ങിനെ ഉള്ളപ്പോഴും സര്‍വ്വശക്തയായ ഭഗവതി കലിയുഗത്തിലെ ദോഷങ്ങള്‍ തീര്‍ക്കുന്നു.

556, അചിന്ത്യരൂപാ (അചിന്ത്യരൂപായൈ നമഃ)

2011-09-26T08:00:00.000-07:00

1, അചിന്ത്യമായ രൂപമുള്ളവള്‍. ഭഗവതിയുടെ രൂപത്തെ കുറിച്ച് ചിന്തിയ്ക്കാന്‍ പറ്റുന്നവരാരുണ്ട്.
2, അചിന്ത്യന്‍ എന്നതിന് ശിവന്‍ എന്നര്‍ത്ഥം വരാം. ശിവന്‍റെ രൂപമുള്ളവള്‍.
3, അചിന്ത്യത്തിന് ബ്രഹ്മം എന്നും അര്‍ത്ഥമുണ്ട്. ബ്രഹ്മസ്വരൂപാ
4, രൂപത്തിന് സ്വഭാവം എന്നൊരു അര്‍ത്ഥം. ഭഗവതിയുടെ സ്വഭാവം ആര്‍ക്കാണ് അറിയുന്നത്

555, അഗ്രഗണ്യാ (അഗ്രഗണ്യായൈ നമഃ)

2011-09-25T08:00:00.000-07:00

1, എല്ലാകാര്യത്തിലും അഗ്രഗണ്യാ. അഗ്രഗണ്യാ - ആദ്യപരിഗണിയ്ക്കപ്പെടേണ്ടവള്‍.
2, അഗ്രത്തില്‍ ഗണിയ്ക്കപ്പെടേണ്ടവള്‍. മുന്നില്‍ നില്‍ക്കേണ്ടവള്‍. വഴികാട്ടി
3, ആദ്യ കണസംബന്ധിയായവള്‍. ഗണം എന്നതിന് കണം എന്നര്‍ത്ഥം. കാണുന്നു. പ്രപഞ്ചത്തിന്‍റെ ആദ്യകണം തന്നെ ഭഗവതിയുമായി ബന്ധപ്പെട്ടതാണല്ലോ.

554, സര്‍വ്വമൃത്യുനിവാരിണീ (സര്‍വ്വമൃത്യുനിവാരിണ്യൈ നമഃ)

2011-09-24T08:00:00.000-07:00

1, എല്ലാവിധത്തിലുള്ള മരണങ്ങളും നിവാരണം ചെയ്യുന്നവള്‍. അമ‍ൃതസ്വരൂപയായ ഭഗവതിയുടെ മുന്നില്‍ മരണത്തിന് നില്‍ക്കാന്‍ പറ്റുമോ?
2, സര്‍വ്വരുടേയും മൃത്യുവിനെ ഇല്ലാതാക്കുന്നവള്‍. പ്രളകാലത്ത് എല്ലാം തന്നിലൊതുക്കുന്നസമയത്ത് എല്ലാവരുടേയും മൃത്യു ഭഗവതി ഇല്ലാതാക്കുകയാണല്ലോ.

553, സര്‍വ്വവ്യാധിപ്രശമനീ (സര്‍വ്വവ്യാധിപ്രശമന്യൈ നമഃ)

2011-09-23T08:00:00.000-07:00

1, എല്ലാ വ്യാധികളും പ്രശമിപ്പിയ്ക്കുന്നവള്‍. ഭിഷക്തമനാണല്ലോ ശ്രീപരമേശ്വരന്‍. അതിന്‍റെ സ്വാധീനം ഭഗവതിയ്ക്കില്ലാതിരിയ്ക്കില്ലല്ലോ
2, സര്‍വ്വരുടേയും വ്യാധികള്‍ ശമിപ്പിയ്ക്കുന്നവള്‍. പ്രപഞ്ചത്തിലുള്ളവര്‍ക്കെല്ലാം സംസാരവ്യാധികള്‍ തീര്‍ത്തുകൊടുക്കുന്നത് ഭഗവതി തന്നെ ആണല്ലോ

552, വിയദാദിജഗത്പ്രസൂഃ (വിയദാദിജഗത്പ്രസ്വേ നമഃ)

2011-09-22T08:00:00.000-07:00

1, വിയത് ആദിയായുള്ള ജഗത്തിനെ പ്രസവിയ്ക്കുന്നവള്‍. ആകാശം തുടങ്ങി പ്രപഞ്ചത്തെ മുഴുവന്‍ സൃഷ്ടിയ്ക്കുന്നവള്‍. ലോകമാതാ.

551, വിദ്യാ (വിദ്യായൈ നമഃ)

2011-09-21T08:00:00.000-07:00

1, ബ്രഹ്മജ്ഞാനം ഉണ്ടാക്കിത്തരുന്ന വിദ്യാസ്വരൂപിണിയായതുകൊണ്ട് വിദ്യാ
2, മായയുടെ പ്രതിദ്വന്ദമായ വിദ്യാ. മായയും വിദ്യും പ്രകൃതിയുടെ സൃഷ്ടികള്‍ തന്നെ ആണല്ലോ
3, വേദം മുതലായ എല്ലാതരത്തിലുള്ളവിദ്യകളും ഭഗവതിതന്നെ ആണല്ലോ

550, വിമര്‍ശരൂപിണീ (വിമര്‍ശരൂപിണ്യൈ നമഃ)

2011-09-20T08:00:00.000-07:00

1, വിമര്‍ശം രൂപമായിട്ടുള്ളവള്‍. വിമര്‍ശം - പ്രകാശസ്വരൂപമായിരിയ്ക്കുന്ന ബ്രഹ്മത്തിന്‍റെ ബഹിസ്ഫുരണത്തെ വിമര്‍ശം എന്നു പറയുന്നു. അതായത് ശക്തന്‍റെ ശക്തിയാണ് വിമര്‍ശം എന്നര്‍ത്ഥം. ഈ വിമര്‍ശമാണ് അഥവാ ശക്തിയാണ് പ്രപഞ്ചം സൃഷ്ചി.്ക്കുന്നത്.
2, വിമര്‍ശത്തിന് ആലോചന എന്നൊരര്‍ത്ഥം. ആലോചനതന്നെ ആണല്ലോ സങ്കല്‍പം. പരമേശ്വരന്‍റെ സങ്കല്‍പ്പമാണ് ഈ പ്രപഞ്ചസ്വരൂപയായിരിയ്ക്കുന്ന ഭഗവതി.

549, ബര്‍ബ്ബരാളകാ. (ബര്‍ബ്ബരാളകായൈ നമഃ)

2011-09-19T08:00:00.000-07:00

1, തലയക്കുവണ്ണം കുറഞ്ഞ ചെറിയ അളകങ്ങളുള്ളവള്‍
2, ബന്ധുരാളകാ എന്നും പാഠഭേദം ഉണ്ട്. ബന്ധുരത്തിന് മനോഹരം എന്നര്‍ത്ഥം

548, ബന്ധമോചിനീ (ബന്ധമോചിന്യൈ നമഃ)

2011-09-18T08:00:00.000-07:00

1, സംസാരബന്ധത്തെ മോചിപ്പിയ്ക്കുന്നവള്‍
2, അനിരുദ്ധനെ ബാണബന്ധനത്തില്‍ നിന്ന് രക്ഷിയ്ക്കാനും ഭഗവതിയുടെ പ്രസാദം കാരണമായിട്ടുണ്ട്.
3, കാലകേതു എന്നൊരസുരനാല്‍ തടവിലാക്കപ്പെട്ട് ഏകാവലീ എന്ന കന്യകയെ അവളുടെ സഖിയായ യശോവലീ ഭഗവതിയുടെ പ്രസാദത്താല്‍ മോചിപ്പിച്ച കഥയും ഉണ്ട്. അതിനാലും ബന്ധമോചിനീ

547, പുലോമജാര്‍ച്ചിതാ (പുലോമജാര്‍ച്ചിതായൈ നമഃ)

2011-09-17T08:00:00.000-07:00

1, പുലോമപുത്രിയായ ഇന്ദ്രാണിയാല്‍ അര്‍ച്ചിയ്ക്കപ്പെടുന്നവള്‍.

546, പുണ്യശ്രവണകീര്‍ത്തനാ (പുണ്യശ്രവണകീര്‍ത്തനായൈ നമഃ)

2011-09-16T08:00:00.000-07:00

1, പുണ്യമാണ് ശ്രവണകീര്‍ത്തനങ്ങള്‍ യാതൊരുവളുടെ. അവള്‍. ഭഗവതിയുടെ ശ്രവണകീര്‍ത്തനങ്ങള്‍ പുണ്യമാണല്ലോ.
2, ശ്രവണകീര്‍ത്തനത്തിന്‍റെ പുണ്യത്തോടുകൂടിയവള്‍. ശ്രവണം - വേദം. വേദംചൊല്ലുന്നതിന്‍റെ പുണ്യം ഭഗവതീപ്രസാദം തന്നെ ആണല്ലോ.

545, പുണ്യലഭ്യാ (പുണ്യലഭ്യായൈ നമഃ)

2011-09-15T08:00:00.000-07:00

1, പുണ്യം ഉണ്ടായാല്‍ മാത്രം ലഭിയ്ക്കുന്നവള്‍. ഭഗവതിയുടെ നാമം ജപിയ്ക്കാനോ, അനുഗ്രഹം ലഭിയ്ക്കാനോ മറ്റോ ഉള്ള ഭാഗ്യം പുണ്യം ഉണ്ടായാലേ ലഭിയ്ക്കുകയുള്ളൂ.

2, പുണ്യത്തിന് പരിശുദ്ധം എന്നൊരര്‍ത്ഥം, ലഭ്യത്തിന് ന്യായം എന്നും അര്‍ത്ഥം. പരിശുദ്ധമായ ന്യായം. ഭഗവതിതന്നെ അല്ലേ ന്യായങ്ങളില്‍ പരിശുദ്ധമായിട്ടുള്ളത്

544, പുണ്യകീര്‍ത്തിഃ (പുണ്യകീര്‍ത്യൈ നമഃ)

2011-09-14T08:00:00.000-07:00

1, പുണ്യമായ കീര്‍ത്തിയുള്ളവള്‍. ഭഗവതിയുടെ കീര്‍ത്തി കേള്‍ക്കുന്നതുതന്നെ പുണ്യം ഉണ്ടാക്കുന്നതാണല്ലോ.

543, അനുത്തമാ. (അനുത്തമായൈ നമഃ)

2011-09-12T08:00:00.000-07:00

1, ഉത്തമയായിട്ട് മറ്റൊരാളില്ലാത്തതിനാല്‍ അനുത്തമാ.
2, ഉത്തമമല്ലാത്തത് അതായത് നീചം എന്നും അര്‍ത്ഥമുണ്ട്. അത്യന്തവിപരീതഗുണങ്ങള്‍ ഉള്‍ക്കൊള്ളാന്‍ ഭഗവതിയ്ക്കല്ലേ കഴിയൂ?

542, സ്മൃതിഃ (സ്മൃത്യൈ നമഃ)

2011-09-11T08:00:00.000-07:00

1, മനുസ്മൃതിമുതലായ ഗ്രന്ഥങ്ങള്‍. എല്ലാ വിദ്യകളും ഭഗവതിയായ സ്ഥിതിയ്ക്ക് സ്മൃതികളും
അങ്ങിനെ തന്നെ ആവണമല്ലോ.
2, ബുദ്ധിയുടെ വകഭേദമായ ഓര്‍മ്മ. ഭഗവതിയുടെ രൂപം തന്നെ ആണല്ലോ ബുദ്ധിയുടെ എല്ലാ
വകഭേദങ്ങളും.

541, ശ്രുതിഃ (ശ്രുത്യൈ നമഃ)

2011-09-10T08:00:00.000-07:00

1, വേദം.ഭഗവതിയും വേദവും രണ്ടല്ലല്ലോ.
2, ചെവി, കേള്‍വി, ശബ്ദം, എന്നെല്ലാം അര്‍ത്ഥം ഉണ്ട്. കേള്‍ക്കുന്നവന്‍ കേള്‍വി വിഷയം എന്നീ മൂന്നും ഭഗവതിന്നെ.

540,മേധാ (മേധായൈ നമഃ)

2011-09-09T08:00:00.000-07:00

1 ബുദ്ധിയുടെ ഒരു രൂപം. ഭഗവതിയുടെ രൂപം തന്നെ ആണല്ലോ ബുദ്ധിയുടെ എല്ലാ വകഭേദങ്ങളും.
2, മേധാശബ്ദത്തിന് യാഗം എന്നൊരു അര്‍ത്ഥം.യാഗസ്വരൂപയാണല്ലോ ഭഗവതി

539, മതിഃ (മത്യൈ നമഃ)

2011-09-08T08:00:00.000-07:00

1, ബുദ്ധി, പ്രപഞ്ചം തന്നെ ഭഗവതിയുടെ ബോധമാണല്ലോ
2, അമതിഃ എന്നു പദം മുറിയ്ക്കാം അപ്പോള്‍. ബോധമില്ലായ എന്നോ മായ എന്നോ എല്ലാം അര്‍ത്ഥം ആകാം. 1, പിതൃസമര്‍പ്പണത്തിന് ഉപയോഗിയ്ക്കുന്ന ശബ്ദം.
2, സുഷ്ഠുവാകും വണ്ണം വിഷ്ണുവിനെ (അം) ദധാതി വേണ്ടപോലെ വിഷ്ണുവിനെ ധരിയ്ക്കുന്നവള്‍.
3 സ്വജനങ്ങളെ (സ്വാന്‍) ധരിയ്ക്കുന്നവള്‍ എന്നും ആകാം.
4, സ്വന്തം പങ്ക് എന്നൊരര്‍ത്ഥമുണ്ട് സ്വധാ എന്നതിന്. പ്രപഞ്ചത്തില്‍ ഭഗവതിയുടേതല്ലാത്ത ഏതുപങ്കാണുള്ളത്
5, സ്വേച്ഛാ എന്നും ഒരര്‍ത്ഥം. ഭഗവതിയുടെസ്വേച്ഛാസ്വരൂപം തന്നെ ആണല്ലോ പ്രപഞ്ചസ്വരൂപമായ ഭഗവതിരൂപം.

538,സ്വധാ (സ്വധായൈ നമഃ)

2011-09-07T08:00:00.000-07:00

1, പിതൃസമര്‍പ്പണത്തിന് ഉപയോഗിയ്ക്കുന്ന ശബ്ദം.
2, സുഷ്ഠുവാകും വണ്ണം വിഷ്ണുവിനെ (അം) ദധാതി വേണ്ടപോലെ വിഷ്ണുവിനെ ധരിയ്ക്കുന്നവള്‍.
3 സ്വജനങ്ങളെ (സ്വാന്‍) ധരിയ്ക്കുന്നവള്‍ എന്നും ആകാം.
4, സ്വന്തം പങ്ക് എന്നൊരര്‍ത്ഥമുണ്ട് സ്വധാ എന്നതിന്. പ്രപഞ്ചത്തില്‍ ഭഗവതിയുടേതല്ലാത്ത ഏതുപങ്കാണുള്ളത്
5, സ്വേച്ഛാ എന്നും ഒരര്‍ത്ഥം. ഭഗവതിയുടെസ്വേച്ഛാസ്വരൂപം തന്നെ ആണല്ലോ പ്രപഞ്ചസ്വരൂപമായ ഭഗവതിരൂപം.

537, സ്വാഹാ (സ്വാഹായൈ നമഃ)

2011-09-06T08:00:00.000-07:00

1, ഹോമത്തിന് സാധരണയായി ഉപയോഹിയ്ക്കുന്നവാക്കാണ് സ്വാഹാ എന്നത്.
2, സ്വാഹാ എന്നത് ദേവിയുടെ തന്നെ നാമമാണെന്ന് പുരാണങ്ങള്‍ പറയുന്നു.
3, സ്വശബ്ദത്തിന് സ്വര്‍ഗ്ഗം എന്നും ആത്മാവ് എന്നും അര്‍ത്ഥം ഉണ്ട്. ആഹാ എന്നതിന് പറയുന്നത് എന്നും അറിയണം എന്നും അര്‍ത്ഥം. സ്വര്‍ഗ്ഗത്തെ അല്ലെങ്കില്‍ ആത്മാവിനെ പറയുന്നത് അഥവാ അറിയുന്നത് എന്ന് സ്വാഹാ എന്നശബ്ദത്തിന് അര്‍ത്ഥം വരാം
4, സ്വീയമായിട്ട് ചെല്ലുന്നത് എന്നും അര്‍ത്ഥം വരാം. ഹോമിയ്ക്കുന്ന വസ്തു ദേവതയ്ക്ക് സ്വന്തമായി തീരുവാന്‍ തക്കവണ്ണം ചെന്നു ചേര്‍ക്കുന്നത്.
5, സുഷ്ഠു ആഹൂയതേനയാ ഇതി. വേണ്ടവിധത്തില്‍ ഈ ശബ്ദത്താല്‍ വിളിയ്ക്കപ്പെടുന്നു. യജിയ്ക്കേണ്ട ദേവതകളെ വേണ്ടവിധത്തില്‍ ഈശബ്ദം വിളിയ്ക്കുന്നു.
6, അഗ്നിയുടെ ഭാര്യ
7. അഗ്നിമൂര്‍ത്തിയായിരിയ്ക്കുന്ന ശിവന്‍റെ ഭാര്യ. അതുകൊണ്ടു തന്നെ അഗ്നിഭൂവായിരിയ്ക്കുന്ന സുബ്രഹ്മണ്യന്‍റെ അമ്മ. മഹൈശ്വരപുരാധ്ഷ്ഠാത്രി.

536, യാകിന്യംബാസ്വരൂപിണീ .(യാകിന്യംബാസ്വരൂപിണ്യൈഃ)

2011-09-05T08:00:00.000-07:00

1, യാകിന്യംബാസ്വരൂപിണിയുടെ സ്വരൂപത്തോടുകൂടിയവള്‍

535, സര്‍വ്വൗദനപ്രീതചിത്താ (സര്‍വ്വൗദനപ്രീതചിത്തായൈ നമഃ)

2011-09-04T08:00:00.000-07:00

1, സര്‍വ്വൗദനങ്ങിലും പ്രീതിയുള്ള ചിത്തത്തോടു കൂടിയവള്‍. എല്ലാ അന്നവും ഇഷ്ടപ്പെടുന്നവള്‍
2, എല്ലാ ജനങ്ങളുടേയും അന്നം ഇഷ്ടപ്പെടുന്നവള്‍

534, സര്‍വ്വതോമുഖീ (സര്‍വ്വതോമുഖ്യൈ നമഃ)

2011-09-03T08:00:00.001-07:00

1, എല്ലായിടത്തും മുഖമുള്ളവള്‍. എല്ലാമുഖങ്ങളും ഭഗവതിയുടേതുതന്നെ ആണല്ലോ.
2, സര്‍വ്വതോമുഖം എന്നതിന് ആകാശം എന്നൊരു അര്‍ത്ഥം. അപ്പോള്‍ ആകാശസ്വരൂപാ എന്നും വരാം.
3, വെള്ളം എന്നും സര്‍വ്വതോമുഖത്തിന് അര്‍ത്ഥമുണ്ട്. ജലസ്വരൂപാ എന്നും അങ്ങിനെ അര്‍ത്ഥമാകാം.
ബ്രഹ്മം എന്നും അര്‍ത്ഥമാകാം. ബ്രഹ്മസ്വരൂപാ

533, ശുക്ലസംസ്ഥിതാ (ശുക്ലസംസ്ഥിതായൈ നമഃ)

2011-09-03T08:00:00.000-07:00

1, ശുക്ലം എന്ന ധാതുവില്‍ സ്ഥിതിചെയ്യുന്നവള്‍.
2, ശുക്ളത്തിലാണല്ലോ ജീവനുകാരണമായ ബീജം. ജീവകാരണമായ ബീജസ്വരൂപത്തിലുള്ളവള്‍ എന്നും ആകാം
3, ശുക്ളന്‍ എന്ന് വിഷ്ണുവിന് ഒരു നാമമുണ്ട്. അതിനാല്‍ വിഷ്ണുവിലുള്ളവള്‍ എന്നും ആകാം

532, സര്‍വ്വായുധധരാ (സര്‍വ്വായുധധരായൈ നമഃ)

2011-09-02T08:00:00.001-07:00

1, എല്ലാ ആയുധങ്ങളും ധരിയ്ക്കുന്നവള്‍. എല്ലാ ആയുധങ്ങളും അണിഞ്ഞവള്‍.
2, എല്ലാ ആയുധങ്ങള്‍ക്കും വിളമൂമിയായുള്ളവള്‍ എന്നും ആകാം. എല്ലാ ആയുധങ്ങളും ഭഗവതിയില്‍ നിന്നു തന്നെ ആണ് ഉണ്ടാവുന്നത്.

531, സര്‍വ്വവര്‍ണ്ണോപശോഭിതാ (സര്‍വ്വവര്‍ണ്ണോപശോഭിതായൈ നമഃ)

2011-09-01T08:00:00.000-07:00

1, എല്ലാവണ്ണങ്ങളോടും ഉപശോഭിതാ. വര്‍ണ്ണങ്ങള്‍ - അ തുടങ്ങി ക്ഷ കഴിവോളമുള്ള അക്ഷരങ്ങള്‍. ഉപശോഭിതാ - ചേര്‍ന്നശോഭിയ്ക്കുന്നവള്‍. സഹസ്രദളത്തില്‍ എല്ലാ അക്ഷരങ്ങളുടേയും സാന്നിദ്ധ്യമുണ്ട്.
2, വര്‍ണ്ണം എന്നതിന് നിറം എന്നൊരര്‍ത്ഥം. എല്ലാനിറങ്ങളും ഉള്ളവള്‍. ഭഗവതിയില്‍ ചേരാത്ത നിറങ്ങള്‍ ഇല്ലല്ലോ
3, വര്‍ണ്ണം എന്നതിന് ബ്രാഹ്മണാദി വര്‍ണ്ണം എന്നും പറയാം. എല്ലാവര്‍ണ്ണങ്ങളും ഭഗവതിയില്‍ തന്നെ ആണല്ലോ നിലനില്‍ക്കുന്നത്

530, സഹസ്രദളപദ്മസ്ഥാ (സഹസ്രദളപദ്മസ്ഥായൈ നമഃ)

2011-08-31T08:00:00.000-07:00

1, സഹസ്രദളപദ്മത്തില്‍ സ്ഥിതി ചെയ്യുന്നവള്‍. മനുഷ്യന്‍റെ ശിരസ്സില്‍ ആയിരം ദളങ്ങളുള്ള ഒരുപദ്മമുണ്ട് എന്നാണ് വിശ്വാസം. അതില്‍ സ്ഥിതിചെയ്യുന്നവള്‍

529, ഹാകിനീരൂപധാരിണീ (ഹാകിനീരൂപധാരിണ്യൈ നമഃ)

2011-08-30T08:00:00.000-07:00

1, ഹാകിനീ എന്നദേവതയുടെ രൂപം ധരിച്ചവള്‍. ആജ്ഞാചക്രത്തിലെ ദേവതയാണ് ഹാകിനീ. ഭഗവതിതന്നെ ആണല്ലോ ആരൂപത്തിലും ഉള്ളത്.

528, ഹരിദ്രാന്നൈകരസികാ (ഹരിദ്രാന്നരസികായൈ നമഃ)

2011-08-29T08:00:00.000-07:00

1, ഹരിദ്രാന്നത്തില്‍ ഏകരസികാ. ഹരിദ്രാന്നം - ഹരിദ്രായിട്ട അന്നം. ഹരിദ്രാ - മഞ്ഞള്‍. ഏകരസികാ - ഒന്നില്‍ മാത്രം രസിയ്ക്കുന്നവള്‍. മഞ്ഞിളിട്ട അന്നത്തില്‍ അത്രത്തോളം രസിയ്ക്കുന്നവള്‍.
2, ഹരിദ്രാ എന്നതിന് രാത്രി എന്നൊരു അര്‍ത്ഥം ഉണ്ട്. രാത്രിഭക്ഷണം കഴിയ്ക്കുന്നവരില്‍ രസികാ എന്നും ആവാം. കൃച്ഛ്രം എന്ന പ്രായശ്ചിത്തത്തിന് മൂന്നു ദിവസം രാത്രി മാത്രം ഭക്ഷണം കഴിയ്ക്കേണ്ടതുണ്ട്. കൃച്ഛ്രവ്രതത്തിന്‍റെ ഭാഗമായ അത് അനുഷ്ടിയ്ക്കുന്നരോട് പ്രീതിയുള്ളവള്‍ എന്നാകാം.

526, ഹംസവതീമുഖ്യശക്തിസമന്വിതാ (ഹംസവതീമുഖ്യശക്തിസമന്വിതായൈ നമഃ)

2011-08-28T08:00:00.000-07:00

1, ഹംസവതീ മുഖ്യസ്ഥാനത്തുള്ള ശക്തികളോട്കൂടിയവള്‍. മുഖ്യസ്ഥാനം - മുഖസ്ഥാനം അതായത്

ആദ്യം. ആജ്ഞാചക്രത്തില്‍ ഹംസവതിഎന്നും ക്ഷമാവതീ എന്നും രണ്ടു ശക്തികളുണ്ട്. അവരോടു

കൂടിയവള്‍
2, ബ്രഹ്മാവിന്‍റെ ശക്തിയായ സരസ്വതി ഹംസവതിയാണല്ലോ. സരസ്വതീ മുതലായവരുടെ ശക്തി

ഉള്ളവള്‍ എന്നും ആകാം.

525, മജ്ജാസംസ്ഥാ (മജ്ജാസംസ്ഥായൈ നമഃ)

2011-08-27T08:00:00.000-07:00

1, മജ്ജാ എന്ന ധാതുവില്‍ സ്ഥിതിചെയ്യുന്നവള്‍.
2, മരങ്ങളുടെ കാതലിന് മജ്ജാ എന്ന് പറയാറുണ്ട്. അതിനാല്‍ ഈ ലോകത്തിന്‍റെ തന്നെ കാതലായി

സ്ഥിതിചെയ്യുന്നവള്‍ എന്നും ആകാം.

524, ഷഡാനനാ (ഷഡാനനായൈ നമഃ)

2011-08-26T08:00:00.000-07:00

1, ആറുമുഖങ്ങളുള്ളവള്‍.

523, ശുക്ലവര്‍ണ്ണാ ശുക്ളവര്‍ണ്ണായൈ നമഃ)

2011-08-25T08:00:00.000-07:00

1, ശുക്ലമായ വര്‍ണ്ണത്തോടു കൂടിയവള്‍.. ശുക്ലവര്‍ണ്ണം വെള്ളിനിറം. വെള്ളിയുടെ നിറമുള്ളവള്‍

522, ആജ്ഞാചക്രാബ്ജനിലയാ (ആജ്ഞാചക്രാബ്ജനിലയായൈ നമഃ)

2011-08-24T08:00:00.000-07:00

1, ആജ്ഞാചക്രത്തിലുള്ള അബ്ജത്തില്‍ നിലയനം ചെയുന്നവള്‍. ഭ്രൂമദ്ധ്യത്തിലുള്ള ആജ്ഞാചക്രത്തില്‍ സ്ഥിതിചെയ്യുന്നവള്‍.
2, ആജ്ഞാമണ്ഡലമാകുന്ന അബ്ജം.- ഭഗവതിയുടെ ആജ്ഞാപ്രകാരം നടക്കുന്ന മണ്ഡലം ആണല്ലോ ബ്രഹ്മാണ്ഡം. അതകുന്ന അബ്ജത്തില്‍ ഉള്ളത് ബ്രഹ്മാവുതന്നെ.. ഭഗവതിതന്നെ ആണല്ലോ ബ്രഹ്മാവിന്‍റെ രൂപത്തിലുള്ളതും.

521, സാകിന്യംബാസ്വരൂപിണീ (സാകിന്യംബാസ്വരൂപിണ്യൈ നമഃ)

2011-08-23T08:00:00.000-07:00

1, സാകിന്യംബയുടെ സ്വരൂപമുള്ളവള്‍. മൂലാധാരത്തിലുള്ള ദേവതയാണ് സാകിന്യംബാ.. ആദേവതയുടെ സ്വരൂപത്തിലുള്ളവള്‍

520, മുദ്ഗൗദനാസക്തചിത്താ (മുദ്ഗൗദനാസക്തചിത്തായൈ നമഃ)

2011-08-22T08:00:00.000-07:00

1, മുദ്ഗൗദനത്തില്‍ ആസക്തിയുള്ള ചിത്തത്തോടു കൂടിയവള്‍. മുദ്ഗൗദനം - മുദ്ഗം ചേര്‍ത്ത ഓദനം. മുദ്ഗം - ചെറുപയര്‍. ഓദനം - അന്നം. ചെറുപയര്‍ കൂട്ടി ഉണ്ടാക്കിയെടുക്കുന്ന അന്നത്തില്‍ താല്‍പ്പര്യമുള്ളവള്‍

519, വരദാദിനിഷേവിതാ (വരദാദിനിഷേവിതായൈ നമഃ)

2011-08-21T08:00:00.000-07:00

1, വരദാ മുതലായ ദേവതവളാല്‍ സേവിയ്ക്കപ്പെടുന്നവള്‍.
2, വരദകളില്‍ ആദ്യം നിവഷേവിയ്പ്പെടേടേണ്ടവള്‍

518, അങ്കുശാദിപ്രഹരണാ (അങ്കുശാദിപ്രഹരണായൈ നമഃ)

2011-08-20T08:00:00.001-07:00

1, അങ്കുശം മുതലായ പ്രഹഗണങ്ങളോടു കൂടിയവള്‍. അങ്കുശം - ആനത്തോട്ടി. പ്രഹരണം - ആയുധം. ആനത്തോട്ടു മുതലായ ആയുധങ്ങള്‍ ഉള്ളവള്‍.
2, അങ്കുശാദികള്‍ കൊണ്ട് പ്രഹരണം ചെയ്യുന്നവള്‍. പ്രഹരണം - ഇന്ദ്രിയനിഗ്രഹം. അങ്കുശം മുതലായവയാല്‍ ഭക്തരുടെ ഇന്ദ്രിയങ്ങലെ നിഗ്രഹിയ്ക്കുന്നവള്‍.

517, അസ്ഥിസംസ്ഥിതാ (അസ്ഥിസംസ്ഥിതായൈ നമഃ)

2011-08-19T08:00:00.000-07:00

1, അസ്ഥി എന്ന ധാതുവില്‍ സംസ്ഥിതാ.

516, പഞ്ചവക്ത്രാ (പഞ്ചവക്ത്രായൈ നമഃ)

2011-08-18T08:00:00.000-07:00

1, അഞ്ചുവക്ത്രങ്ങള്‍ ഉള്ളവള്‍. സാകിനീ എന്നദേവതയ്ക്ക് അഞ്ചമുഖങ്ങളുണ്ട്
2, സദാശിവന് അഞ്ചുവക്ത്രങ്ങള്‍ ഉള്ളതുകൊണ്ട് സദാശിവപത്നി എന്നര്‍ത്ഥമാകാം.

515, മൂലാധാരാംബുജാരൂഢാ (മൂലാധാരാംബുജാരൂഢായൈ നമഃ)

2011-08-17T08:00:00.001-07:00

1, മൂലാധാരത്തിലുള്ള അംബുജത്തില്‍ ആരൂഢാ. മൂലാധാരം -ഗുദലിങ്ഗങ്ങള്‍ക്കിടയ്ക്ക് സുഷുമ്നാനാഡിയില്‍ കല്‍പ്പിച്ചിട്ടുള്ള ആധാരം. മൂലാധാരത്തില്‍ ജീവശിവന്‍ ഉണ്ടെന്നും ആ ശിവന്‍റെ മുഖം മൂടിക്കൊണ്ട് കുണ്ഡലിനി കിടക്കുന്നൂ എന്നും സങ്കല്‍പ്പമുണ്ട്.
2, മൂലത്തിനും ആധാരമായിരിയ്ക്കുന്ന അംബുവില്‍ നിന്ന് ഉണ്ടായിട്ടുള്ളതില്‍ ആരൂഢാ.. കാരണത്തിനും ആധാരമായിരിയ്ക്കുന്നതാണ് അംബു. എല്ലാകാര്യങ്ങള്‍ക്കും ആധാരമായിട്ടുള്ള ജലം ആണല്ലോ. ജലത്തില്‍ നിന്നാണ് സൃഷ്ടി എന്നുണ്ട്. കാരണജലത്തില്‍ നിന്നുണ്ടായ ഈ പ്രജഞ്ചത്തില്‍ നിറഞ്ഞു നില്‍ക്കുന്നവള്‍.

514, കാകിനീരൂപധാരിണീ (കാകിനീരൂപധാരിണ്യൈ നമഃ)

2011-08-16T08:00:00.001-07:00

1, കാകിനീ എന്ന സ്വാധിഷ്ഠാനപദ്മത്തിലെ ദേവതയുടെ രൂപമുള്ളവള്‍.

513, ദധ്യന്നാസക്തഹൃദയാ (ദധ്യന്നാസക്തഹൃദയായൈ നമഃ)

2011-08-15T08:10:00.000-07:00

1, ദധ്യന്നത്തില്‍ ആസക്തിയുള്ള ഹൃദയത്തോടു കൂടിയവള്‍. ദധ്യന്നം - തൈരുചോറ്. തൈരുചോറ് ഇഷ്യമായിട്ടുള്ളവള്‍
2, ദധികൊണ്ടും അന്നംകൊണ്ടും ആസക്തമായ ഹൃദയങ്ങളോടു കൂടിയവള്‍. ദധി - വസ്ത്രം.. അന്നം എന്നതിന് ചോറ് എന്നും ഭൂമി എന്നും അര്‍ത്ഥം. വസ്ത്രത്തിലും ഭക്ഷണത്തിലും ഭൂമിയിലും ആസക്തിയുള്ള ഹൃദയങ്ങളുള്ള അനവധി വിധത്തിലുള്ള ഭക്തരുടെ എല്ലാവരുടേയും ഹൃദയം ഭഗവതിയുടേതുതന്നെ ആണല്ലോ

512, ബന്ധിന്യാദിസമന്വിതാ (ബന്ധിന്യാദിസമന്വിതായൈ നമഃ)

2011-08-14T08:00:00.000-07:00

1, ബന്ധിന്യാദികളോട് സമന്വിതാ. ബന്ധിന്യാദികളായ ആറുദേവതകളോട് കൂടിയവള്‍. സ്വാധിഷ്ഠാനപദ്മത്തിലെ കാകിനിയെ സേവിയ്ക്കുന്നവരാണ് ഈ ആറുപേര്‍.
2, ബന്ധനം മുതലായ ശിക്ഷാനടപടികള്‍ സ്വീകരിയ്ക്കുന്നരോടൊപ്പമുള്ളവള്‍. ധര്‍മ്മം നിലനിര്‍ത്താന്‍ വേണ്ടിയാണല്ലോ ശിക്ഷാനടപടികള്‍. അതില്‍ സഹകരിയ്ക്കുന്നവള്‍

511, മധുപ്രീതാ (മധുപ്രീതായൈ നമഃ)

2011-08-13T08:00:00.000-07:00

1, മധുവാല്‍ പ്രീതയാകുന്നവള്‍. മധു മദ്യം അല്ലങ്കില്‍ തേന്‍.
2, മധു എന്നതിന് മധുരം എന്നൊരര്‍ത്ഥം. മധുരരസപ്രീതാ
3, മധുവിന് വസന്തം എന്നും അര്‍ത്ഥം ഉണ്ട്.വസന്തം ഇഷ്ടപ്പെടുന്നവള്‍